बुधवार, 12 ऑगस्ट 2026
डिकवेलाच्या पुनरागमनाचे सर्वात मोठे कारण म्हणजे कुशल मेंडिसची अनुपस्थिती. हॅमस्ट्रिंगच्या दुखापतीमुळे मेंडिस निवडीसाठी उपलब्ध नाही. पथुम निसांका देखील मनगटाच्या शस्त्रक्रियेतून सावरत आहे. यामुळे, कुसल मेंडिस आणि पथुम निसांका पहिल्या कसोटीतून बाहेर झाले आहेत. या दोघांच्या अनुपस्थितीमुळे श्रीलंकेच्या फलंदाजीच्या फळीत एक पोकळी निर्माण झाली आहे. याच कारणामुळे वयाच्या ३३ व्या वर्षी डिकवेलाचा पुन्हा कसोटी संघात समावेश करण्यात आला आहे.
Sri Lanka have unveiled squad for the first home Test against India in Galle 📝#WTC27https://t.co/IqRQEOQinO — ICC (@ICC) August 12, 2026
आंतरराष्ट्रीय स्तरावर अद्याप एकही सामना न खेळलेल्या केसरा नुवान्था आणि अव्वल फळीतील फलंदाज पसिंदू सुरियाबंदर यांचाही श्रीलंकेच्या संघात समावेश करण्यात आला आहे. आतापर्यंत केवळ एक कसोटी सामना खेळलेला डावखुरा वेगवान गोलंदाज दिलशान मदुशंका याचेही संघात पुनरागमन झाले आहे. पथुम निसांका संघाबाहेर असल्याने, पसिंदू सुरियाबंदरलाही संघात आपले स्थान टिकवून ठेवण्याची संधी मिळाली आहे. मात्र, श्रीलंकेकडून निशन मदुष्का आणि लाहिरू उदारा डावाची सुरुवात करण्याची शक्यता आहे. श्रीलंकेच्या मागील कसोटीत दोघांनीही डावाची सुरुवात केली होती. मदुष्काने भारताविरुद्धच्या सराव सामन्यात डावाची सुरुवात करून एक शानदार अर्धशतक झळकावले होते. मधल्या फळीत दिनेश चांदीमल, कामिंदू मेंडिस आणि कर्णधार धनंजय डी सिल्वा हे तिसऱ्या, चौथ्या आणि पाचव्या क्रमांकावर खेळण्याची शक्यता आहे.
श्रीलंकेने घरच्या मैदानावर होणाऱ्या कसोटी मालिकेसाठी चार वेगवान गोलंदाजांची नावे जाहीर केली आहेत. त्यांच्याकडे अष्टपैलू मिलन रत्नायकेच्या रूपात पाचवा वेगवान गोलंदाजीचा पर्यायही आहे. सिथा फर्नांडो खेळण्याची सर्वाधिक शक्यता असून, संघरचनेनुसार गोलंदाज म्हणून लाहिरू कुमार, विश्व फर्नांडो आणि दिलशान मदुशंका यांचीही निवड होण्याची शक्यता आहे.
श्रीलंकेने तीन फिरकी गोलंदाजांची निवड केली आहे. डावखुरा फिरकी गोलंदाज प्रभात जयसूर्या हा संघाचा प्रमुख फिरकी गोलंदाज आहे. च्यासोबत, आंतरराष्ट्रीय स्तरावर पदार्पण न केलेल्या केसरा नुवान्था किंवा रमेश मेंडिस या दोघांपैकी एकाला संधी मिळू शकते. डावखुरा फिरकी अष्टपैलू सोनल दिनुशा देखील संघात असून तो खालच्या फळीत फलंदाजी करण्यासोबतच गोलंदाजीतही प्रभावी कामगिरी करु शकतो.
भारताविरुद्धच्या कसोटीसाठी श्रीलंकेचा संघ : धनंजया डी सिल्वा (कर्णधार), लाहिरू उदारा, निशान मदुशंका, कामिंदू मेंडिस, दिनेश चांदीमल, पसिंदू सुरियाबंदरा, सोनल दिनुषा, निरोजन डिकवेला, रमेश मेंडिस, प्रभाथ जयसूर्या, केशरा नुवांथा, मिलान रत्नायके, असिथा फर्नांडो, लाहिरु कुमारा, विश्वा फर्नांडो, दिलशान मदुशंका
Lionel Messi चा फुटबॉलमधून अनिश्चित काळासाठी ब्रेक; नेमकं कारण काय? मैदानावर कधी परतणार?
