सेमीफायनलमध्ये टीम इंडियाची विश्व चॅम्पियन जर्मनीशी होणार लढत; जाणून घ्या कधी आणि कोठे होणार सामना; येथे पाहा विनामूल्य सामना

भारतीय हॉकी टीम सुवर्णपदकापासून फक्त दोन विजय दूर आहे. क्वार्टर फायनलमध्ये भारताने इंग्लडवर धमाकेदार विजय प्राप्त करीत, सेमीफायनलमध्ये प्रवेश केला. यामध्ये शूटआऊटमध्ये गेलेल्या सामन्यात भारताने 4-2 ने विजय प्राप्त केला. शेवटच्या सेकंदात श्रीजेशने पेनल्टी कॉर्नर वाचवला. ऑलिम्पिकपूर्वी भारताने जर्मनीसोबत सराव सामने खेळले आणि सहापैकी पाच जिंकले आहेत. भारताने या वर्षी जूनमध्ये FIH प्रो लीगच्या लंडन लेगमध्ये जर्मनीला 3-0 ने पराभूत केले परंतु परतीच्या सामन्यात 2-3 ने हरले.

India vs Germany Semifinal : पॅरिस ऑलिम्पिकमध्ये भारत आता सुवर्णपदकापासून केवळ दोन विजय दूर आहे. तब्बल 44 वर्षांनंतर ऑलिम्पिकमध्ये सुवर्णपदक जिंकण्याच्या मार्गावर असलेल्या भारतीय हॉकी संघासमोर मंगळवारी उपांत्य फेरीत विश्वविजेत्या जर्मनीचे आव्हान असेल आणि हा अडथळा पार करून हा संघ आपले आव्हान कायम ठेवणार आहे. ‘ट्रबलशूटर’ पीआर श्रीजेशला भव्य निरोप देण्याच्या तयारीत असलेल्या भारतीय संघाने कंबर कसली आहे. सेमीफायनलमध्ये टीम इंडिया जर्मनीबरोबर भिडणार आहे.

भारतीय संघाची सेमीफायनलमध्ये धडक

See more

भारतीय संघासमोर आता मोठे आव्हान
ब्रिटनविरुद्धच्या उपांत्यपूर्व फेरीत दहा खेळाडू कमी होऊनही भारतीय संघाने सामना पेनल्टी शूटआऊटपर्यंत नेण्याचे दाखवलेले धैर्य आणि कौशल्य वाखाणण्याजोगे होते. भारताने इंग्लडबरोबर कमालीची लढत दिली. सामना शेवटपर्यंत घेचत नेत 1-1 ने बरोबरीत आणला. त्यानंतर शूटआऊटमध्ये गेलेला सामन्यात भारताने 4-2 च्या फरकाने विजय मिळवला. टोकियो ऑलिम्पिकच्या कांस्यपदकाच्या लढतीत जर्मनीचा पेनल्टी वाचवून तब्बल 41 वर्षांनंतर भारताला पदक मिळवून देणारा नाईक श्रीजेश पुन्हा एकदा विजयाचा शिल्पकार ठरला.

भारतीय संघाचा इंग्लडवर अफलातून विजय

See more

"Boys gave their all today, we deserve to be in the place we are. Maybe it's all written" exclaims an ecstatic Men's team coach, Craig Fulton after yesterday's win against Great Britain in the Quarterfinals.

Next up for Team India🇮🇳 a Semi-Final test against Germany🇩🇪 tomorrow.… pic.twitter.com/CvBzXHcOzG

— Hockey India (@TheHockeyIndia) August 5, 2024

ब्रिटनने भारतीय गोलवर 28 वेळा केले आक्रमण

त्याने शूटआऊटमध्ये ब्रिटनचे दोन शॉट्स वाचवले आणि त्याआधी, निर्धारित वेळेतही ब्रिटनने भारतीय गोलवर 28 वेळा अटॅक केला आणि दहा पेनल्टी कॉर्नर घेतले पण एकच यश मिळाले. छत्तीस वर्षांच्या श्रीजेशची ही शेवटची स्पर्धा आहे आणि त्याला सुवर्णपदक देऊन निरोप देण्याचे मिशन भारतीय संघासाठी अतिरिक्त प्रेरणा बनले आहे. भारताने 1980 मध्ये मॉस्को येथे झालेल्या आठ ऑलिम्पिक सुवर्णपदकांपैकी शेवटचे सुवर्णपदक जिंकले होते आणि आता पॅरिसमध्ये 44 वर्षांनंतर इतिहास रचण्याची संधी आहे. सेमीफायनल जिंकल्यास भारताचे रौप्यपदक निश्चित होईल, जे त्याने शेवटचे 1960 मध्ये रोममध्ये जिंकले होते.

अमित रोहिदासला रेड कार्ड दाखवल्यामुळे भारतीय संघासमोर मोठे आव्हान

ब्रिटनविरुद्ध, अमित रोहिदासला लाल कार्ड दाखवल्यामुळे भारत दहा खेळाडूंसह सुमारे 40 मिनिटे खेळला. आता उपांत्य फेरीतही भारताला पहिल्या क्रमांकाच्या पहिल्या खेळाडूशिवाय खेळावे लागणार आहे ज्यावर एका सामन्याची बंदी घालण्यात आली आहे. हॉकी इंडियाने मात्र याविरोधात अपील केले आहे. रोहिदासच्या अनुपस्थितीमुळे भारताला पेनल्टी कॉर्नरमध्येही त्रास होईल कारण तो कर्णधार हरमनप्रीत सिंगनंतर भारताचा ड्रॅग फ्लिक विशेषज्ञ आहे. त्याच्या अनुपस्थितीत, उत्कृष्ट फॉर्ममध्ये असलेल्या आणि आतापर्यंत सात गोल करणाऱ्या हरमनप्रीतवर अतिरिक्त दबाव असेल.

जागतिक क्रमवारीत जर्मनी चौथ्या तर भारत पाचव्या स्थानावर
आधुनिक हॉकीमध्ये भारतीय बचाव पक्षाची ही सर्वोत्तम कामगिरी होती आणि प्रशिक्षक क्रेग फुल्टन यांनी म्हटल्याप्रमाणे, हे विजयापेक्षा ‘विधान’ होते. जागतिक क्रमवारी आणि एकमेकांविरुद्धचे रेकॉर्ड बघितले तर सध्याचा विश्वविजेता आणि चार वेळा ऑलिम्पिक सुवर्णपदक विजेता जर्मनी आणि भारत यांच्यात फारसा फरक नाही. जागतिक क्रमवारीत जर्मनी चौथ्या तर भारत पाचव्या स्थानावर आहे. उपांत्यपूर्व फेरीत अर्जेंटिनाचा पराभव करणाऱ्या जर्मनीने टोकियो ऑलिम्पिकच्या कांस्यपदकाच्या सामन्यात भारताचा सामना केला होता ज्यात भारताने 5-4 असा विजय मिळवला होता.

भारत विरुद्ध जर्मनी ऑलिम्पिक हॉकी सामना तुम्ही कधी आणि कुठे पाहू शकता
भारत विरुद्ध जर्मनी उपांत्य फेरीचा सामना मंगळवार, 6 ऑगस्ट रोजी IST रात्री 10:30 वाजता होईल. चाहते स्पोर्ट्स 18 1 आणि स्पोर्ट्स 18 2 चॅनेलवर हा सामना थेट पाहू शकतात किंवा JioCinema ॲप आणि वेबसाइटवर स्ट्रीम करू शकतात. याशिवाय, तुम्ही नवभारत टाइम्सवर सामन्याचे स्कोअर लाईव्ह पाहू शकाल.