भारताच्या पराभवाची कारणं कोणती?

कर्णधार सूर्यकुमार यादव अपयशी

भारताचा स्फोटक सलामीवीर अभिषेक शर्मा पहिल्याच चेंडूवर माघारी गेल्यानंतर, कर्णधार सूर्यकुमार यादववर डाव सांभाळण्याची जबाबदारी असताना, सूर्या आपली चमक दाखवू शकला नाही. तो ८ चेंडूत फक्त ८ धावा काढून बाद झाला. त्याला जेकब डफीने  झेलबाद केले. कर्णधाराचे झटपट बाद होणे संघासाठी चांगलेच माहागडे ठरले.

संजू सॅमसनच्या फॉर्मने चिंता

या मालिकेत भारताचा सलामीवीर संजू सॅमसनची बॅट शांतच राहिली. त्याला काल झालेल्या चौथ्या सामन्यात देखील मोठी खेळी करण्यात अपयश आले. संजू १५ चेंडूत फक्त २४ धावा करून बाद झाला. यावेळी संघाला त्याच्याकडून खूप मोठ्या योगदानाची अपेक्षा होती.

हर्षित राणाची कामगिरी निराशाजनक

चौथ्या टी-२० सामन्यात  हर्षित राणाची कामगिरी बॅट आणि बॉल दोन्हीमध्ये समाधानकारक कामगिरी करण्यात यशस्वी झाला नाही. त्याने चार षटकांत ५४ धावा दिल्या. परंतु, त्याला एक देखील विकेट घेता आली नाही. फलंदाजी करताना तो १३ चेंडूत फक्त ९ धावा करून माघारी गेला.

रवी बिश्नोई ठरला महागडा

लेग-स्पिनर रवी बिश्नोईला या सामन्यात आपला प्रभाव पाडण्यात अपयश आले. त्याने त्याच्या चार षटकांत ४९ धावा मोजल्या आणि  फक्त एकच बळी घेतला. मधल्या षटकांत धावसंख्या रोखण्यात भारताला अपयश आले आणि संघाच्या अडचणीत वाढ झाली.

हेही वाचा : Australian Open 2026 : “त्यांना प्राणीसंग्रहालयातील प्राण्यांसारखी…”,खेळाडूंना मिळणाऱ्या वागणुकीवर इगा स्विएटेकचे खळबळजक विधान

या सर्वांच्या खराब कामगिरीनंतर देखील शिवम दुबेने भारतासाठी शानदार फलंदाजी करत एकाकी झुंज देत, संघाला सावरण्याचा प्रयत्न केला. दुबेने २३ चेंडूत ६५ धावांची तुफानी खेळी केली, यामध्ये त्याने सात षटकार आणि तीन चौकार मारले. परंतु, टो आपल्या संघाला विजय मिळवून देऊ शकला नाही.

संबंधित बातम्या