T20 World Cup 2026 मध्ये Romario Shepherd ने रचला इतिहास, अशी कामगिरी करणारा ठरला जगातील पहिला खेळाडू

SA vs WI: दक्षिण आफ्रिकेविरुद्धच्या महत्त्वाच्या सामन्यात शेफर्डने ९ व्या क्रमांकावर फलंदाजीला येत शानदार अर्धशतक झळकावले. टी-२० विश्वचषकाच्या इतिहासात ९ व्या क्रमांकावर फलंदाजी करताना त्याने मोठा पराक्रम केला.

• T20 World Cup 2026 मध्ये Romario Shepherd ने रचला इतिहास
• अशी कामगिरी करणारा ठरला जगातील पहिला खेळाडू
• शफिकुल्लाहचा १० वर्षांपूर्वीचा विक्रम मोडला

Romario Shepherd News Record: टी-२० विश्वचषक २०२६ च्या (T20 World Cup 2026) सुपर-८ फेरीतील सातव्या सामन्यात वेस्ट इंडिजच्या रोमारियो शेफर्डने क्रिकेट विश्वात खळबळ उडवून दिली आहे. दक्षिण आफ्रिकेविरुद्धच्या महत्त्वाच्या सामन्यात शेफर्डने ९ व्या क्रमांकावर फलंदाजीला येत शानदार अर्धशतक झळकावले. टी-२० विश्वचषकाच्या इतिहासात ९ व्या क्रमांकावर फलंदाजी करताना अर्धशतक झळकावणारा तो जगातील पहिलाच खेळाडू ठरला आहे.

अहमदाबादच्या मैदानावर शेफर्डचे वादळ

अहमदाबाद येथील नरेंद्र मोदी स्टेडियमवर पार पडलेल्या या सामन्यात ३१ वर्षीय शेफर्डने कठीण प्रसंगी फलंदाजीची धुरा सांभाळली. वेस्ट इंडिजची अवस्था ८३ धावांवर ७ बाद अशी दयनीय असताना शेफर्ड मैदानात उतरला. त्याने अवघ्या ३७ चेंडूंमध्ये ५२ धावांची नाबाद खेळी केली. या खेळीत त्याने ४ उत्तुंग षटकार आणि ३ चौकार लगावले. डावाच्या शेवटच्या चेंडूवर कॉर्बिन बॉशला चौकार मारत त्याने आपले ऐतिहासिक अर्धशतक पूर्ण केले.

See more

Romario Shepherd is the first player to score a fifty batting at No. 9 at the #T20WorldCup 💪 pic.twitter.com/29DYj6sxMG — ESPNcricinfo (@ESPNcricinfo) February 26, 2026

शफिकुल्लाहचा १० वर्षांपूर्वीचा विक्रम मोडला

शेफर्डने या खेळीसह अफगाणिस्तानच्या शफिकुल्लाहचा विक्रम मोडीत काढला आहे. २०१६ च्या विश्वचषकात दिल्लीत इंग्लंडविरुद्ध खेळताना शफिकुल्लाहने ९ व्या क्रमांकावर ३५ धावांची खेळी केली होती. तब्बल १० वर्षांनंतर शेफर्डने हा विक्रम मोडीत काढून नवा मैलाचा दगड प्रस्थापित केला.

IND vs ZIM : भारत-झिम्बाब्वे सामना तुम्ही कधी, कुठे आणि कसा मोफत पाहू शकता? जाणून घ्या सर्व तपशील

टी-२० विश्वचषकात ९ व्या क्रमांकावरील फलंदाजांचे सर्वोच्च स्कोअर

विंडीजचे आफ्रिकेसमोर १७७ धावांचे लक्ष्य

दक्षिण आफ्रिकेने टॉस जिंकून प्रथम गोलंदाजीचा निर्णय घेतला होता. विंडीजची सुरुवात अत्यंत खराब झाली असून पॉवरप्लेमध्येच त्यांनी ४ विकेट्स गमावल्या होत्या. सलामीवीर ब्रँडन किंग (२१) आणि शाई होप (१६) स्वस्त पाठी फिरले. एका टप्प्याला विंडीजची अवस्था ७ बाद ८३ अशी होती. येथून अनुभवी जेसन होल्डर आणि रोमारियो शेफर्ड यांनी डावाची सूत्रे हाती घेतली. या जोडीने ८ व्या विकेटसाठी ८९ धावांची महत्वपूर्ण भागीदारी केली. होल्डरने ३१ चेंडूत ४९ धावा केल्या, मात्र तो दुर्दैवीरीत्या धावबाद झाला. या दोघांच्या फटकेबाजीमुळे वेस्ट इंडिजने २० षटकांत ८ बाद १७६ धावांपर्यंत मजल मारली आणि दक्षिण आफ्रिकेसमोर विजयासाठी १७७ धावांचे आव्हानात्मक लक्ष्य ठेवले.

Ranji Trophy Final : लाईव्ह सामन्यादरम्यान जम्मू-काश्मीरचा कर्णधार रागावला, कर्नाटकच्या खेळाडूला मारले डोक्यात, Video Viral