RCB : आरसीबीला धक्का, पहिल्या सामन्यापासून सोबत असणाऱ्या ‘या’ दिग्गज व्यक्तीने घेतला अखेरचा श्वास

RCB : रॉयल चॅलेंजर्स बंगळुरूच्या पहिल्या सामन्यापासून सोबत असणारे प्रसिद्ध ड्रम वादक देवा यांचे प्रदिर्घ आजाराने निधन झाले. ते 64 वर्षांचे होते. त्यांच्या निधनाबाबत आरसीबीने शोक व्यक्त करणारी पोस्ट सोशल मीडियावर प्रसिद्ध केली आहे.

• प्रसिद्ध ड्रमर देवा यांचे निधन
• कन्नडचा ‘शिवमणी’ म्हणून त्यांची ओळख
• आरसीबीकडून भावनिक पोस्ट

आयपीएलमधील प्रसिद्ध संघ रॉयल चॅलेंजर्स बंगळुरू (RCB)ला एक मोठा धक्का बसला आहे. चिन्नास्वामी स्टेडियममध्ये खेळवण्यात आलेल्या पहिल्या सामन्यापासून संघासोबत असणारे ड्रमर वादक देवा यांचे निधन झाले आहे. रविवारी मध्यरात्री प्रदिर्घ आजारामुळे त्यांनी अखेरचा श्वास घेतला.
या संदर्भात आरसीबीने सोशल मीडियावर ड्रम वाजवतानाचे देवा यांचे काही फोटो शेअर करत त्यावर एक भावनिक कॅप्शनही दिले आहे.

अनेक काळापासून टीमसोबत असणारे देवा यांना एक आजार जडला होता. तो आजार इतका बळावला की, त्यातून ते बाहेर पडू शकले नाहीत. ते आरसीबी कुटुंबाचा एक महत्त्वाचा भाग होते असे आरसीबी व्यवस्थापनाच्या वतीने सांगण्यात आले आहे.

आरसीबीच्या नेहमीच स्मरणात राहतील

आरसीबीच्या व्यवस्थापनाने पोस्टच्या कॅप्शनमध्ये असे लिहिले की, चिन्नास्वामी स्टेडियममध्ये खेळवण्यात आलेल्या पहिल्या सामन्यापासूनचे स्मरणात राहतील असे अविस्मरणीय क्षण असो वा देवा यांचे ड्रमवादन हे आरसीबीसाठी सामन्याच्या दिवशी अनुभवाचे विविध अंग राहिले आहे.
ते पुढे म्हणतात की, रविवारी मध्यरात्री वयाच्या 64 व्या वर्षी आरोग्या संबंधित कारणांमुळे आपण देवा यांना गमावले. त्यांना प्रेमाने कन्नडचा ‘शिवमणी’ या नावाने ओळखले जायचे. देवा यांच्या वाद्याचा आवाज चिन्नास्वामी स्टेडियममध्ये नेहमीच गुंजत राहिल व तो नेहमीच आरसीबीच्या लोक साहित्याचाही भाग असेल. अनेक वर्ष आमचे मनोरंजन केल्याबाबत धन्यवाद. आपल्या आत्म्यास शांती लाभो.

Asian Games 2026 : भारत आणि पाकिस्तान ‘या’ दिवशी खेळणार सेमिफायनल, हे आहे वेळापत्रक

See more

आरसीबीच्या सलग तिसऱ्या जेतेपदावर नजरा

बंगळुरूने पहिले जेतेपद 2025 साली जिंकले होते. 18 वर्षाच्या मोठ्या प्रतिक्षेनंतर फ्रँचायजीने चषक जिंकले होते. ही किमया रजत पाटीदारच्या नेतृत्त्वात झाली. याअगोदर विराट कोहलीपासून ते अनेक दिग्गजांनी या फ्रँचायजीची कमान सांभाळली, पण ते संघाला जेतेपद मिळवून देऊ शकले नाही.
पाटीदारच्या नेतृत्त्वाची कमाल येथपर्यंत थांबली नाही, तर त्याच्या पुढील हंगामात म्हणजेच या वर्षी 2026 मध्येही त्यांनी ट्रॉफी आपल्या नावे केली. त्यामुळे नक्कीच या फ्रँचायजीला सलग तिसऱ्यांदा जेतेपदावर नाम कोरायचे असेल. आता हे पाहणे उत्सुकतेचे असेल की, आगामी हंगामात गतविजेत्याच्या रुपात आरसीबी कशाप्रकारे कामगिरी करते.

‘मोदींकडे, योगींकडे की…’? Deepak Chahar च्या महागड्या तीन बॅट्स चोरीला, Video झाला Viral