फोटो सौजन्य - 7Cricket सोशल मीडिया
श्रीलंका विरुद्ध ऑस्ट्रेलिया दुसरा कसोटी सामना : श्रीलंका विरुद्ध ऑस्ट्रेलिया यांच्यामध्ये सध्या मालिकेचा दुसरा कसोटी सामना सुरु आहे. यामध्ये पहिल्या इनिंगची श्रीलंकेची फलंदाजी झाली आहे. या सामन्यादरम्यान क्रिकेटच्या मैदानावर एक हाय व्होल्टेज ड्रामा पाहायला मिळाला. श्रीलंका आणि ऑस्ट्रेलिया यांच्यातील दुसरा कसोटी सामना गॉल आंतरराष्ट्रीय स्टेडियमवर सुरू आहे. या कसोटी सामन्यादरम्यान, असे काही घडले की सर्वांनाच धक्का बसला. या घटनेचा व्हिडीओ सध्या सोशल मीडियावर प्रचंड व्हायरल होत आहे.
मॅथ्यू कुहनेमन हा सामन्यात गोलंदाजी करत होता. गोलंदाजी केल्यानंतर, गोलंदाजाने अचानक नॉन-स्ट्रायकर एंडवर उभ्या असलेल्या फलंदाजाला मारले. टक्कर इतकी जोरदार होती की फलंदाज काही वेळ जमिनीवर पडून राहिला. ही घटना सामन्यादरम्यान घडली या झालेल्या घटनेचा व्हिडीओ सध्या सोशल मीडियावर मोठ्या प्रमाणात व्हायरल होत आहे.
खरंतर, ही घटना श्रीलंकेच्या पहिल्या डावातील ६१ व्या षटकात घडली. श्रीलंकेच्या पहिल्या डावात, ऑस्ट्रेलियाचा डावखुरा फिरकी गोलंदाज मॅथ्यू कुहनेमन ६१ व्या षटकात गोलंदाजी करण्यासाठी आला. त्यावेळी श्रीलंकेचा फलंदाज कुसल मेंडिस स्ट्राईकवर होता. ६१ व्या षटकात, मॅथ्यू कुह्नेमनच्या पहिल्याच चेंडूवर कुसल मेंडिसने एक धाव घेतली आणि नॉन-स्ट्रायकर एंडवर उभा राहिला. त्यानंतर मॅथ्यू कुहनेमनने दिनेश चांदीमलला ७४ धावांवर बाद केले. दिनेश चांदीमल बाद झाल्यानंतर नवीन फलंदाज रमेश मेंडिस स्ट्राईकवर आला.
Bit happening here between Kuhnemann and Kusal Mendis 😅🫣#SLvAUS pic.twitter.com/yDKW2Kiahf
— 7Cricket (@7Cricket) February 6, 2025
६१ व्या षटकात, मॅथ्यू कुहनेमनच्या तिसऱ्या चेंडूवर, रमेश मेंडिसने बचावात्मक शॉट खेळून धाव चोरण्याचा प्रयत्न केला पण अचानक काहीतरी मोठे घडले. जेव्हा रमेश मेंडिसने ऑन साईडकडे शॉट मारला तेव्हा मॅथ्यू कुहनेमन लगेच चेंडूकडे वेगाने धावला. यादरम्यान, अचानक आणि नकळतपणे नॉन-स्ट्रायकर एंडवर उभे असलेले मॅथ्यू कुहनेमन आणि कुसल मेंडिस यांच्यात जोरदार टक्कर झाली. धडकेनंतर कुसल मेंडिस काही वेळ जमिनीवर पडून राहिला. धडकेनंतर, कुसल मेंडिसला खूप वेदना होत असल्याचे दिसून आले, परंतु त्याला कोणतीही गंभीर दुखापत झाली नाही.
श्रीलंकेविरुद्धच्या दोन सामन्यांच्या कसोटी मालिकेत ऑस्ट्रेलियन संघ १-० ने आघाडीवर आहे. गॉलमध्ये खेळल्या गेलेल्या पहिल्या कसोटी सामन्यात ऑस्ट्रेलियाने श्रीलंकेचा एक डाव आणि २४२ धावांनी पराभव केला होता. दुसऱ्या कसोटी सामन्यात श्रीलंकेने नाणेफेक जिंकून प्रथम फलंदाजी करण्याचा निर्णय घेतला. हे वृत्त लिहिताना, श्रीलंकेने पहिल्या डावात ९७ षटकांत ९ गडी गमावून २५७ धावा केल्या आहेत. कुसल मेंडिस सध्या ८५ धावा करून क्रीजवर आहे.
.png "Videos"){kind=small}
