IND Vs END : भारतीय ‘अ’ संघाची आता खरी कसोटी, इंग्लंड लायन्स विरुद्ध करणार दोन हात.. 

भारत 'अ' संघ शुक्रवारपासून इंग्लंड लायन्स विरुद्ध चार दिवसांचा अनधिकृत कसोटी सामना खेळणार आहे. तेव्हा इंग्लंडमध्ये भारत 'अ' संघाची खरी कसोटी लागणार आहे. भारत आणि इंग्लंडमधील कसोटी मालिका २० जूनपासून लीड्स येथे होणार आहे.

अभिमन्यू ईश्वरन(फोटो-सोशल मिडिया)

Follow Us:

Follow Us:

Indian ‘A’ team vs England Lions :  भारत ‘अ’ संघ शुक्रवारपासून इंग्लंड लायन्स विरुद्ध चार दिवसांचा अनधिकृत कसोटी सामना खेळेल. तेव्हा सलामीवीर यशस्वी जैस्वाल आणि अष्टपैलू नितीश कुमार रेड्डी यांच्यासह अनेक प्रमुख कसोटी क्रिकेटपटू इंग्लंडमधील परिस्थितीशी जुळवून घेण्याचा प्रयत्न करतील. जैस्वाल आणि नितीश व्यतिरिक्त, भारत अ संघात अभिमन्यू ईश्वरन, ध्रुव जुरेल, करुण नायर, वेगवान गोलंदाज आकाश दीप आणि शार्दुल ठाकूर यांचा समावेश आहे. भारत आणि इंग्लंडमधील कसोटी मालिका २० जूनपासून लीड्स येथे सुरू होणार आहे.

करुण वगळता सर्वांचा हा पहिलाच इंग्लंड दौरा आहे. ईश्वरनबद्दल बोलायचे झाले तर, रोहित शर्माच्या कसोटी क्रिकेटमधून निवृत्तीनंतर, भारताला जैस्वालसोबत डावाची सुरुवात करण्यासाठी फलंदाजाची आवश्यकता आहे. यासोबतच, विराट कोहलीच्या निवृत्तीनंतर, चौथ्या क्रमांकाच्या स्थानासाठी फलंदाजाची देखील आवश्यकता आहे. ईश्वरनने प्रथम श्रेणी क्रिकेटमध्ये १०१ सामन्यांमध्ये डावाची सुरुवात केली आहे. तो अनेक वेळा प्लेइंग इलेव्हनमध्ये स्थान मिळवण्याच्या जवळ पोहोचला होता पण तो हुकला.

हेही वाचा : RCB Vs PBKS : पंजाबचा पराभव तरी Prabhsimran Singh ठरला ‘किंग्ज’, ‘या’ माजी खेळाडूच्या १७ वर्ष जुन्या विक्रमाशी केली बरोबरी..

आता रोहितच्या निवृत्तीनंतर तो संघात सलामीवीर किंवा तिसऱ्या क्रमांकाचा फलंदाज म्हणून स्थान मिळवू शकतो. निवडकर्त्यांनी केएल राहुलला सलामीवीराची भूमिका दिली तर तो तिसऱ्या क्रमांकावर आणि नवा कर्णधार शुभमन गिल चौथ्या क्रमांकावर येऊ शकतो. आठ वर्षांनी करुण देखील भारतीय संघात परतला आहे, ज्याने

२०२३-२४ हंगामात देशांतर्गत क्रिकेटमध्ये भरपूर धावा केल्या आहेत. इंग्लंडमध्ये नॉर्थम्प्टनशायरकडून काउंटी क्रिकेट खेळलेल्या करुणला येथील परिस्थितीचा चांगला अनुभव आहे. नितीश रेड्डीने २०२४-२५ च्या ऑस्ट्रेलिया दौऱ्यावर पाच कसोटी सामन्यांमध्ये शतकासह २९८ धावा केल्या. भारत अ संघ आणि कसोटी संघात ठाकूरची निवड हे सिद्ध करते की संघ व्यवस्थापनाला गोलंदाजीत अधिक आक्रमकता हवी आहे.

हेही वाचा : RCB vs PBKS : रजतच्या सेनेची फायनलमध्ये एंन्ट्री! पंजाबच्या किंग्सच्या संघाला आरसीबीने 8 विकेट्सने केले पराभूत

इंग्लंड संघात वोक्स, रेहान अहमदचा समावेश इंग्लंडबद्दल बोलायचे झाले तर, जॉर्डन कॉक्सच्या तंदुरुस्तीवर लक्ष असेल, जो पोटाच्या स्नायूंच्या दुखापतीमुळे झिम्बाब्वेविरुद्ध कसोटी खेळू शकला नाही. २१वर्षीय जेम्स र्यू हा लायन्सचा कर्णधार आहे आणि त्याने या वर्षी काउंटी चॅम्पियनशिपमध्ये ५५ च्या सरासरीने धावा केल्या आहेत. फिरकी गोलंदाज रेहान अहमद आणि अष्टपैलू ख्रिस वोक्स देखील संघात आहेत. त्यामुळे या संघाविरुद्ध भारतीय संघ कसा खेळेल हे सामन्यादरम्यान स्पष्ट होणार आहे. विशेष म्हणजे यातूनच भारतीय संघाची निवड केली जाईल.

Web Title: Ind vs end india a teams real test now against england lions

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com