Shai hope score 316 runs 6 days
याआधी त्याने, भारताविरुद्धच्या तिसऱ्या एकदिवसीय सामन्यात १६२ धावांची नाबाद खेळी करून सामना जिंकून दिला होता. त्याने पहिल्या टी-२० सामन्यात ५२ आणि दुसऱ्या सामन्यात नाबाद १०२ धावा केल्या. अशाप्रकारे, गेल्या सहा दिवसांत भारताविरुद्धच्या तीन डावांमध्ये होपने केवळ एकदाच बाद होऊन एकूण ३१६ धावा केल्या आहेत. याशिवाय, होपने एक असा जागतिक विक्रम प्रस्थापित केला आहे, जो यापूर्वी इतर कोणत्याही क्रिकेटपटूने केलेला नाही. (Shai hope score 316 runs 6 days)
वेस्ट इंडिजचा कर्णधार शाई होप आता आंतरराष्ट्रीय क्रिकेटमध्ये सहा दिवसांच्या आत एकदिवसीय सामन्यात १५० धावा आणि टी-२० सामन्यात १०० किंवा त्याहून अधिक धावा करणारा जगातील पहिली क्रिकेटपटू ठरला आहे. यापूर्वी हा विक्रम न्यूझीलंडची महिला क्रिकेटपटू अमेलिया केरच्या नावावर होता. केरने सात दिवसांमध्ये एकदिवसीय सामन्यात १५० पेक्षा जास्त धावा आणि दक्षिण आफ्रिकेविरुद्ध टी-२० सामन्यात शतक ठोकले होते.
भारताचा माजी कर्णधार रोहित शर्माने पुरुष क्रिकेटमध्ये यापूर्वीच ही कामगिरी केली आहे, परंतु होपच्या कामगिरीमुळे तो यादीत तिसऱ्या स्थानावर सरकला आहे. रोहितने आपल्या कारकिर्दीत तीन वेळा ही कामगिरी केली आहे. परंतु, त्याने एकदिवसीय सामन्यांमध्ये १५० आणि टी-२० सामन्यांमध्ये १०० धावा आठ-नऊ दिवसांच्या कालावधीतच पूर्ण केल्या आहेत.
.png "Videos"){kind=small}
