IND W vs SL W Final: आशिया कपचा महामुकाबला! आठव्या ट्रॉफीसाठी भारत सज्ज; श्रीलंकेविरुद्ध कोणाला मिळणार Playing-11 मध्ये संधी?

IND W vs SL W Womens Asia Cup 2026 final: महिला आशिया कपच्या अंतिम सामन्यात भारताचा सामना श्रीलंकेशी होणार आहे. या सामन्यात कशी असेल भारताची संभाव्य प्लेइंग इलेव्हन, जाणून घेऊयात.

• महिला आशिया कप फायनल
• भारताचे आठवे विजेतेपद पक्के होणार?
• श्रीलंकेशी निर्णायक सामना

महिला आशिया कप २०२६ च्या (Women’s Asia Cup 2026) अंतिम सामन्यात आज भारत आणि श्रीलंका भिडणार आहेत. दोन्ही संघ सामन्यासाठी पूर्णपणे सज्ज आहेत. आतापर्यंत भारत आणि श्रीलंका या स्पर्धेत एकही सामना हरलेले नाहीत. टीम इंडियाने ‘अ’ गटात अव्वल स्थान पटकावले आहे. ‘ब’ गटात श्रीलंका अव्वल स्थानी कायम आहे. भारताने आतापर्यंत गोलंदाजी आणि फलंदाजी या दोन्ही विभागांमध्ये चांगली कामगिरी केली आहे. विशेषतः गोलंदाजांनी उत्कृष्ट कामगिरी केली आहे. आजच्या सामन्यात, हरमनप्रीत कौरचा संघ अंतिम सामना जिंकून गेल्या आशिया कपमधील पराभवाचा बदला घेण्यासाठी उतरेल. श्रीलंकेविरुद्ध कशी असेल भारताची संभाव्य प्लेइंग इलेव्हन, जाणून घेऊयात.

IND vs AFG: भारत-अफगाणिस्तान सामन्याच्या वेळेत मोठा बदल; पहिला टी-20 किती वाजता सुरू होणार? नवीन अपडेट समोर

स्मृती मानधना- शेफाली वर्मा यांच्यावर जबाबदारी

फलंदाजीमध्ये भारताचे सलामीवीर, स्मृती मंधाना आणि शफाली वर्मा यांच्यावर मोठी जबाबदारी असेल. दोघीही चांगल्या फॉर्ममध्ये आहेत. शफालीने दोन अर्धशतके झळकावली आहेत, तर मंधानाने हाँगकाँगविरुद्ध शतक केले आहे. या दोघींकडून एका चांगल्या भागीदारीची अपेक्षा असेल. टीम इंडियाच्या मधल्या फळीतील फलंदाजांनी आतापर्यंत चांगली कामगिरी केलेली नाही. कर्णधार हरमनप्रीत कौरला मोठी खेळी करता आलेली नाही. त्यामुळे प्रतीका रावल,रिचा घोष आणि भारती फुलमाली यांच्याकडून मोठी अपेक्षा असेल.

फिरकी गोलंदाजांकडून देखील मोठी अपेक्षा

दीप्ती शर्माच्या अष्टपैलू कामगिरीमुळे भारतीय संघ अंतिम फेरीत पोहोचला. दीप्तीने प्रत्येक सामन्यात आपल्या भेदक गोलंदाजीने विकेट्स घेतले आहेत. तिने बॅटनेही धावा केल्या आहेत. आतापर्यंत दीप्तीने ११ विकेट्स घेतले आहेत. बांग्लादेशविरुद्धच्या उपांत्य सामन्यात तिने ६ चेंडूंमध्ये १३ धावा करून भारताला १५० धावांचा टप्पा ओलांडण्यास मदत केली. दीप्तीला श्री चरणी आणि प्रेमा रावत यांनी उत्कृष्ट साथ दिली आहे. त्या दोघींनीही आपल्या फिरकी गोलंदाजीने चमकदार कामगिरी केली आहे. आतापर्यंत या तिन्ही फिरकी गोलंदाजांनी स्पर्धेत आपले वर्चस्व गाजवले आहे.

See more

टीम इंडियाच्या प्लेइंग ११ मध्ये बदल होणार?

गट टप्प्यात भारताने थायलंड, हाँगकाँग आणि पाकिस्तानला धूळ चारली आहे. भारताने तिन्ही संघांविरुद्ध वर्चस्व गाजवत एकतर्फी विजय मिळवला आहे. उपांत्य फेरीत भारताने बांग्लादेशला नमवले. भारताने आतापर्यंत स्पर्धेत एकच संघ मैदानात उतरवला आहे. त्यामुळे, अंतिम सामन्यातही कोणतेही बदल अपेक्षित नाहीत. हरमनप्रीत कौर याच अकरा खेळाडूंसह अंतिम सामना जिंकण्याचा प्रयत्न करेल.

भारतीय संघाचे संभाव्य प्लेइंग 11

स्मृती मानधना, शेफाली वर्मा, प्रतिका रावल, हरमनप्रीत कौर (कर्णधार), रिचा घोष (विकेटकीपर), भारती फुलमाली, दीप्ती शर्मा, प्रेमा रावत, क्रांती गौड, श्री चरणी, नंदिनी शर्मा.

IND vs AFG: भारत-अफगाणिस्तान पहिल्या टी-20 वर पावसाचे सावट? सामना रद्द होणार? कसे असेल दिल्लीचे हवामान