SRH vs LSG Live Score: लखनऊने नाणेफेक जिंकली, सनरायझर्सविरुद्ध प्रथम गोलंदाजी करण्याचा घेतला निर्णय

ईशान किशनच्या नेतृत्वाखाली, सनरायझर्स हैदराबादने या हंगामात आतापर्यंत दोन सामने खेळले असून, त्यापैकी एका सामन्यात त्यांनी विजय मिळवला आहे, तर दुसऱ्या सामन्यात त्यांना पराभवाला सामोरे जावे लागले आहे.

 

• लखनऊने नाणेफेक जिंकली
• सनरायझर्सविरुद्ध प्रथम गोलंदाजी करण्याचा घेतला निर्णय
• पाहा दोन्ही संघाची प्लेइंग 11

LSG vs SRH IPL 2026: इंडियन प्रीमियर लीगच्या 19 व्या हंगामातील 10 वा सामना सनरायझर्स हैदराबाद आणि लखनऊ सुपर जायंट्स (LSG vs SRH) यांच्यात हैदराबाद येथील राजीव गांधी आंतरराष्ट्रीय क्रिकेट स्टेडियमवर खेळला जाईल. दरम्यान, लखनऊ सुपर जायंट्सचा कर्णधार ऋषभ पंतने नाणेफेक जिंकल्यानंतर, फलंदाजीसाठी अनुकूल असलेल्या खेळपट्टीवर प्रथम गोलंदाजी करण्याचा निर्णय घेतला आहे. ईशान किशनच्या नेतृत्वाखाली, सनरायझर्स हैदराबादने या हंगामात आतापर्यंत दोन सामने खेळले असून, त्यापैकी एका सामन्यात त्यांनी विजय मिळवला आहे, तर दुसऱ्या सामन्यात त्यांना पराभवाला सामोरे जावे लागले आहे. परिणामी, गुणतालिकेतील आपले स्थान अधिक मजबूत करण्यासाठी, हैदराबाद आता सलग दुसऱ्या विजयाचे लक्ष्य समोर ठेवेल. दुसरीकडे, लखनऊ सुपर जायंट्सबद्दल बोलायचे झाल्यास, त्यांनी या हंगामात आतापर्यंत केवळ एकच सामना खेळला आहे, ज्यामध्ये त्यांना एकतर्फी पराभवाचा सामना करावा लागला. त्यामुळे, हा सामना त्यांच्यासाठी अत्यंत महत्त्वाचा ठरणार आहे.See more

🚨 Toss 🚨@lucknowipl won the toss and elected to bowl first against @sunrisers in Hyderabad. Updates ▶️ https://t.co/qC2rF1Hiiz#TATAIPL | #KhelBindaas | #SRHvLSG pic.twitter.com/46Irok9agd — IndianPremierLeague (@IPL) April 5, 2026

नादच खुळा! RR च्या रवी बिश्नोईने Gujrat Titans ची ‘टायटॅनि’क बुडवली; गिलच्या टीमचा 6 रन्सने पराभव

दोन्ही संघाची प्लेइंग 11:

लखनऊ सुपर जायंट्स (प्लेइंग इलेव्हन): मिचेल मार्श, ऋषभ पंत (विकेटकीपर/कर्णधार), एडन मार्कराम, निकोलस पूरन, अब्दुल समद, मुकुल चौधरी, मनिमरन सिद्धार्थ, आवेश खान, मोहम्मद शमी, दिग्वेश सिंग राठी, प्रिन्स यादव

सनरायझर्स हैदराबाद (प्लेइंग इलेव्हन): ट्रॅव्हिस हेड, अभिषेक शर्मा, इशान किशन (विकेटकीपर/कर्णधार), हेनरिक क्लासेन, लियाम लिव्हिंगस्टोन, अनिकेत वर्मा, नितीश कुमार रेड्डी, हर्ष दुबे, शिवांग कुमार, हर्षल पटेल, जयदेव उनाडकट

हेड टू हेड रेकाॅर्डमध्ये कोण सरस?

IPL मधील या दोन संघांमधील आमनेसामनेच्या कामगिरीचा विचार करता, सनरायझर्स हैदराबाद आणि लखनऊ सुपर जायंट्स यांनी आतापर्यंत एकमेकांविरुद्ध एकूण सहा सामने खेळले आहेत. यापैकी, लखनऊ सुपर जायंट्सने चार सामन्यांमध्ये विजय मिळवला आहे, तर सनरायझर्स हैदराबादला केवळ दोन सामन्यांतच यश मिळाले आहे. हैदराबादच्या स्टेडियमवर या दोन संघांमध्ये एकूण तीन सामने खेळले गेले असून, त्यापैकी LSG ने दोन आणि SRH ने एक सामना जिंकला आहे.

RR New Owner: एकेकाळी घरी TV सुद्धा नाही अन् आज १५,००० कोटी रुपयांचा संघ घेतला विकत; कोण आहे Rajasthan Royalsचे नवे मालक?