Ranji Trophy 2026: कमबॅकचा आनंद अन्…! ;न्यूझीलंड दौऱ्याआधी टीम इंडियाचा ‘हा’ वाघ जखमी, अडचणी वाढणार?

Sai sudharsan Got Injured in ranji Trophy Rajasthan vs Tamil Nadu: भारतीय संघ २२ ऑक्टोबरपासून न्यूझीलंड दौऱ्याला सुरुवात करणार आहे. याआधी भारताचा स्टार कसोटी फलंदाज साई सुदर्शन जखमी झाला आहे.

• न्यूझीलंड दौऱ्याआधी टीम इंडियाला मोठा धक्का
• रणजी सामन्यात साई सुदर्शन दुखापतग्रस्त
• टीम इंडियासाठी चिंतेची बाब

Sai sudharsan Got Injured in ranji Trophy: भारतीय संघ ऑक्टोबर महिन्यात न्यूझीलंडला रवाना होणार आहे. दोन्ही देशांमध्ये पाच एकदिवसीय, पाच टी-२० आणि दोन कसोटी सामने होणार आहेत. गेल्या कसोटी मालिकेत न्यूझीलंडने भारताला ३-० ने पराभूत केले होते. आता भारतीय संघाला त्याचा बदला घेण्यासाठी मैदानात उतरेल. याच कारणास्तव, संघ व्यवस्थापनाने सर्व कसोटी खेळाडूंना रणजी ट्रॉफी खेळण्याची विनंती केली आहे. या दौऱ्यापूर्वी, रणजी सामन्यादरम्यान साई सुदर्शनला पुन्हा दुखापत झाली आहे. (Sai sudharsan Got Injured in ranji Trophy Rajasthan vs Tamil Nadu)

Ravindra Jadeja Century: जड्डूची बॅट तळपली! रणजी ट्रॉफीत ठोकलं खणखणीत शतक, न्यूझीलंड दौऱ्याआधी दाखवला दम

साई सुदर्शन पुन्हा जखमी

२०२६-२७ रणजी ट्रॉफीचा सामना जयपूरमध्ये तामिळनाडू आणि राजस्थान यांच्यात खेळला जात आहे. भारतीय संघाचा स्टार फलंदाज साई सुदर्शन तामिळनाडू संघाचा भाग आहे. सामन्यादरम्यान क्षेत्ररक्षण करताना त्याला दुखापत झाली. राजस्थानच्या करण लांबाने कव्हर ड्राईव्ह मारला आणि चेंडू अडवण्याचा प्रयत्न करताना सुदर्शन जखमी झाला. साई सुदर्शनची दुखापत गंभीर वाटत नव्हती, परंतु सपोर्ट स्टाफच्या सदस्यांनी त्याला मैदानाबाहेर नेले.

साई सुदर्शनने नुकतेच क्रिकेटच्या मैदानावर पुनरागमन केले आहे. ऑस्ट्रेलिया ‘अ’ संघाविरुद्धच्या कसोटी आणि एकदिवसीय मालिकेसाठी तो भारत ‘अ’ संघाचा भाग होता. २६ ऑक्टोबरपासून न्यूझीलंडमध्ये सुरू होणाऱ्या तीन कसोटी सामन्यांसाठीही त्याचा भारत ‘अ’ संघात समावेश करण्यात आला आहे. साई सुदर्शनची दुखापत ही एक वाईट बातमी आहे. तो नुकताच एका दुखापतीतून सावरला होता आणि आता पुन्हा दुखापतीने ग्रस्त झाल्याने त्याच्या फिटनेवर प्रश्नचिन्ह निर्माण झाले आहे. यामुळे भारतीय संघातील त्याच्या निवडीतही अडथळा येऊ शकतो.

देवदत्त पडिक्कलने घेतली सुदर्शनची जागा

साई सुदर्शन गेल्या वर्षभरापासून टीम इंडियाचा प्रमुख तिसऱ्या क्रमांकाचा फलंदाज होता. मात्र, श्रीलंकेविरुद्धच्या कसोटी मालिकेपूर्वी सुदर्शन जखमी झाल्याने पडिक्कलला तिसऱ्या क्रमांकावर खेळण्याची संधी मिळाली. त्याने श्रीलंकेविरुद्धच्या दोन्ही कसोटी सामन्यांमध्ये शतके झळकावली. यामुळे तो टीम इंडियाचा तिसऱ्या क्रमांकाचा प्रथम पसंतीचा फलंदाज बनला आहे.

साई सुदर्शन आता राखीव खेळाडू बनला आहे आणि भारत ‘अ’ संघासाठी न्यूझीलंडमधील परिस्थितीत चांगली फलंदाजी करून पडिक्कलच्या आधी अंतिम ११ मध्ये स्थान मिळवण्याची त्याला संधी आहे. मात्र, दुखापतीमुळे सुदर्शन तंदुरुस्त न राहिल्यास, त्याला न्यूझीलंड दौऱ्यातून पूर्णपणे वगळले जाऊ शकते.

IND vs WI 4th T20I: टीम इंडियाचा विजयाचा चौकार की विंडीजचा पलटवार? चौथा सामना कधी अन् कुठे?