IND vs JPN: भारत आणि जपान ऐतिहासिक सामन्यासाठी तयार, मात्र पावसाने केला खोळंबा; थोड्याच वेळात होणार निरीक्षण

IND vs JPN: भारत आणि जपान यांच्यातील टी-२० आंतरराष्ट्रीय सामन्यावर अनिश्चिततेचे सावट आहे. सामना सुमारे एक तासासाठी पुढे ढकलण्यात आला आहे. आता पुन्हा अनिश्चिततेचे सावट पसरले आहे.

• भारत विरूद्ध जपान पहिला टी२० सामना 

• पावसाचे सावट

• अजूनही टॉस झाला नाही 

IND vs JPN: भारतीय संघ सध्या जपानमध्ये आहे. दोन्ही संघांमध्ये एक टी-२० आंतरराष्ट्रीय सामना खेळला जात आहे. आंतरराष्ट्रीय क्रिकेट सामन्यात भारतीय आणि जपानी संघ प्रथमच एकमेकांसमोर येत आहेत. या सामन्याबद्दल प्रचंड उत्साह आणि उत्सुकता आहे. श्रेयस अय्यर भारतीय संघाचे नेतृत्व करत आहे. मात्र, पावसामुळे सामन्यावर परिणाम होऊ शकतो. अजूनही नाणेफेक झाली नसून पुन्हा एकदा मैदानाची तपासणी आणि पावसाचा अंदाज घेण्यात येणार आहे आणि त्यानंतरच पुढील निर्णय घेण्यात येईल. 

IND vs JPN T20: भारत-जपान पहिल्यांदाच भिडणार! कुठे पाहता येणार LIVE सामना? जाणून घ्या संपूर्ण माहिती

२०२६ च्या आशियाई खेळांपूर्वी भारतीय संघाला तयारी करण्याची संधी

भारत आणि जपान यांच्यातील टी-२० आंतरराष्ट्रीय सामना हा भारतीय संघासाठी आशियाई खेळांपूर्वी तयारी करण्याची एक चांगली संधी आहे. मात्र, हे लक्षात ठेवा की हा सराव सामना नाही; हा एक आंतरराष्ट्रीय सामना आहे आणि खेळाडूंच्या कामगिरीची गणना त्यांच्या आकडेवारीमध्ये केली जाईल. जपानी संघाचे कर्णधारपद केंडल फ्लेमिंगकडे आहे. सामन्याच्या एक दिवस आधी तो खूप उत्साहित असल्याचे त्याने सांगितले.

भारतीय क्रिकेट संघ २८ सप्टेंबर रोजी २०२६ च्या आशियाई खेळांमध्ये सहभागी होईल

श्रेयस अय्यरच्या नेतृत्वाखालील भारतीय संघ २८ सप्टेंबर रोजी २०२६ च्या आशियाई क्रीडा स्पर्धेत आपला पहिला सामना खेळणार आहे. भारताने उपांत्यपूर्व फेरीत थेट स्थान मिळवले आहे. भारतीय संघाचा सामना कोणाशी होणार हे अद्याप निश्चित व्हायचे आहे. नुकत्याच झालेल्या तीन सामन्यांच्या टी-२० मालिकेत अफगाणिस्तानला क्लीन स्वीप दिल्यानंतर भारतीय संघ उत्साहात आहे. जपानचा संघ भारताला कडवी झुंज देतो की सामना एकतर्फी होतो, हे पाहणे बाकी आहे. मात्र, सर्वांचे लक्ष पावसावर आहे.

Asian Games: पाकड्यांना दाखवला इंगा! टेबल टेनिसमध्ये भारताने उडवला लाज काढणारा धुव्वा

कसे आहेत दोन्ही संघ 

भारतीय संघ: संजू सॅमसन (यष्टीरक्षक), अभिषेक शर्मा, तिलक वर्मा, श्रेयस अय्यर (कर्णधार), शिवम दुबे, ईशान किशन, अक्षर पटेल, रवी बिश्नोई, यश ठाकूर, जसप्रीत बुमराह, अर्शदीप सिंग, वॉशिंग्टन सुंदर, विप्रज निगम, वैभव सूर्यवंशी.

जपानचा संघ: केंडल फ्लेमिंग (कर्णधार), शिराई पॅटमोर (यष्टीरक्षक), एलेस्टर फ्लेमिंग, बेंजामिन इटो डेविस, रेओ सकुरानो थॉमस, कोहेई कुबोटा, वतारू मियाउची, डेक्लान सुजुकी, इब्राहिम ताकाहाशी, माकोतो तानियामा, लाचलन यामामोटो-लेक, त्सुयोशी ताकाडा, चार्ली हारा-हिंजे, शोमा स्लेटर, जेक कुसुदा-नायर्न