Smriti Mandhana: स्मृती मंधानाच्या निशाण्यावर वर्ल्ड रेकॉर्ड, केवळ 69 धावा दूर

Smriti Mandhana: स्मृती मंधानाला इतिहास रचण्याची संधी आहे. महिलांच्या टी-२० आंतरराष्ट्रीय क्रिकेटमध्ये सर्वाधिक धावा करणारी खेळाडू होण्यापासून ती फक्त ६९ धावा दूर आहे. अव्वल ५ खेळाडूंची संपूर्ण यादी जाणून घ्या.

• स्मृती मंधाना करणार वर्ल्ड रेकॉर्ड 

• आशिया कप २०२६ मध्ये वर्ल्ड रेकॉर्ड होण्याची शक्यता 

• केवळ ६९ धावा दूर आणि स्मृती करणार रेकॉर्ड 

Smriti Mandhana: भारतीय महिला क्रिकेट संघाची स्टार सलामीवीर स्मृती मंधानाला महिला आशिया कप २०२६ च्या उपांत्य फेरीत इतिहास रचण्याची सुवर्णसंधी आहे. जर मंधानाने बांगलादेशविरुद्धच्या सामन्यात ६९ धावा केल्या, तर ती महिला टी-२० आंतरराष्ट्रीय क्रिकेटमधील सर्वाधिक धावा करणारी खेळाडू बनेल. स्मृती मंधाना सध्या महिला टी-२० आंतरराष्ट्रीय क्रिकेटमधील सर्वाधिक धावा करणाऱ्या खेळाडूंच्या यादीत दुसऱ्या क्रमांकावर आहे. तिने १७४ सामन्यांमध्ये ३०.६५ च्या सरासरीने ४,६९० धावा केल्या आहेत, ज्यात दोन शतके आणि ३५ अर्धशतकांचा समावेश आहे. मंधानाने तिच्या टी-२० आंतरराष्ट्रीय कारकिर्दीत ६३४ चौकार आणि ९५ षटकारही मारले आहेत.

महिला टी-२० आंतरराष्ट्रीय क्रिकेटमधील सर्वाधिक धावांचा विक्रम सध्या न्यूझीलंडची अनुभवी फलंदाज सुझी बेट्सच्या नावावर आहे. बेट्सने १८६ सामन्यांमध्ये ४,७५८ धावा केल्या आहेत. स्मृती मंधाना आता हा विक्रम मोडण्यापासून फक्त ६९ धावा दूर आहे. भारतीय कर्णधार हरमनप्रीत कौर ४,२४९ धावांसह तिसऱ्या स्थानावर आहे, तर श्रीलंकेची चमारी अथापट्टू ४,०९५ धावांसह चौथ्या स्थानावर आणि न्यूझीलंडची सोफी डिव्हाईन ३,८१७ धावांसह पाचव्या स्थानावर आहे.

IND W vs PAK W:आशिया कपमध्ये आज रंगणार थरार! भारत-पाकिस्तान आमनेसामने; महामुकाबल्यासाठी टीम इंडियाच्या प्लेइंग-11 मध्ये बदल होणार?

२०२६ च्या महिला आशिया कपमध्ये मंधाना देखील उत्कृष्ट फॉर्ममध्ये आहे. ती या स्पर्धेतील सर्वाधिक धावा करणारी खेळाडू आहे. तिने तीन सामन्यांमध्ये १५२ धावा केल्या आहेत. चीनच्या हाँगकाँगविरुद्ध तिने अवघ्या ६४ चेंडूंमध्ये १२४ धावांची स्फोटक खेळी केली, ज्यात १४ चौकार आणि ७ षटकारांचा समावेश होता.

भारतीय संघाचा बांगलादेशविरुद्ध रेकॉर्ड चांगला 

भारतासाठी चांगली बातमी ही आहे की बांगलादेशविरुद्ध संघाची कामगिरी उत्कृष्ट आहे. दोन्ही संघांमध्ये खेळल्या गेलेल्या २४ टी-२० सामन्यांपैकी भारताने २१ सामने जिंकले आहेत, तर बांगलादेशने केवळ ३ सामने जिंकले आहेत. सप्टेंबर २०२३ पासून भारताने बांगलादेशविरुद्ध सलग आठ टी-२० सामने जिंकले आहेत.

भारतीय संघ विक्रमी आठवे आशिया कप विजेतेपद पटकावण्याच्या ध्येयाने या स्पर्धेत उतरेल. चाहत्यांचे लक्ष केवळ टीम इंडियाच्या विजयावरच नाही, तर स्मृती मंधानाच्या ऐतिहासिक विक्रमावरही असेल, जो तिला महिला टी-२० क्रिकेटच्या क्रमवारीत अव्वल स्थानी पोहोचवू शकतो.

Smriti Mandhana: ‘माझ्यामुळे १० टक्के महिलासुद्धा…’ हाँगकाँगविरुद्ध शतक ठोकताच काय म्हणाली स्मृती?

दोन्ही संघांसाठी संभाव्य प्लेइंग ११

भारत: स्मृती मंधाना, शेफाली वर्मा, प्रतिका रावल, हरमनप्रीत कौर (कर्णधार), दीप्ती शर्मा, रिचा घोष (यष्टीरक्षक), भारती फुलमाली, राधा यादव, श्री चरणी, रेणुका सिंग ठाकूर, अरुंधती रेड्डी.

बांगलादेश : दिलारा अख्तर, फरजाना इस्मीन, निगार सुलताना (कर्णधार आणि यष्टिरक्षक), शर्मीन अख्तर सुप्ता, रितू मोनी, शोर्ना अख्तर, फहिमा खातून, राबिया खान, मारुफा अख्तर, नाहिदा अख्तर, सुलताना खातून.