लाइफफिट क्रिकेट अकादमीचा सलग दुसरा विजय
पहिल्या सामन्यात मल्हार पोतनीसच्या प्रभावी गोलंदाजीच्या जोरावर लाइफफिट क्रिकेट अकादमीने सहारा क्रिकेट अकादमीवर सात गडी राखून विजय मिळवला. प्रथम फलंदाजी करताना सहारा क्रिकेट अकादमीने २२ षटकांत सात गडी गमावून ११४ धावा केल्या. सार्थक साळवीने ३०, विवान वाळिंबेने २३, तर माउली शिंदेने १२ धावांचे योगदान दिले. लाइफफिटकडून संचितने दोन, तर वीर जोशी आणि मल्हार पोतनीस यांनी प्रत्येकी एक बळी घेतला.
विजयासाठी ११५ धावांचे लक्ष्य घेऊन मैदानात उतरलेल्या लाइफफिट क्रिकेट अकादमीने २१.३ षटकांत सात गडी गमावून ११५ धावा करत विजय मिळवला. रेयांश कुलकर्णीने २७, तर नील राठोडने १२ धावा केल्या. सहारा क्रिकेट अकादमीकडून विवान वाळिंबे आणि आदित दाभेकर यांनी प्रत्येकी दोन बळी घेतले. अष्टपैलू कामगिरी करणाऱ्या मल्हार पोतनीसला सामनावीर पुरस्कार देण्यात आला.
दुसऱ्या सामन्यात अर्णव साखरशेटेच्या भेदक गोलंदाजीच्या जोरावर कोथरूड क्रिकेट अकादमीने सहारा क्रिकेट अकादमीचा आठ गडी राखून पराभव केला. प्रथम फलंदाजी करणाऱ्या सहारा क्रिकेट अकादमीचा डाव १८.१ षटकांत अवघ्या ५९ धावांत आटोपला. माउली शिंदेने १७ धावा केल्या. कोथरूडच्या अर्णव साखरशेटेने अवघ्या दोन धावांत तीन बळी घेतले. हरी उगळे आणि सनय मुतालिक यांनी प्रत्येकी दोन बळी घेत सहारा संघाचा डाव गुंडाळला.
६० धावांच्या लक्ष्याचा पाठलाग करताना कोथरूड क्रिकेट अकादमीने अवघ्या ७.१ षटकांत दोन गडी गमावून ६३ धावा करत सामना सहज जिंकला. अर्णव करंदीकरने २९ धावांची आक्रमक खेळी केली, तर ओम पवारने नाबाद १३ धावा केल्या. सहारा क्रिकेट अकादमीकडून अन्वय कापडेने दोन बळी घेतले. अचूक गोलंदाजी करणाऱ्या अर्णव साखरशेटेला सामनावीर पुरस्कार देण्यात आला.
Cricket News: पुणे कॉर्पोरेट क्लॅशमध्ये TCS चा चौकार! सलग चौथ्या विजयासह स्पर्धेत दबदबा कायम
Ans: चॅम्प्स करंडक क्रिकेट स्पर्धेत लाइफफिट क्रिकेट अकादमीचा सलग दुसरा विजय झाला आहे.
Ans: चॅम्प्स करंडकच्या पहिल्या सामन्यात मल्हार पोतनीसने शानदार गोलंदाजी केली.
.png "Videos"){kind=small}
