Cricket: ८० रन्सची तुफानी खेळी अन् सलग दुसरा विजय! ‘रायझिंग स्टार ब्ल्यू’ चा दणदणीत पराक्रम

Cricket: गटसाखळी फेरीमध्ये रायझिंग स्टार ब्ल्यु संघ (२ विजय, १ पराभव, ०.५२५ धावगती) आणि रायझिंग स्टार रेड संघ (२ विजय, १ पराभव, ०.५१७ धावगती) अशी कामगिरी केली होती.

• रायझिंग स्टार ब्ल्यु संघाला विजेतेपद 
• ‌‘रायझिंग स्टार करंडक‌’ प्रौढ गटाची टी-ट्वेन्टी क्रिकेट स्पर्धा 
• धीरज कुमार याने फटकावल्या ८० रन्स 

पुणे/Cricket: रायझिंग स्टार स्पोर्ट्‌‍स तर्फे आयोजित ‌‘रायझिंग स्टार करंडक‌’ प्रौढ गटाच्या (५० वर्षावरील) टी-ट्वेन्टी क्रिकेट स्पर्धेत रायझिंग स्टार ब्ल्यु संघाने रायझिंग स्टार रेड संघापेक्षा उत्तम सरासरी धावगती राखत स्पर्धेचे विजेतेपद संपादन केले. येवलेवाडी येथील ब्रिलीयंट्स स्पोर्ट्‌‍स ॲकॅडमी येथे झालेल्या या स्पर्धेत (Pune) धीरज कुमार याने फटकावलेल्या ८० धावांच्या जोरावर रायझिंग स्टार ब्ल्यु संघाने रायझिंग स्टार यलो संघाचा ४१ धावांनी पराभव करून सलग दुसरा विजय मिळवला. पहिल्यांदा खेळणाऱ्या रायझिंग स्टार ब्ल्यु संघाने १९१ धावांचे लक्ष्य उभे केले. धीरज कुमार याने ५१ चेंडूत ८ चौकार आणि ५ षटकारांसह ८० धावांची खेळी केली. निलेश सामंत याने ३८ धावांची खेळी केली. या लक्ष्याचा पाठलाग करताना रायझिंग स्टार यलो संघाचा डाव १५० धावांवर मर्यादित राहीला.

दुसऱ्या सामन्यात गुरूप्रसाद स्वामी याने केलेल्या ७९ धावांच्या जोरावर रायझिंग स्टार ऑरेंज संघाने रायझिंग स्टार रेड संघाचा पराभव केला. रायझिंग स्टार ऑरेंज संघाने १७९ धावा धावफलकावर लावल्या. गुरूप्रसाद स्वामी याने ४३ चेंडूत ९ चौकार आणि ४ षटकारांसह ७९ धावांची खेळी केली. याला उत्तर देताना रायझिंग स्टार रेड संघाचा डाव १४६ धावांवर मर्यादित राहीला. विश्वजीत नायक (२२ धावा) आणि संदीप भुर्के (२१ धावा) यांची खेळी संघाचा पराभव टाळू शकली नाही.

याला म्हणतात पॅशन! निकेतची वादळी शतकी खेळी; Spartan Monsoon League मध्ये टायटन बुल्स्‌चा थरारक विजय

अव्वल सरासरी धावसंख्येच्या जोरावर विजेतेपदावर कोरले नाव

गटसाखळी फेरीमध्ये रायझिंग स्टार ब्ल्यु संघ (२ विजय, १ पराभव, ०.५२५ धावगती) आणि रायझिंग स्टार रेड संघ (२ विजय, १ पराभव, ०.५१७ धावगती) अशी कामगिरी केली होती. अव्वल सरासरी धावसंख्येच्या जोरावर रायझिंग स्टार ब्ल्यु संघाने विजेतेपदावर आपले नाव कोरले. स्पर्धेचे पारितोषिक वितरण मॅकमन कन्व्हेइंग अँड इंजिनिअरिंग प्रा.लि.चे मुख्यकार्यकारी अधिकारी सुमन जीत पंकज यांच्या हस्ते करण्यात आले. यांच्या हस्ते झाले. यावेळी स्पर्धेचे संयोजक आणि संचालक सतिश सराफ, अजय सैनीस आणि नितीन सामल यांसह सहभागी संघांचे खेळाडू उपस्थित होते. स्पर्धेतील विजेत्या रायझिंग स्टार ब्ल्यु संघाला करंडक आणि ५२ हजार रूपयांचे पारितोषिक तर, उपविजेत्या रायझिंग स्टार रेड संघाला करंडक आणि २६ हजार रूपयांचे पारितोषिक देण्यात आले.

सामन्यांचा संक्षिप्त निकालः गटसाखळी फेरी

रायझिंग स्टार ब्ल्युः २० ष टकात ५ गडी बाद १९१ धावा (धीरज कुमार ८० (५१, ८ चौकार, ५ षटकार), निलेश सामंत ३८, ललित कुमार २-२१) वि.वि. रायझिंग स्टार यलोः २० षटकात ९ गडी बाद १५० धावा (समीर मुखर्जी २५, राजेश इति २०, गोविंद सनल ३-१०, निशांत नायर २-३२, राजीब मुखर्जी २-१५); सामनावीरः धीरज कुमार; रायझिंग स्टार ऑरेंजः २० षटकात ९ गडी बाद १७९ धावा (गुरूप्रसाद स्वामी ७९ (४३, ९ चौकार, ४ षटकार), राजेश तांदल ३०, मौनांग पटेल ३-४१, दिपक जोशी १-१५) वि.वि. रायझिंग स्टार रेडः २० षटकात ७ गडी बाद १४६ धावा (विश्वजीत नायक २२, संदीप भुर्के २१, दिपक आचार्य १६, नाना म्हात्रे १६, विजय नवले नाबाद २१, भुषण देशपांडे २-२१, राजशेखर रेड्डी २-३१); सामनावीरः गुरूप्रसाद स्वामी.

IND Vs JPN: पावसाचा व्यत्यय अन् शेवटच्या बॉलपर्यंत थरार! जपानवर भारताचा 2 रन्सने सनसनाटी विजय