Its Show Time : नीरज गोयात विरुद्ध अँथनी पेटिस असा रंगणार ऐतिहासिक Boxing Match!
भारतीय व्यावसायिक बॉक्सिंगपटू नीरज गोयात आणि माजी UFC लाईटवेट विश्वविजेता अँथनी पेटिस यांच्यात २३ जानेवारी २०२७ रोजी बॉक्सिंगचा थरार (Boxing Match) रंगणार आहे. ‘गोयात विरुद्ध पेटिस : द इंडियन अपरायझिंग’ असे या लढतीचे नाव असून, सहा फेऱ्यांची ही सुपर वेल्टरवेट लढत भारतात आयोजित केली जाणार आहे.
या ऐतिहासिक लढतीचे यजमानपद मिळवण्यासाठी हैदराबाद, विशाखापट्टणम आणि चेन्नई या शहरांमध्ये चुरस आहे. अंतिम शहर आणि सामन्याचे ठिकाण नोव्हेंबरमध्ये जाहीर करण्यात येणार आहे.
‘मोस्ट व्हॅल्युएबल प्रमोशन्स’ (MVP) या संस्थेशी करारबद्ध असलेला नीरज गोयात हा आंतरराष्ट्रीय स्तरावर ओळख निर्माण केलेला भारतीय बॉक्सर आहे. हरियाणातील 34 वर्षीय गोयातने गेल्या दशकभरात भारतीय व्यावसायिक बॉक्सिंगला जागतिक स्तरावर नेण्यासाठी प्रयत्न केले आहेत. जागतिक बॉक्सिंग परिषदेकडून (WBC) रँकिंग मिळवणारा तो पहिला भारतीय बॉक्सर असून, त्याने यापूर्वी WBC आशिया विजेतेपदही पटकावले आहे.
2024 मध्ये MVP सोबत करार करणारा गोयात पहिला आंतरराष्ट्रीय फायटर ठरला. त्याच वर्षी जेक पॉल विरुद्ध माइक टायसन यांच्या मुख्य लढतीच्या कार्यक्रमात त्याने ब्राझीलच्या विंडरसन न्युनेसचा पराभव केला होता. आता भारतातच एका मोठ्या आंतरराष्ट्रीय नावाविरुद्ध रिंगणात उतरण्याची संधी त्याला मिळणार आहे.
आपल्या आगामी लढतीबाबत गोयात म्हणाला की, त्याने चीन, थायलंड, अमेरिका आणि ब्रिटनमध्ये सामने खेळले आहेत. मात्र, प्रत्येक वेळी तो दुसऱ्या आयोजकाच्या कार्यक्रमातील भारतीय खेळाडू होता. आता भारतात स्वतःच्या देशातील प्रेक्षकांसमोर मोठ्या लढतीत उतरण्याची संधी मिळत असल्याचा आनंद त्याने व्यक्त केला.
अँथनी पेटिस हा अनुभवी आणि प्रतिष्ठित खेळाडू असल्याचे सांगत गोयातने त्याच्या कारकिर्दीचा आदर केला. मात्र, आपल्या देशातील प्रेक्षकांसमोर अशा मोठ्या प्रतिस्पर्ध्याविरुद्ध लढण्यासाठी आपण दीर्घकाळ वाट पाहत असल्याचेही त्याने स्पष्ट केले.
अमेरिकेतील मिलवॉकी येथील अँथनी पेटिसने 2010 मध्ये WEC लाईटवेट विजेतेपद आणि 2013 मध्ये UFC लाईटवेट विश्वविजेतेपद पटकावले. त्याने UFC मध्ये बेन्सन हेंडरसनला पराभूत करून विश्वविजेतेपद जिंकले होते. जानेवारी 2007 मध्ये व्यावसायिक कारकीर्द सुरू केलेल्या पेटिससाठी ही लढत कारकिर्दीतील महत्त्वाचा टप्पा ठरणार आहे.
पेटिसने भारतीय बॉक्सिंग आणि मिक्स्ड मार्शल आर्ट्स क्षेत्रातील वाढत्या संधींचे कौतुक केले. नीरज गोयात हा भारतीय फायटर्समधील सर्वोत्तम खेळाडूंपैकी एक असल्याचे सांगत त्याच्याविरुद्ध लढण्याची इच्छा त्याने व्यक्त केली.
या लढतीचे संपूर्ण कार्ड, थेट प्रक्षेपणाची माहिती आणि तिकिटांचा तपशील नोव्हेंबरमध्ये जाहीर करण्यात येणार आहे. त्यामुळे बॉक्सिंगप्रेमींचे लक्ष आता यजमान शहराच्या घोषणेकडे लागले आहे.
Asian Games 2026 च्या पदक विजेत्यांची पंतप्रधान मोदींनी घेतली भेट; हॉकी टीमने दिली जर्सी गिफ्ट
Ans: या दोघांमधील सहा फेऱ्यांची बॉक्सिंग लढत २३ जानेवारी २०२७ रोजी होणार असल्याचे आयोजकांनी जाहीर केले आहे.
Ans: अँथनी ‘शोटाइम’ पेटिस हा अमेरिकेचा माजी UFC लाईटवेट विश्वविजेता आहे. त्याने २०१३ मध्ये UFC चे लाईटवेट विजेतेपद पटकावले होते.
Ans: नीरज गोयात आणि अँथनी पेटिस यांच्यातील सामना सुपर वेल्टरवेट म्हणजेच १५४ पौंड वजनी गटात होणार आहे.
.png "Videos"){kind=small}
