Will Young चे शानदार शतक (फोटो सौजन्य - X.com)
न्यूझीलंडचा खेळाडू विल यंगने बऱ्याच कालावधीनंतर एकदिवसीय क्रिकेटमध्ये उल्लेखनीय पुनरागमन करत आपले शतक पूर्ण केले आहे. चॅम्पियन्स ट्रॉफी २०२५ च्या सलामीच्या सामन्यात पाकिस्तानविरुद्ध १०७ धावा केल्यापासून त्याचा फॉर्म थोडा खराब होता. त्याच्या मागील २४ डावांमध्ये, त्याने १८.७५ च्या सरासरीने आणि ७३.०५ च्या स्ट्राइक रेटने केवळ ४५० धावा केल्या होत्या आणि फक्त दोन अर्धशतके झळकावली होती. मात्र, या सामन्यात सुधारित फलंदाजी करत त्याने हा प्रदीर्घ दुष्काळ संपवला आहे.
Will Young with his 5th ODI Century and first against India 🖤🤍 Watch all the action LIVE in NZ on Sky Sport. https://t.co/0PzrqDsOmZ — BLACKCAPS (@BLACKCAPS) November 13, 2026
या सामन्यात किवी सलामीवीरांनी एक मोठा टप्पा गाठला आहे. २०१९ च्या विश्वचषकानंतर चौथ्यांदा दोन्ही किवी सलामीवीरांनी एकाच वेळी पन्नास धावांचा टप्पा ओलांडला आहे, ज्यामुळे संघ मजबूत स्थितीत आला आहे. जेव्हा न्यूझीलंडचे दोन्ही सलामीवीर एकाच सामन्यात पन्नासपेक्षा जास्त धावा करतात, तेव्हा सामना नेहमीच रोमांचक बनतो.
या सामन्यात विल यंग आणि टीम सायफर्ट या दोन्ही सलामीवीरांनी शानदार फलंदाजी करत डावाच्या सुरुवातीलाच अर्धशतके झळकावली. नंतर विल यंगने आपले शतक पूर्ण केले. हे शतक पूर्ण करताना त्याला दोन वेळा जीवनदान मिळाले होते हे विसरूनही चालणार नाही. भारताने खराब क्षेत्ररक्षण केले आणि त्यामुळेच विल यंगला शतक झळकवता आले.
भारत आणि न्यूझीलंड यांच्यात होणाऱ्या या सामन्याबाबत बोलायचे झाल्यास, भारतीय संघाचा कर्णधार श्रेयस अय्यरने नाणेफेक जिंकून प्रथम गोलंदाजी करण्याचा निर्णय घेतला आहे. भारतीय संघाने या सामन्यासाठी प्लेइंग इलेव्हनमध्ये तीन बदल केले आहेत. शुभमन गिल, केएल राहुल आणि अंशुल कंबोज या सामन्यात खेळत नाहीत. त्यांच्या जागी ईशान किशन, ऋतुराज गायकवाड आणि कुलदीप यादव यांना संधी देण्यात आली आहे. पाच सामन्यांच्या या मालिकेत भारतीय संघ सध्या २-० ने आघाडीवर आहे.
.png "Videos"){kind=small}
