फोटो सौजन्य – X
या सामन्यात एबी डिव्हिलियर्सने नाणेफेक जिंकून प्रथम फलंदाजी करण्याचा निर्णय घेतला. दक्षिण आफ्रिकेने २० षटकांत ८ गडी बाद १८६ धावा केल्या. प्रत्युत्तरात ऑस्ट्रेलियाला २० षटकांत ७ गडी बाद १८५ धावाच करता आल्या. या पराभवामुळे ब्रेट लीचा संघ अंतिम फेरीच्या शर्यतीतून बाहेर पडला.
प्रथम फलंदाजी करण्यासाठी आलेल्या दक्षिण आफ्रिकेला सुरुवातीचाच धक्का बसला. कर्णधार एबी डिव्हिलियर्स फक्त ६ धावांवर बाद झाला, तर सलामीवीर फलंदाज स्मट्सने ५७ धावांची शानदार खेळी केली. व्हॅन विकने स्फोटक फलंदाजी केली आणि ३५ चेंडूत ७६ धावा केल्या. ऑस्ट्रेलियाकडून पीटर सिडलने घातक गोलंदाजी केली आणि ४ बळी घेतले, तर डी’आर्सी शॉर्टने २ आणि कर्णधार ब्रेट ली आणि डॅनियल ख्रिश्चनला प्रत्येकी एक बळी मिळाला.
IND vs ENG 5th Test : करुण नायरची बॅट कडाडली, झळकावले अर्धशतक! वाचा सामन्याचा सविस्तर अहवाल
लक्ष्याचा पाठलाग करताना ऑस्ट्रेलियाने सुरुवात चांगली केली. शॉन मार्शने २५ धावा केल्या तर ख्रिस लिनने ३५ धावा केल्या आणि दोघांनी पहिल्या विकेटसाठी ४५ धावांची भागीदारी केली. एबी डिव्हिलियर्सने ख्रिस लिनचा शानदार कॅच घेत ऑस्ट्रेलियाला मोठा धक्का दिला. यानंतर बेन डंक १२ धावा करून बाद झाला आणि डार्सी शॉर्ट ३३ धावा करून बाद झाला.
यानंतर बेन कटिंग ८ धावा काढून पॅव्हेलियनमध्ये परतला. एका टोकाला डॅनियल ख्रिश्चन उभा होता. शेवटच्या षटकात ऑस्ट्रेलियाला विजयासाठी १४ धावांची आवश्यकता होती. पहिल्या चेंडूवर एक षटकार मारण्यात आला. त्यानंतर पार्नेलने पुढील चार चेंडूंवर फक्त ५ धावा दिल्या. शेवटच्या चेंडूवर ऑस्ट्रेलियाला जिंकण्यासाठी तीन धावा आणि सामना बरोबरीत आणण्यासाठी दोन धावा हव्या होत्या.
डॅनियल ख्रिश्चनने एक शॉट खेळला. मिड-विकेटवर उभ्या असलेल्या एबी डिव्हिलियर्सने चेंडू गोळा केला आणि तो वेगाने गोलंदाजाकडे फेकला. पार्नेलने वेळ वाया न घालवता स्टंप विखुरले आणि ऑस्ट्रेलिया एका धावेने मागे पडला. ख्रिश्चनने ४९ धावांची नाबाद खेळी केली, परंतु तो संघाला विजयापर्यंत पोहोचवू शकला नाही. दक्षिण आफ्रिकेकडून वेन पार्नेल आणि हार्डसने २-२ विकेट घेतल्या.
.png "Videos"){kind=small}
