IPL Orange Cap: 15 व्या क्रमांकावरून सरळ पहिल्या नंबरवर Shubman Gill ची झेप, विराट कोहलीकडून हिसकावून घेतली ऑरेंज कॅप

आयपीएल २०२६ मध्ये KKR विरुद्ध आपल्या शानदार ८६ धावांच्या खेळीने शुभमन गिलने मोठी उलथापालथ घडवला. या खेळीमुळे तो ऑरेंज कॅपच्या शर्यतीत १५ व्या स्थानावरून थेट पहिल्या क्रमांकावर पोहोचला.

• शुभमन गिलकडे ऑरेंज कॅप

• विराट कोहलीला मागे पाडले 

• १५ व्या नंबरवरून डायरेक्ट पहिल्या क्रमांकावर झेप 

IPL 2026 च्या २५ व्या सामन्यात एक मोठा उलथापालथ पाहायला मिळाला. गुजरात टायटन्सचा कर्णधार शुभमन गिलने केवळ आपल्या स्फोटक फलंदाजीने संघाला विजय मिळवून दिला नाही, तर ऑरेंज कॅपच्या शर्यतीत अव्वल स्थान पटकावून महत्त्वपूर्ण प्रभाव पाडला. गुजरात टायटन्स आणि कोलकाता नाईट रायडर्स यांच्यातील सामन्यात, शुभमन गिलने ८६ धावांची शानदार खेळी करत सलग तिसऱ्या सामन्यात संघाचे नेतृत्व केले. अहमदाबादच्या नरेंद्र मोदी स्टेडियमवर संघाच्या सोप्या विजयात गिलच्या कर्णधारपदाच्या खेळीने महत्त्वाची भूमिका बजावली. 

केकेआरविरुद्ध हा सामना खूपच शेवटच्या क्षणापर्यंत रंगला. शुभमन गिल आपले शतक पूर्ण करू शकला नाही. मात्र त्याने गुजरातला जिंकण्यासाठी उत्तम खेळी केली. १७ व्या षटकात शुभमन आऊट झाला. पण तो ऑरेंज कॅपचा मानकरी ठरला आहे. 

GT Vs KKR: गिलने केली ‘किलिंग’ खेळी; रहाणेच्या ‘केकेआर’ने केली पराभवाची डबल हॅट्रिक

विराट कोहलीकडून ऑरेंज कॅप हिसकावली गेली

See more

या प्रभावी कामगिरीमुळे, गिलने आयपीएल २०२६ मधील आपल्या एकूण धावा २५१ वर नेल्या आणि ऑरेंज कॅपच्या शर्यतीत अव्वल स्थान पटकावले. त्याने या हंगामात २२८ धावा करणाऱ्या रॉयल चॅलेंजर्स बंगळूरच्या विराट कोहलीला मागे टाकले. गिल आता कोहलीपेक्षा २३ धावांनी आघाडीवर आहे. या सामन्यापूर्वी गिल १५ व्या क्रमांकावर होता, पण केकेआरविरुद्धच्या शानदार खेळीने त्याने १४ फलंदाजांना मागे टाकले आणि ऑरेंज कॅप पटकावली.

गिलची आक्रमकता 

गिलने बॅटने आपली ताकद दाखवून दिली. गिलच्या खेळीत दर्जा आणि आक्रमकतेचा उत्तम मिलाफ दिसून आला. त्याने सुरुवातीपासूनच आक्रमक पवित्रा घेतला आणि पॉवरप्लेमध्ये वेगाने धावा केल्या. त्याने आपल्या ५० चेंडूंच्या खेळीत ८ चौकार आणि ४ षटकार मारले. तो शतक पूर्ण करण्याच्या मार्गावर होता, पण कॅमेरॉन ग्रीनने घेतलेल्या एका अप्रतिम झेलमुळे त्याची ८६ धावांवर खेळी संपुष्टात आली. गिलने सुरुवातीपासूनच गोलंदाजांवर दबाव टाकला. त्याने सुरुवातीच्या षटकांमध्ये सलग चौकार मारून संघाला वेगवान सुरुवात करून दिली आणि नंतर शेवटपर्यंत सामना नियंत्रणात ठेवला. जॉस बटलर बाद झाल्यानंतर, त्याने वॉशिंग्टन सुंदरसोबत एक महत्त्वपूर्ण भागीदारी करून संघाला विजयाच्या जवळ नेले.

KKR Vs GT Live: ‘ग्रीन’ वादळात गुजरातचे ‘टायटन्स’ उडाले; 79 रन्सची तडाखेबंद खेळी