(फोटो सौजन्य-सोशल मीडिया)
महत्त्वाच्या सामन्यात शमीने आपल्या ४ षटकांच्या सर्वात कमी धावा देण्याचा विक्रम प्रस्थापित करत आयपीएलच्या इतिहासात आपले नाव सुवर्ण अक्षरात कोरले आहे. यापूर्वी कोणत्याही गोलंदाजाला साध्य करता आली नव्हती. शमीने आपल्या ४ षटकांच्या गोलंदाजीत केवळ ९ धावा दिल्या आणि २.२० च्या इकॉनॉमी रेटने गोलंदाजी केली. या प्रक्रियेत त्याने २ विकेट्स घेतले. या आकडेवारीसह, शमी ‘लखनौ सुपर जायंट्स’साठी ४ षटकांच्या गोलंदाजीत सर्वात कमी धावा देणारा गोलंदाज ठरला आहे. यापूर्वी, हा विक्रम कृणाल पांड्याच्या नावावर होता. २०२२ च्या हंगामात, कृणालने ४ षटकांच्या गोलंदाजीत ११ धावा दिल्या होत्या आणि २.७५ च्या इकॉनॉमी रेटने गोलंदाजी केली होती.
लखनौसाठी सर्वात किफायतशीर गोलंदाजी करणारे गोलंदाज :
२/९ – मोहम्मद शमी विरुद्ध हैदराबाद, हैदराबाद, २०२६ (२.२० इकॉनॉमी)
२/११ – कृणाल पांड्या विरुद्ध पंजाब, पुणे, २०२२ (२.७५ इकॉनॉमी)
३/११ – कृणाल पांड्या विरुद्ध गुजरात, लखनौ, २०२४ (२.७५ इकॉनॉमी)
गेल्या हंगामात मोहम्मद शमी ‘सनरायझर्स हैदराबाद’ या संघाकडून खेळत होता. २०२५ चा सिझनमध्ये तो फारशी चांगली कामगिरी करु शकला नाही. तो सीझन त्याच्यासाठी अत्यंत निराशाजनक ठरला; ९ सामन्यांमधील ९ डावांमध्ये गोलंदाजी करताना त्याला केवळ ६ बळी मिळवता आले होते. या काळात, शमीने ११.२३ च्या इकॉनॉमी रेटने धावा दिल्या होत्या. त्यामुळे संघाने शमीला एका ‘ट्रेड डील’मध्ये टीमने ‘लखनौ सुपर जायंट्स’ला खेळाडू दिला. पण आता आपल्याच जुन्या संघाविरुद्ध भेदक गोलंदाजी करत शमीने एक नवीन विक्रम बनवला आहे. यापूर्वी, दिल्लीविरुद्ध खेळल्या गेलेल्या सामन्यात, शमीने ४ षटकांत २८ धावा देत १ बळी मिळवला होता.
शमीच्या IPL कारकिर्दीबद्दल बोलायचे झाल्यास, त्याने आतापर्यंत १२१ सामने खेळले आहेत. या सामन्यांमधील १२१ डावांमध्ये गोलंदाजी करताना, शमीने २७.८३ च्या सरासरीने १३६ बळी मिळवले आहेत; ज्यामध्ये ११ धावांत ४ बळी ही त्याची सर्वोत्तम कामगिरी ठरली आहे. त्याचा इकॉनॉमी रेट ८.५५ राहिला आहे. त्याने दोन प्रसंगी ‘चार बळी घेण्याची’ कामगिरी नोंदवली आहे.
.png "Videos"){kind=small}
