RCB vs CSK Playing 11 : बंगळुरूच्या नशिबी पहिले स्थान असणार का? जाणून घ्या आजच्या सामन्यात कशी असेल संघाची प्लेइंग 11

चेन्नईला हलके घेतल्यास आरसीबीला अडचणी येऊ शकतात. तर चेन्नईसाठी प्लेऑफचा मार्ग बंद झाला आहे म्हणजेच संघ प्लेऑफच्या शर्यतीतून बाहेर झाला आहे. आता त्याला फक्त विश्वासार्हतेसाठी लढायचे आहे.

रॉयल चॅलेंजर्स बंगळुरू विरुद्ध चेन्नई सुपर किंग्स संघाची प्लेइंग ११ : रॉयल चॅलेंजर्स बंगळुरू विरुद्ध चेन्नई सुपर किंग्स यांच्यामध्ये आज सामना रंगणार आहे. आजच्या सामन्यात यंदा विराट कोहली आणि एमएस धोनी दोघे एकत्र मैदानावर शेवटचे दिसणार आहेत. त्यामुळे आजचा सामना क्रिकेट चाहत्यांसाठी महत्वाचा असणार आहे. आज रॉयल चॅलेंजर्सची कमान रजत पाटीदारकडे असणार आहे तर चेन्नईचे नेतृत्व धोनी करणार आहे. आजचा सामना एम. चिन्नास्वामी स्टेडियमवर खेळवला जाणार आहे. त्यामुळे आज बंगळुरूच्या होमग्राउंडवर कोणत्या खेळाडूंना प्लेइंग ११ मध्ये स्थान मिळणार हे पाहणे मनोरंजक असणार आहे.

रॉयल चॅलेंजर्स बंगळुरू प्लेऑफमध्ये पोहोचण्याच्या अगदी जवळ आहे. चेन्नई सुपर किंग्ज विरुद्धच्या त्यांच्या पुढील सामन्यात, आरसीबी जिंकून नंबर-१ स्थान मिळवण्याचा आणि प्लेऑफसाठीचा त्यांचा दावा मजबूत करण्याचा प्रयत्न करेल. या सीझनमध्ये चेन्नईचा संघ चांगल्या फॉर्ममध्ये नाही आणि म्हणूनच आजच्या सामन्यात आरसीबीचा वरचष्मा असल्याचे दिसून येते. तथापि, चेन्नईला हलके घेतल्यास आरसीबीला अडचणी येऊ शकतात. तर चेन्नईसाठी प्लेऑफचा मार्ग बंद झाला आहे म्हणजेच संघ प्लेऑफच्या शर्यतीतून बाहेर झाला आहे. आता त्याला फक्त विश्वासार्हतेसाठी लढायचे आहे.

साई सुदर्शनने त्यांच्या खेळीने चाहत्यांचे वेधले लक्ष! जाणून खेळाडूंचा आयपीएल २०२५ मधील आतापर्यत प्रवास

आजच्या सामन्यात चेन्नई आरसीबीविरुद्धच्या सामन्यात बदला घेण्याचा प्रयत्न करेल. या सीझनमध्ये आरसीबीने चेन्नईला चेन्नईमध्येच हरवले होते. २००८ नंतर घरच्या मैदानावर चेन्नईविरुद्धचा हा त्याचा पहिलाच विजय होता. आरसीबीकडून बदला घेण्यासाठी एमएस धोनी त्याच्या प्लेइंग-११ मध्ये बदल करू शकतो. चेन्नईला त्यांच्या शेवटच्या सामन्यात पंजाब किंग्जकडून पराभव पत्करावा लागला होता. या सामन्यात दीपक हुड्डाला संधी मिळाली पण तो अपयशी ठरला. आरसीबीविरुद्ध एमएस धोनी त्याला वगळू शकतो. त्याच्या जागी एका तरुण खेळाडूला संधी दिली जाऊ शकते अन्यथा विजय शंकर प्लेइंग-११ मध्ये परतू शकतो. चेन्नईच्या प्लेइंग-११ मध्ये इतर कोणताही बदल दिसून येत नाही.

आरसीबीने त्यांचा शेवटचा सामना दिल्ली कॅपिटल्सविरुद्ध त्यांच्या घरच्या मैदानावर खेळला. आरसीबीने हा सामना जिंकला होता. तथापि, संघाचा स्फोटक सलामीवीर फिल साल्ट या सामन्यात खेळला नाही. त्याच्या जागी जेकब बेथेलला संधी मिळाली. सॉल्टच्या दुखापतीबद्दल अद्याप कोणतीही माहिती नाही. तो तंदुरुस्त आहे की नाही हे अद्याप कळलेले नाही. जर तो तंदुरुस्त नसेल तर जेकब खेळेल हे निश्चित आहे, पण जर तो तंदुरुस्त झाला तर सॉल्ट खेळेल हे निश्चित आहे.

चेन्नई सुपर किंग्जची संभाव्य प्लेइंग ११ :

एमएस धोनी (कर्णधार/विकेटकीपर), शेख रशीद, आयुष म्हात्रे, सॅम कुरन, रवींद्र जडेजा, देवाल्ड ब्रेविस, शिवम दुबे, विजय शंकर, अंशुल कंबोज, नूर अहमद, खलील अहमद.

आरसीबीची संभाव्य प्लेइंग ११ :

रजत पाटीदार (कर्णधार), जेकब बेथेल, विराट कोहली, देवदत्त पडिक्कल, कृणाल पंड्या, टिम डेव्हिड, रोमॅरियो शेफर्ड, जितेश शर्मा, भुवनेश्वर कुमार, जोश हेजलवुड, यश दयाल.