IND vs WI 3rd ODI: तिसऱ्या वनडेत पावसाचा खोळंबा? चंदीगडमध्ये कसे असेल हवामान, पाहा Weather Report

IND vs WI 3rd ODI Weather Report: भारत आणि वेस्ट इंडिज यांच्यात तीन एकदिवसीय सामन्यांची मालिका सुरू आहे. तिसऱ्या आणि शेवटच्या सामन्यात कसे असेल चंडीगडमधील हवामान, जाणून घेऊयात.

• तिसऱ्या वनडेत पाऊस ठरणार व्हिलन?
• कसा असेल हवामानाचा अंदाज ?
• चंदीगडच्या हवामानाबाबत मोठे अपडेट

IND vs WI 3rd ODI: भारत आणि वेस्ट इंडिज यांच्यातील तीन सामन्यांच्या एकदिवसीय मालिकेतील अंतिम सामना ३ ऑक्टोबर रोजी खेळला जाणार आहे. हा सामना न्यू चंदीगड येथील महाराजा यादवेंद्र सिंह आंतरराष्ट्रीय क्रिकेट स्टेडियमवर खेळला जाईल. भारताने आतापर्यंत खेळल्या गेलेल्या दोन सामन्यांमध्ये उत्कृष्ट कामगिरी केली असून मालिकेत २-० अशी आघाडी घेतली आहे. भारत आणि वेस्ट इंडिज दोघेही तिसऱ्या सामन्यात उत्तम क्रिकेट खेळण्याच्या दृष्टीने मैदानात उतरतील. भारतीय संघ मालिकेत वेस्ट इंडिजचा क्लीन स्वीप करण्याचा प्रयत्न करेल , तर वेस्ट इंडिज अंतिम सामना जिंकून आपली प्रतिष्ठा वाचवण्याचा प्रयत्न करेल. तिसऱ्या सामन्यात कसा असेल हवामानाचा अंदाज, जाणून घेऊयात.

Breaking: Yuzvendra Chahal चा धक्कादायक निर्णय! अचानक क्रिकेटमधून निवृत्तीची घोषणा; सोशल मीडियावर पोस्ट करत म्हणाला…

अंतिम सामन्यात कसे असेल हवामान?

आतापर्यंत खेळल्या गेलेल्या दोन सामन्यांमध्ये कोणत्याही व्यत्यय आला नाही. AccuWeather च्या ३ ऑक्टोबरच्या अहवालानुसार, न्यू चंदीगडमध्ये दिवसा तापमान ३६ अंश सेल्सिअस आणि रात्री २२ अंश सेल्सिअसपर्यंत पोहोचेल. पावसाची शक्यता कमी आहे. दिवसा वाऱ्याचा वेग ताशी ९ किलोमीटर आणि रात्री ताशी १५ किलोमीटर राहील. हवामान आल्हाददायक राहील, दिवसभर ऊन असेल. त्यामुळे, सामन्यात पावसामुळे व्यत्यय येण्याची शक्यता कमी आहे.

सामना कुठे पाहायचा?

भारत आणि वेस्ट इंडिज यांच्यातील तिसरा सामना भारतीय प्रमाणवेळेनुसार दुपारी २ वाजता सुरू होईल. याचे थेट प्रक्षेपण जिओहॉटस्टार ॲप आणि वेबसाइटवर उपलब्ध असेल, तर सामन्याचे थेट प्रसारण स्टार स्पोर्ट्स नेटवर्कवर केले जाईल. हा सामना डीडी स्पोर्ट्सवरही विनामूल्य पाहता येईल. स्टार स्पोर्ट्सवर विविध भाषांमध्ये कॉमेंट्री उपलब्ध असेल.

भारतीय फलंदाज जोरदार फॉर्मात

दुसऱ्या सामन्यात भारताच्या सलामीच्या जोडीने शानदार कामगिरी केली. रोहित शर्माने शतक झळकावले, तर शुभमन गिलने द्विशतक झळकावले. पहिल्या सामन्यात विराट कोहलीनेही शानदार शतक झळकावले होते. या मालिकेत भारताच्या आघाडीच्या फलंदाजांनी उत्कृष्ट कामगिरी केली आहे. लक्ष्याचा पाठलाग करताना भारताने दोन्ही सामन्यात दणदणीत विजय मिळवला आहे. आता भारतीय संघाचे लक्ष तिसऱ्या आणि अंतिम एकदिवसीय सामन्यावर असेल.

भारताचा संभाव्य प्लेइंग 11

शुभमन गिल (कर्णधार), रोहित शर्मा, विराट कोहली, ऋतुराज गायकवाड, केएल राहुल, रवींद्र जडेजा, नितीश कुमार रेड्डी, कुलदीप यादव, मोहम्मद सिराज, आकिब नबी, गुरनूर ब्रार.

Asian Games 2026: फायनलचा काउंटडाऊन सुरू! गोल्ड मेडलसाठी IND vs PAK भिडणार; कधी अन् कुठे पाहाल Live ॲक्शन?