Mumbai Indians : श्वेता सेहरावतला स्वतःला विकसित करण्याची संधी मिळेल : वेदा कृष्णमुर्ती
भारताची माजी क्रिकेटपटू वेदा कृष्णमुर्तीने आगामी वुमन्स प्रीमियर लीग (डब्ल्यूपीएल) संदर्भात एक मोठे विधान केले आहे. नुकतंच श्वेता सेहरावत ही यूपी वॉरियर्समधून मुंबई इंडियन्स (Mumbai Indians) मध्ये समाविष्ट झाली आहे. याबाबत कृष्णमुर्तीच्या मते, श्वेता मुंबई इंडियन्समध्ये आल्याने तिला आपला नैसर्गिक खेळ दाखवण्याची संधी मिळेल.
वेदाने एका पोडकास्टमध्ये विविध विषयांवर भाष्य केले. ती म्हणाली की, मी श्वेता सेहरावत मुंबई इंडियन्समध्ये समाविष्ट झाल्याने खूप आनंदी आहे, कारण हा एक असा संघ आहे, जो तिला नैसर्गिक खेळ दाखवण्याची संधी देईल. तिच्या मागील संघाने तिच्यावर धावा करण्याची संपूर्ण जबाबदारी खांद्यावर दिली होती. याचा तिच्या खेळावर प्रभाव पडला. आता ती मुंबईसोबत आहे, तर तिला चांगले शिकण्यासह आणखीन एक चांगलं खेळाडू होण्यासाठी संधी मिळेल.
वेदाला वाटते की, श्वेताच्या सुरुवातीच्या यशामुळे तिच्यावर अफाट अपेक्षा वाढल्या आहेत, ज्यामुळे या युवा खेळाडूवर आपली भूमिका सेटल होण्यासह आपल्या धावा काढण्याचा वेग वाढवण्यासंदर्भात दबाव आला आहे. यावेळी वेदाने यूपी वॉरियर्सद्वारे श्वेतावरील जबाबदारी वारंवार बदलण्याच्या निर्णयाबाबत प्रश्न उपस्थित केला. ती म्हणाली की, एका फलंदाजाच्या रुपात तिची मुख्य ताकद फिनिशिंग रोलऐवजी टॉप ऑर्डरमध्ये आहे.
वेदा पुढे म्हणते की, श्वेता मागील काही वर्षांपासून टीका झेलत आहे. तिच्याकडून खूप अपेक्षा आहेत. ती डब्ल्यूपीएलच्या पहिल्या हंगामात अंडर-19 विश्वचषक विजेता आणि इंडियन संघातील टॉप स्कोररच्या रुपात आली व तिला यूपी वॉरियर्सने आपल्या संघात समाविष्ट केले.
तिला तेथे बॅटिंग ऑर्डरमध्ये वेगवेगळ्या ठिकाणी आजमावले गेले. ती टेक्निकली ओपनर आहे आणि यूपी मॅनेजमेंटने तिला फिनिशरच्या रुपात वापरले. अचानक तिला यष्टीरक्षक बनवण्यात आले आणि तिला सर्वोत्तम बनण्याची अपेक्षा करण्यात आली. मला वाटलं की, एका युवा खेळाडूकडून ही अपेक्षा करणं खूप जास्त होते.
मुंबई इंडियन्समध्ये श्वेताला हरमनप्रीत कौर, नॅट सायवर ब्रँट, हॅली मॅथ्यूज आणि अमेलिया केरसमवेत अनेक प्रसिद्ध आंतरराष्ट्रीय खेळाडूंसोबत खेळण्याची संधी मिळणार आहे.
.png "Videos"){kind=small}
