फोटो सौजन्य - बीसीसीआय सोशल मिडिया
भारताचा संघ आता एकदिवसीय मालिका झाल्यानंतर टी20 मालिकेसाठी सज्ज झाला आहे. एकदिवसीय मालिकेमध्ये पराभव झाल्यानंतर आता भारताचा संघ बदला घेण्याच्या इराद्यामध्ये मैदानात उतरेल. भारत आणि ऑस्ट्रेलिया यांच्यातील पाच सामन्यांची टी-२० आंतरराष्ट्रीय मालिका बुधवारपासून सुरू होत आहे. मालिकेतील पहिला सामना कॅनबेरा येथे खेळला जाईल. टीम इंडियाने अलीकडेच तीन सामन्यांची एकदिवसीय मालिका १-२ अशी गमावली होती, परंतु आता ते टी-२० आंतरराष्ट्रीय मालिका जिंकण्याचा प्रयत्न करतील.
सूर्यकुमार यादव भारतीय टी-२० संघाचे नेतृत्व करेल. या हाय-व्होल्टेज सामन्यापूर्वी, माजी भारतीय यष्टीरक्षक-फलंदाज पार्थिव पटेलने त्याच्या पसंतीच्या प्लेइंग ११ ची निवड केली आहे. पटेलने अभिषेक शर्मा आणि शुभमन गिल या सलामी जोडीवर विश्वास व्यक्त केला. तिसऱ्या क्रमांकाच्या स्थानासाठी योग्य पर्याय म्हणून त्यांनी तिलक वर्माची शिफारस देखील केली.
श्रेयस अय्यरला मोठी दुखापत; अय्यरचे ‘हे’ ठरवता त्याला भारताचा स्टार खेळाडू; एकदा वाचाच
माजी यष्टीरक्षकाच्या मते, चौथ्या क्रमांकावर कर्णधार सूर्यकुमार यादव हा आदर्श फलंदाज असेल. अभिषेक शर्मा आणि तिलक वर्मा सध्या उत्कृष्ट फॉर्ममध्ये आहेत. नुकत्याच संपलेल्या आशिया कपमध्ये अभिषेकने सात सामन्यांमध्ये २०० च्या स्ट्राईक रेटने ३१४ धावा केल्या. दरम्यान, तिलकने सहा डावांमध्ये ७१ च्या सरासरीने २१३ धावा केल्या.
पार्थिव पटेलने पाचव्या क्रमांकासाठी संजू सॅमसनची निवड केली आणि त्याच्यावर यष्टीरक्षकपदाची जबाबदारी सोपवली. त्यानंतर त्याने डावखुरा फिरकीपटू अक्षर पटेलला प्लेइंग इलेव्हनमध्ये समाविष्ट केले. कुलदीप यादवला वगळून पटेलने चाहत्यांना आश्चर्यचकित केले. माजी भारतीय क्रिकेटपटूने शिवम दुबे आणि नितीश कुमार रेड्डी या दोन वेगवान गोलंदाजांची निवड केली. पार्थिव पटेलने वरुण चक्रवर्ती या स्पेशालिस्ट स्पिनरची निवड केली आणि जसप्रीत बुमराह आणि अर्शदीप सिंग यांना दोन प्रमुख वेगवान गोलंदाज म्हणून निवडले.
अभिषेक शर्मा, शुभमन गिल, टिळक वर्मा, सूर्यकुमार यादव (कर्णधार), संजू सॅमसन (यष्टीरक्षक), अक्षर पटेल, शिवम दुबे, नितीश कुमार रेड्डी, वरुण चक्रवर्ती, जसप्रीत बुमराह आणि अर्शदीप सिंग.
भारतीय संघाने ऑस्ट्रेलियाविरुद्ध एकदिवसीय मालिका गमावली आणि आता टी-२० आंतरराष्ट्रीय मालिका जिंकण्यासाठी उत्सुक आहे. ऑस्ट्रेलियाने पहिला आणि दुसरा एकदिवसीय सामना अनुक्रमे सात आणि दोन विकेट्सने जिंकला. तिसऱ्या एकदिवसीय सामन्यात भारतीय संघाने दमदार पुनरागमन करत नऊ विकेट्सने विजय मिळवत आपली प्रतिष्ठा वाचवली.
.png "Videos"){kind=small}
