Women’s Asia cup 2026: पाकिस्तानचा खेळ खल्लास! आता कोणाचा गेम करणार? सेमीफायनलमध्ये भारताचा ‘या’ संघाशी होणार महामुकाबला

India Beat Pakistan semi final match Women's asia cup: भारतीय संघाने महिला गट फेरीत तीन संघांना दणदणीत पराभूत करून आपले वर्चस्व प्रस्थापित केले. संघाने आता उपांत्य फेरीत आपले स्थान निश्चित केले आहे.

• पाकिस्तानचा ‘फडशा’ पाडला
• आता सेमीफायनलमध्ये कोणाशी पंगा?
• जाणून घ्या संपूर्ण माहिती

महिला आशिया कप २०२६ स्पर्धा सध्या दुबईमध्ये सुरु आहे. या स्पर्धेत आठ संघ खेळत आहेत. यातील गट फेरीचे सामने लवकरच संपणार आहेत. ‘अ’ गटामध्ये भारत, पाकिस्तान, हाँगकाँग आणि थायलंड यांचा समावेश आहे. भारताने आतापर्यंत आपली प्रभावी कामगिरी सुरुच ठेवली आहे. टीम इंडियाने तिन्ही संघांना सहज हरवून उपांत्य फेरी गाठली आहे. भारताने आपल्या तिसऱ्या सामन्यात पाकिस्तानला हरवले. भारत आता सहा गुणांसह गुणतालिकेत आघाडीवर आहे.

फायनलमध्ये मैदानात ‘राडा’! चालू सामन्यात Tilak Varma-Vaibhav Sooryavanshi भिडले; वाद वाढताच अंपायरही धावला, Video Viral

भारत अ गटात गुणतालिकेत आघाडीवर

भारताने गटफेरीत सलग तीन सामन्यात तीन विजय मिळवून उपांत्य फेरी गाठली आहे. ‘अ’ गटातील दुसरा संघ असलेला पाकिस्तान उपांत्य फेरीत पोहोचू शकतो. पाकिस्तान सध्या गुणतालिकेत दुसऱ्या स्थानावर आहे. थायलंड आणि हाँगकाँग उपांत्य फेरीच्या शर्यतीतून जवळपास बाहेर पडले आहेत. पाकिस्तानचा शेवटचा सामना हाँगकाँगविरुद्ध आहे.  पाकिस्तानने हा सामना जिंकला तर ते उपांत्य फेरीत प्रवेश करतील.

श्रीलंका ‘ब’ गटात आघाडीवर

श्रीलंका ‘ब’ गटात आघाडीवर आहे. श्रीलंकेने आतापर्यंत आपले दोन्ही सामने मोठ्या फरकाने जिंकले असून, त्यांचा नेट रन रेट पाचच्या जवळपास आहे. श्रीलंका या गटात अव्वल स्थानी कायम राहील. श्रीलंका उपांत्य फेरीसाठी जवळपास पात्र ठरला आहे. बांग्लादेशने आतापर्यंत फक्त एकच सामना खेळला आहे. इंडोनेशियाविरुद्ध ७१ धावांनी विजय मिळवून बांग्लादेश दुसऱ्या स्थानावर कायम आहे. या गटातून दोन्ही संघांचे उपांत्य फेरीतील स्थान निश्चित झाले आहे.

सेमिफायनलमध्ये भारत कोणाविरुद्ध भिडणार?

पहिला उपांत्य सामना ‘अ’ गटातील अव्वल संघ आणि ‘ब’ गटातील दुसऱ्या क्रमांकावरील संघ यांच्यात होईल. दुसरा उपांत्य सामना ‘अ’ गटातील दुसऱ्या क्रमांकावरील संघ आणि ‘ब’ गटातील अव्वल संघ यांच्यात होईल. भारत ‘अ’ गटात अव्वल संघ आहे, त्यामुळे आता त्यांचा सामना ‘ब’ गटातील दुसऱ्या क्रमांकावरील संघाशी होईल. सध्याच्या परिस्थितीनुसार, ‘ब’ गटात बांग्लादेश दुसऱ्या क्रमांकावर असेल. त्यामुळे, उपांत्य सामन्यात भारताचा सामना बांग्लादेशविरुद्ध होण्याची शक्यता आहे.

कधी होणार सेमिफायनल सामना?

महिला आशिया कपचा पहिला उपांत्य सामना १० सप्टेंबर रोजी खेळला जाईल. सामना भारतीय प्रमाणवेळेनुसार रात्री ८:०० वाजता सुरू होईल. हा सामना सोनी स्पोर्ट्स नेटवर्क आणि सोनी लिव्ह ॲपवर थेट पाहता येईल. भारतीय संघ यावेळी ही स्पर्धा जिंकण्यासाठी एक प्रबळ दावेदार आहे

मैदान बदललं, अंदाज नाही! Mohammed Shami च्या नावावर आणखी एक ‘शतक’; Duleep Trophy ची फायनल ठरली ऐतिहासिक