IPL 2025 : ‘आनंदी राहता यावे म्हणून कर्णधारपद..’ : भारताच्या रनमशीन किंग कोहलीचा खळबळजनक खुलासा! वाचा सविस्तर… 

भारत आणि रॉयल चॅलेंजर्स बंगळुरूचे नेतृत्व करणाऱ्या विराट कोहलीने कर्णधारपद का सोडले याचा खुलासा केला. आयुष्यात आनंदी राहण्यासाठी कर्णधारपद सोडण्याचा निर्णय घेण्यात आल्याचे विराट कोहलीने सांगितले.

IPL 2025 : जवळजवळ एक दशक भारत आणि रॉयल चॅलेंजर्स बंगळुरूचे नेतृत्वा दरम्यान आणि त्याच्या फलंदाजीवर असणारी नजर यामुळे मी काहीसा दबावात आलो होतो. त्यामुळेच माझ्या खेळावर देखील परिणाम झाला. परिणामी क्रिकेटचा आनंद घेणेच मी विसरलो म्हणून शेवटी आयुष्यात आनंदी राहण्यासाठी कर्णधारपद सोडण्याचा निर्णय घेतला असा खळबळजनक खुलासा भारतीय संघाचा दिग्गज फलंदाज विराट कोहलीने केला. एका मुलाखतीत तो बोलत होता. २०२१ मध्ये झालेल्या विश्वचषकानंतर कोहलीने टी-२० कर्णधारपदाचा राजीनामा दिला होता. त्यानंतर त्याने आरसीबीचे कर्णधारपदही सोडले.

हेही वाचा : MI vs GT : मुंबई इंडीयन्सच्या संघाला गुजरातने 155 धावांवर गुंडाळल! GT च्या गोलंदाजांनी केली कमाल

एका वर्षानंतर, दक्षिण आफ्रिकेविरुद्धच्या पराभवानंतर त्याने कसोटी कर्णधारपद सोडले, कोहली म्हणाला की, मी माझ्या कारकिर्दीत अशा टप्प्यावर पोहोचला होता जिथे सातत्याने लक्ष केंद्रित करणे कठीण झाले होते. एक वेळ अशी आली जेव्हा माझ्यासाठी खूप कठीण झाले कारण माझ्या कारकिर्दीत बरेच काही घडत होते. मी सात-आठ वर्षे भारताचे नेतृत्व करत होतो. मी नऊ वर्षे आरसीबीचे नेतृत्व केले. मी कोणताही सामना खेळलो तरी फलंदाजीमध्ये माझ्याकडून खूप अपेक्षा होत्या. मला हेही कळले नाही की मी लक्ष केंद्रित करण्यास संघर्ष करत आहे. जर हे कर्णधारपदात घडत नव्हते, तर ते फलंदाजीत घडत होते.

मी नेहमी त्याचाच विचार करायचो. हे माझ्यासाठी खूप कठीण झाले आणि शेवटी, त्याचा माझ्यावरच परिणाम झाला. कोहलीने २०२२ मध्ये क्रिकेटमधून एक महिन्याचा ब्रेक घेतला आणि त्या काळात त्याने बॅटला हात लावला नाही. त्यांनी सांगितले की, त्यांच्या आयुष्यात असा एक काळ होता जेव्हा ते सार्वजनिक जीवनात आनंदी राहण्यासाठी संघर्ष करत होते. म्हणूनच मी कर्णधारपद सोडले कारण मला वाटले की जर मला या खेळात टिकून राहायचे असेल तर माझ्यासाठी आनंदी राहणे महत्वाचे आहे.

हेही वाचा : 8 संघ… 280 खेळाडू! T20 Mumbai League मध्ये लागणार बोली, सूर्यकुमार-श्रेयस दिसणार खेळताना

टीकेवर लक्ष न देता खेळायचे होते

मला माझ्या आयुष्यात अशा ठिकाणी असण्याची गरज होती, जिथे मी आरामात राहू शकेन आणि माझे क्रिकेट खेळू शकेन, कोणत्याही टीकेशिवाय. १९ वर्षांखालील विश्वचषकात भारताला जेतेपद मिळवून देणे म्हणजे वरिष्ठ संघात सहज प्रवेश मिळण्याची हमी देणे शक्य नाही. दृढनिश्चयामुळे आणि तत्कालीन कर्णधार महेंद्रसिंग धोनी आणि प्रशिक्षक गॅरी कर्स्टन यांच्या पाठिंब्यामुळे त्याला संघात तिसऱ्या क्रमांकाचे फलंदाजीचे स्थान मिळवता आले. मी माझ्या क्षमतेबद्दल खूप वास्तववादी होतो कारण मी इतर अनेक लोकांना खेळताना पाहिले होते. मला माझा खेळ त्याच्या खेळाच्या जवळपासही आहे असे वाटले नाही. माझ्याकडे फक्त दृढनिश्चय होता. जर मला माझा संघ जिंकायचा असेल तर मी काहीही करण्यास तयार होतो. कोच गॅरी आणि धोनीने मला खूप मदत केली.