- Sports »
“….आश्चर्य वाटते IPL मध्ये नक्की क्रिकेट आहे का?’; आर अश्विनचे खळबळजनक वक्तव्य; क्रीडा विश्वात जोरदार चर्चा
R Ashwin on IPL : आयपीएलबद्दल वारंवार प्रश्नचिन्ह उपस्थित राहिले आहेत. IPL मुळे खेळावर होणाऱ्या परिणामावर दिग्गजांनी अनेकदा मते मांडली आहेत. असे असताना आता आर अश्विनने आयपीएलबाबत बोलताना कधी कधी खेळ मागे पडत असल्याची प्रतिक्रिया दिली आहे.
Follow Us:
Follow Us:
R Ashwin on IPL : भारताचा स्टार फिरकीपटू सध्या इंडियन प्रीमियर लीगमध्ये (IPL) राजस्थान रॉयल्सकडून खेळत आहे. दरम्यान, 37 वर्षीय अश्विनने नुकतेच आयपीएलबाबत मोठे भाष्य केले आहे. त्याने म्हटले आहे की, कधीकधी आयपीएल क्रिकेट आहे, याचे आश्चर्य वाटते. आयपीएलने गेल्या 17 वर्षात केलेला विकास पाहून अश्विनने हे भाष्य केले आहे.
सराव आणि जाहिरांतीचे शूट यादरम्यान कसरत
अश्विनने आयपीएलदरम्यान खेळाडूंना सराव आणि जाहिरांतीचे शूट यादरम्यान त्यांचा वेळ मॅनेज करण्याचे आव्हान पेलावे लागते असेलही सांगितले आहे. तो इंग्लंडचे माजी कर्णधार मायकल वॉन आणि ऑस्ट्रेलियाचा माजी यष्टीरक्षक ऍडम गिलख्रिस्ट होस्ट करत असलेल्या क्लब प्रेरिए फायर पॉडकास्टमध्ये बोलत होता.
अश्विन म्हणाला, ‘युवा खेळाडू म्हणून जेव्हा मी आयपीएलमध्ये आलो होतो, तेव्हा मी फक्त दिग्गज खेळाडूंकडून शिकण्याचा विचार करत होतो. मी हा विचार नव्हता केला की १० वर्षांनंतर आयपीएल कसे असेल. आता इतके आयपीएल हंगाम खेळल्यानंतर मी असं म्हणू शकतो की आयपीएल खूप मोठे आहे.’
कधीकधी जाहिरातींच्या शुटमध्ये आणि सेट्सवर सराव
‘कधीकधी मला आश्चर्य वाटते की आयपीएल हे क्रिकेटही आहे का, कारण बऱ्याचदा आयपीएलवेळी खेळ मागे पडतो, इतके हे मोठे आहे. आम्ही कधीकधी जाहिरातींच्या शुटमध्ये आणि सेट्सवर सराव करतो, इथपर्यंत आयपीएल पोहोचले आहे.’ आयपीएलने आता मीडिया हक्काबाबतही इंग्लिश प्रीमियर लीग, एनबीए, मेजर लीग बेसबॉल अशा मोठ्या स्पर्धांना मागे टाकले आहे.
दरम्यान, अश्विनने आयपीएलच्या सुरुवातीच्या दिवसांच्या आठवणीही सांगितल्या आहेत. अश्विनने 2009 मध्ये चेन्नई सुपर किंग्सकडून आयपीएलमध्ये पदार्पण केले होते. अश्विन म्हणाला, ‘आयपीएलचा एवढा विकास होईल, असा विचार कोणीही केला नव्हता. मला अजूनही स्कॉट स्टायरीसबरोबर झालेली चर्चा आठवते. तेव्हा आम्ही दोघेही सीएसके संघात होतो.’
‘त्याने मला म्हटले होते की तो जेव्हा पहिल्या हंगामात आयपीएलमध्ये डेक्कन चार्जर्सकडून खेळलेला, तेव्हा त्याने विचार नव्हता केला की आयपीएल 2-3 वर्षापेक्षा अधिककाळ टिकेल. सुरुवातीला पैशाची मोठी आवाक होती.’
अश्विन पुढे म्हणाला, ‘अनेकवर्षांपासून तुम्ही पाहिले तर आयपीएल एक अशी स्पर्धा आहे, जी सर्वात आधी लिलावातही जिंकली जाते. मला वाटते लिलाव या स्पर्धेचा खूप महत्त्वाचा भाग आहे, पण आयपीएलची खरी मजा यात आहे की फ्रेँचायझी त्यांच्या संघाची योग्य संघबांधणी कशी करतात.’
‘एकच पद्धत लागू होत नाही. कोणताही खेळाडू संघापेक्षा मोठा नसतो. कोणतीही जागा कोणापेक्षा मोठी नसते. संघाला हुशारीने विचारपूर्वक गुंतवणूक करावी लागते.’ अश्विन जवळपास 16 वर्षांपासून आयपीएल खेळत असून त्याने चेन्नई सुपर किंग्सनंतर पंजाब किंग्स आणि दिल्ली कॅपिटल्स संघाचेही प्रतिनिधित्व केले आहे.
Web Title: R ashwins sensational statement and sports world hotly debated wonder if ipl really has cricket nryb
Get Latest Marathi News , Maharashtra News and Marathi News from Politics, Election News , Sports News , Entertainment News, Business News and Religion News only on Navarashtra.com
Published On: Mar 29, 2024 | 02:40 PM
ताज्या बातम्या
Devendra Fadnavis: मुंबईकरांचे पोट भरणाऱ्यांना मिळणार हक्काची घरे; मुख्यमंत्री फडणवीसांनी केली ‘ही’ घोषणा
Astro Tips : पत्रिकेतील चंद्र बलवान असेल तर काय होतं ? चंद्रबळ असणाऱ्या व्यक्तींमध्ये असतात ‘हे’ खास गुण
पुण्यातील लोहगाव भागात टोळक्याकडून एकावर जीवघेणा हल्ला; तीक्ष्ण शस्त्राने सपासप वार
हे काय चाललंय? ट्रम्पच्या पत्नीचे थेट पुतिनला पत्र; अमेरिकेच्या अध्यक्षांनी स्वत: पोहोचवले…
Tata Tiago vs Maruti Celerio: किंमत आणि मायलेजच्या बाबतीत कोणती कार आहे वरचढ?
मुंबईत मोठा अनर्थ टळला! लँडिंगवेळी इंडिगो विमानाचा मागचा भाग रनवेला धडकला, ३०० प्रवाशांचे प्राण वाचले
India China Relations : चीनचे परराष्ट्र मंत्री भारत दौऱ्यावर; NSA अजित डोवाल यांची घेणार भेट
व्हिडिओ
Sambhajinagar : इम्तियाज जलील यांची बिर्याणी पार्टी; संभाजीनगरमध्ये नागरिकांनी केला निषेध
Sangli : “महापालिकेची योजना पूर्णपणे फेल”; आमदार नितीन शिंदेंचा आरोप
Sangali News : शक्तीपीठ महामार्गाविरोधात शेतकऱ्यांचं आंदोलन; काय म्हणाले राजू शेट्टी, पाहा व्हिडीओ
Latur : शक्तिपीठ महामार्गा विरोधात अमित देशमुख यांची महत्वाची बैठक
Latur : प्रताप सरनाईकांनी घेतली जरांगे पाटलांची भेट; सरनाईक म्हणाले की…
Kolhapur : जमीन आमच्या हक्काची, नाही कुणाच्या बापाची; कोल्हापूर जिल्ह्यात अभिनव आंदोलन
