
IPL 2027 : ट्रेविस हेडला SRH ने रिलीज का केले? हेड कोच डॅनियल व्हेटोरी यांनी सांगितले कारण...
IPL 2027 च्या हंगामापूर्वी सनरायझर्स हैदराबादने (SRH) ऑस्ट्रेलियाचा आक्रमक सलामीवीर ट्रेविस हेडला रिलीज करण्याचा निर्णय घेतला आहे. या निर्णयामागचे कारण आता संघाचे मुख्य प्रशिक्षक डॅनियल व्हेटोरी यांनी स्पष्ट केले आहे.
ऑस्ट्रेलियासाठी आगामी वर्ष महत्त्वाचे असल्याने ट्रेविस हेडने आयपीएलच्या पुढील हंगामातून माघार घेण्याचा निर्णय घेतला आहे. त्यामुळे त्याला रिलीज करण्याचा निर्णय घेण्यात आल्याचे व्हेटोरी यांनी सांगितले. मागील तीन हंगामांतील हेडच्या योगदानाबद्दल त्यांनी कृतज्ञताही व्यक्त केली.
सनरायझर्स हैदराबादला आगामी हंगामासाठी आपला मुख्य संघ कायम ठेवायचा आहे. त्याचवेळी संघातील काही कमतरता दूर करून खेळाडूंची उपलब्धता लक्षात घेऊन लिलावासाठी रणनीती आखली जात आहे. सध्याच्या आयपीएल सायकलमधील हा शेवटचा हंगाम असल्याने संघ व्यवस्थापनाने खेळाडूंच्या रिटेन्शनबाबत विशेष काळजी घेतल्याचे व्हेटोरी यांनी स्पष्ट केले.
‘जिओस्टार’शी बोलताना डॅनियल व्हेटोरी म्हणाले की, खेळाडूंची उपलब्धता हा रिटेन्शन प्रक्रियेतील महत्त्वाचा मुद्दा होता. ट्रेविस हेड गेल्या तीन वर्षांपासून संघाचा महत्त्वाचा भाग होता. मात्र, आगामी वर्ष ऑस्ट्रेलियन क्रिकेटसाठी महत्त्वाचे असल्याने त्याने देशासाठीच्या जबाबदाऱ्यांना प्राधान्य देण्याचा निर्णय घेतला आहे.
हेड संघासोबत नसणार, याचे दुःख असल्याचे सांगत व्हेटोरी म्हणाले, गेल्या तीन हंगामांत ट्रेविस हेडने संघासाठी दिलेल्या योगदानाबद्दल आम्ही त्याचे आभारी आहोत.
IND Vs NZ: वेगवान वारे, 15 मिलीमीटर हिरवे गवत अन्…; वेलिंगटनमध्ये Team India ची खडतर परीक्षा
ट्रेविस हेडच्या जाण्यामुळे हैदराबादच्या फलंदाजी विभागात एक जागा रिक्त झाली आहे. त्यामुळे आगामी लिलावात संघाच्या खेळण्याच्या पद्धतीला अनुरूप आणि फलंदाजीचे पर्याय वाढवणाऱ्या खेळाडूंचा शोध घेतला जाणार आहे.
इतर संघांनी रिलीज केलेल्या खेळाडूंवरही सनरायझर्स हैदराबादची नजर असेल. विशेषतः हैदराबादच्या मैदानावर चांगली कामगिरी करू शकणाऱ्या फलंदाजांना संघात स्थान देण्याचा विचार केला जाईल, असे व्हेटोरी यांनी सांगितले.
ICC Ranking : अर्शदीपला मिळाले न्यूझीलंडविरुद्धच्या दमदार खेळीचे बक्षिस
व्हेटोरी यांच्या मते, प्रत्येक संघ आपल्या कमतरता ओळखून त्यात सुधारणा करण्याचा प्रयत्न करतो. एखादा खेळाडू दुसऱ्या संघात अपेक्षित कामगिरी करू शकला नसेल, पण हैदराबादच्या वातावरणात तो चांगली कामगिरी करू शकतो. अशा खेळाडूंचा शोध संघ व्यवस्थापन घेणार आहे.
सनरायझर्स हैदराबादकडे सध्या मजबूत संघ आणि चांगली प्लेइंग इलेव्हन आहे. त्यामुळे लिलावात मोठे बदल करण्याऐवजी संघाला पूरक ठरणाऱ्या एक-दोन योग्य खेळाडूंना संधी देण्यावर भर असेल, असेही व्हेटोरी यांनी स्पष्ट केले.
Ans: ट्रेविस हेडने ऑस्ट्रेलियासाठीच्या क्रिकेटविषयक जबाबदाऱ्यांना प्राधान्य देत आयपीएल 2027 मधून बाहेर राहण्याचा निर्णय घेतला. त्यामुळे SRH ने त्याला रिलीज केले.
Ans: ट्रेविस हेड मागील तीन हंगामांपासून सनरायझर्स हैदराबादचा महत्त्वाचा खेळाडू होता.
Ans: डॅनियल व्हेटोरी हे सनरायझर्स हैदराबादचे मुख्य प्रशिक्षक आहेत.