सरफराज खानची टीम इंडियात वर्णी (फोटो सौजन्य - इन्स्टाग्राम)
श्रीलंकेत पोहचेपर्यंतही भारतीय संघात सरफराज खानचा समावेश नव्हता. मग नक्की काय घडलं आणि कशी झाली सरफराज खानची निवड? गेल्या दोन वर्षांपासून सरफराज टीममध्ये नसतानाही त्याचं नाव नक्की कसं पुढे आलं? याचीच इनसाईड स्टोरी आज आपण या लेखातून जाणून घेऊया.
खरं तर, सरफराज खानचे टीम इंडियामधील पुनरागमन केवळ त्याच्या मेहनतीवरच नाही, तर नशिबावरही अवलंबून होते. अखेरीस, या उजव्या हाताच्या फलंदाजाचे नशीब त्याच्या बाजूने उभे राहिले. जेव्हा साई सुदर्शन निर्धारित वेळेत उजव्या पायाच्या बोटाच्या दुखापतीतून सावरू शकला नाही, तेव्हा निवड समितीकडे त्याची जागा भरण्यासाठी तीन पर्याय होते. सध्याच्या संघात, कर्णधार शुभमन गिल आणि ऋषभ पंत यांच्या व्यतिरिक्त, ऋतुराज गायकवाड, शेख रशीद आणि सरफराज खान हे फिरकी गोलंदाजांविरुद्ध खेळण्यात सर्वात पारंगत आहेत. मात्र टीममध्ये सरफराज खानची वर्णी लागली.
ध्रुव जुरेल गेल्या काही काळापासून फिरकी गोलंदाजांविरुद्ध चांगली कामगिरी करत नाहीये, त्यामुळे १५ ऑगस्टला गॉल येथे सुरू होणाऱ्या पहिल्या कसोटीत या उत्तर प्रदेशच्या यष्टीरक्षक-फलंदाजाला एक शुद्ध फलंदाज म्हणून संधी दिली जाईल की नाही, हे अनिश्चित आहे. जुरेलने गेल्या महिन्यात भारत ‘अ’ संघाचा कर्णधार म्हणून श्रीलंकेचा दौरा केला होता आणि दोन ‘अ’ कसोटी सामन्यांमध्ये एक शतक व एक अर्धशतक झळकावले होते.
रविवारी संपलेल्या सराव सामन्यात ऑफ-स्पिनर्सविरुद्धची त्याची कमजोरी पुन्हा एकदा उघड झाली. त्यामुळे, पहिल्या कसोटीसाठी सरफराजला अंतिम ११ मध्ये स्थान मिळू शकते, कारण त्याच्याकडे पारंपरिक आणि रिव्हर्स स्वीपसह विविध प्रकारचे फटके आहेत. कोणत्या सामन्यात सरफराज हुकमी एक्का म्हणून नेहमीच समोर आला आहे. त्यामुळे भारतीय टीम आणि कर्णधार सरफराजला योग्यरित्या वापरून घेतील आणि खेळवतील अशीच आता चाहत्यांना अपेक्षा आहे.
भारताचा कसोटी संघ: शुभमन गिल (कर्णधार), केएल राहुल, यशस्वी जैस्वाल, ऋषभ पंत (यष्टीरक्षक), ध्रुव जुरेल (यष्टीरक्षक), रवींद्र जडेजा, कुलदीप यादव, मानव सुथार, मोहम्मद सिराज, प्रसिद्ध कृष्णा, गुरनूर ब्रार, देवदत्त पडिक्कल, सारांश जैन, आकिब नबी आणि सरफराज खान
.png "Videos"){kind=small}
