फोटो सौजन्य – X
शुभमन गिल – आकाशदीप : भारत विरुद्ध इंग्लंड यांच्यामध्ये सुरू असलेला सामना हा फारच मनोरंजक वळणावर आहे. भारताच्या संघाला विजय मिळवण्यासाठी चार विकेटची आहेत तर इंग्लंडच्या संघाला विजय मिळवण्यासाठी फक्त 35 धावांची गरज आहे. भारताच्या संघाने त्यांच्या दुसऱ्या इनिंग मध्ये चांगली फलंदाजी केली पण त्या धावा पुरेशा नाही आता अशी चर्चा सुरू झाली आहे. सध्या जेमी स्मित आणि जेमी ओव्हरटन हे दोघे फलंदाजी करत आहेत.
या सामन्यात भारताच्या संघाला विजय मिळवणे गरजेचे आहे तरच मालिकाही ड्रा होईल नाहीतर इंग्लंडच्या संघाने हा सामना जिंकल्यास ३–१ अशी इंग्लंडचा संघ मालिका जिंकेल. यावेळी शेवटचा सामना त्याचबरोबर महत्त्वाचा सामना असल्यामुळे अनेक खेळाडूंचा रुद्र अवतार पाहायला मिळाला. ओव्हल कसोटीच्या चौथ्या दिवशी मैदानावर प्रचंड तणाव होता, जेव्हा इंग्लंडच्या फलंदाजीने भारतीय गोलंदाजांवर दबाव आणला. भारतीय कर्णधार शुभमन गिल दबावाच्या परिस्थितीत दिसला.
भारत विरुद्ध इंग्लंड पाचव्या कसोटी सामन्याच्या चौथ्या दिवशी, जेव्हा इंग्लंडचे फलंदाज हॅरी ब्रूक आणि जो रूट शानदार फलंदाजी करत होते, तेव्हा कर्णधार शुभमन गिलने जखमी आकाश दीपला विचारले, “तू इंजेक्शन घेतले का?” गिलचा प्रश्न आकाशने पुन्हा गोलंदाजी करण्यासाठी वेदनाशामक इंजेक्शन घेतले होते का याचे संकेत देत होता. त्याने हा प्रश्न दोनदा पुन्हा सांगितला, ज्यावरून स्पष्ट झाले की भारत मैदानावर उच्च दबावाच्या परिस्थितीत होता.
चौथ्या दिवसाच्या सकाळच्या सत्रात, हॅरी ब्रूकने सरळ ड्राईव्हने गोलंदाज आकाश दीपच्या उजव्या पायावर बॉल मारला. चेंडू इतका वेगवान होता की आकाश लगेच जमिनीवर पडला आणि वेदनेने कण्हत त्याचा पाय धरला. त्याने षटक पूर्ण केले तरी त्याच्या फिटनेसबद्दल शंका कायम होत्या. दुपारच्या जेवणानंतर, जेव्हा फिरकी गोलंदाज वॉशिंग्टन सुंदर कोणताही प्रभाव पाडू शकला नाही, तेव्हा गिल पुन्हा वेगवान गोलंदाजीकडे वळला आणि आकाशकडे पाहत होता, जेव्हा स्टंप माइकची ही घटना घडली. त्याने त्याला विचारले की आकाशदीपने इंजेक्शन घेतले आहे का?
इंग्लंडच्या फलंदाजांनी भारताला कोणताही दिलासा दिला नाही. जो रूटने त्याचे ३९ वे कसोटी शतक झळकावले, तर हॅरी ब्रूकने त्याचे १० वे शतक पूर्ण केले. दोघांनी मिळून चौथ्या विकेटसाठी १९५ धावांची भागीदारी केली. खेळाच्या पाचव्या दिवशी, इंग्लंडच्या संघाला विजयासाठी आता ३५ धावांची आवश्यकता आहे, तर भारताला ४ विकेटची आवश्यकता आहे.
.png "Videos"){kind=small}
