IND Vs SL: परंपरा, प्रतिष्ठा, अनुशासन! ‘तीच चूक पुन्हा पुन्हा…’; Team India ची ढिसाळ फिल्डिंग कायम

आजपासून भारत विरुद्ध श्रीलंका यांच्यात वॉर्म अप सामना सुरू झाला आहे. श्रीलंकेने प्रथम फलंदाजीचा निर्णय घेतला आहे. श्रीलंकेने चांगली फलंदाजी केली. भारतीय गोलंदाज विकेट घेण्यासाठी झगडत असल्याचे दिसून आले.

• भारतीय खेळाडूंचे ढिसाळ क्षेत्ररक्षण कायम
• भारत-श्रीलंका सराव सामन्याला सुरुवात 
• केएल राहुलने सोडला सोपा कॅच 

India Vs Sri Lanka Practise Test Match: येत्या 15 ऑगस्टपासून भारत विरुद्ध श्रीलंका यांच्यामध्ये दोन सांमन्यांची टेस्ट सिरिज खेळवली जाणार आहे. वर्ल्ड टेस्ट चॅम्पियनशिपअंतर्गत ही सिरिज दोन्ही संघांसाठी महत्वाची असणार आहे. त्याआधी आजपासून दोन्ही संघांमध्ये सराव सामना सुरू झाला आहे. श्रीलंका प्रथम फलंदाजी करत आहे. तर भारतीय खेळाडूंनी कॅच सोडण्याची परंपरा कायम राखल्याचे दिसून येत आहे.

आजपासून भारत विरुद्ध श्रीलंका यांच्यात वॉर्म अप सामना सुरू झाला आहे. श्रीलंकेने प्रथम फलंदाजीचा निर्णय घेतला आहे. श्रीलंकेने चांगली फलंदाजी केली. भारतीय गोलंदाज विकेट घेण्यासाठी झगडत असल्याचे दिसून आले. शुभमन गिल जखमी झाल्याने केएल राहुल कर्णधार म्हणून नेतृत्व करत आहे. त्या त्याने स्लिपमध्ये एक सोपं कॅच सोडल्याचे समोर आले आहे.

IND vs SL: अरे देवा! शुभमन गिलला दुखापत, भारतीय टीमचा कर्णधार बदलला; सराव सामन्यातून बाहेर

आजच्या सामन्यात पहिल्या डावात कुलदीप यादव 26 वी ओव्हर टाकण्यासाठी आला. या ओव्हरमधील चौथा बॉल कुलदीप यादवने विकेटसाठी संधी निर्माण केली. श्रीलंकेच्या फलंदाजाने कट शॉट मारण्याचा प्रयत्न केला होता. मात्र बॉल त्याच्या बॅटला लागून स्लिपमध्ये असलेल्या केएल राहुलकडे गेला. राहुलकडे कॅच पकडण्याची अत्यंत चांगली संधी होती. मात्र त्याने तो कॅच सोडला. त्यामुळे श्रीलंकेच्या फलंदाजाला जीवनदान मिळाले. याचा व्हिडिओ देखील समोर आला आहे.

What a catch taken by KL Rahul 😭🤩 pic.twitter.com/il5oXcH3ix — S~` (@duhh_itzsarthak) August 7, 2026

विश्रांतीनंतर पुन्हा एकदा खेळ सुरू झाला. जाडेजाच्या गोलंदाजीवर देवदत्त पडीकलने देखील एक सोपं कॅच सोडला. मागील काही काळापासून भारतीय संघाची फिल्डिंग अत्यंत खराब होत असल्याचे पाहायला मिळाले. याआधी आयर्लंड, इंग्लंड दौऱ्यात देखील भारताने अनेक कॅच सोडल्याचे पाहायला मिळाले होत . श्रीलंका सिरिजच्या आधी भारतीय संघाचे फिल्डिंग कोच बदलण्यात आले. शुभदीप घोष भारताचे नवे फिल्डिंग कोच आहेत. तरी देखील भारतीय संघाच्या फिल्डिंगमध्ये कोणतीही सुधारणा दिसून येत नाहीये. त्यामुळे आगामी टेस्ट सिरिजच्या आधी भारताची चिंता वाढली आहे.

IND vs SL: गिल-युगाची सुरुवात! श्रीलंकेविरुद्ध टीम इंडियाची पहिली कसोटी परीक्षा; कधी आणि कुठे पाहाल सराव सामना?