SL vs UAE: फक्त 7.5 षटके अन् गेम ओव्हर! UAE चा उडवला धुव्वा; श्रीलंकेचा T20I मधील सर्वात मोठा विजय

Sri Lanka Beat UAE by 9 wickets Women Asia cup historic win: महिला आशिया कप २०२६ च्या दुसऱ्या सामन्यात श्रीलंकेने युएईवर ९ विकेट्सने दणदणीत विजय मिळवला. हा श्रीलंकेचा टी२० आंतरराष्ट्रीय सामन्यांच्या इतिहासातील सर्वात मोठा विजय होता.

• श्रीलंकेचा ऐतिहासिक विजय
• 7.5 षटकांतच सामना खिशात
• T20I इतिहासातील सर्वात मोठा विजय

महिला आशिया कप २०२६ स्पर्धा दुबई येथे सुरु आहे. स्पर्धेच्या दुसऱ्या सामन्यात, श्रीलंकेने युएईचा ९ विकेट्सने पराभव केला. श्रीलंकेने या सामन्यात एकतर्फी विजय नोंदवून शानदार सुरुवात केली. दुबई आंतरराष्ट्रीय क्रिकेट स्टेडियमवर खेळल्या गेलेल्या या सामन्यात, श्रीलंकेने केवळ ७.५ षटकांत लक्ष्य गाठून आपल्या टी२० आंतरराष्ट्रीय इतिहासातील सर्वात मोठा विजय नोंदवला. प्रथम फलंदाजी करताना, युएईचा संघ १९.५ षटकांत केवळ ७९ धावांवर सर्वबाद झाला. प्रत्युत्तरात, श्रीलंकेने ७.५ षटकांत एक विकेट गमावून ८० धावांचे लक्ष्य पूर्ण केले.

IND vs THA: आशिया कपमध्ये आज भारताची पहिली परीक्षा! टीम इंडियासमोर थायलंडचे आव्हान; कधी, कुठे अन् किती वाजता पाहाल LIVE सामना?

युएईला ७९ धावांवर गुंडाळलं

या सामन्यात श्रीलंकेने नाणेफेक जिंकून युएईला प्रथम फलंदाजीसाठी आमंत्रित केले. प्रथम फलंदाजी करण्याचा निर्णय घेतल्यानंतर युएईची सुरुवात अत्यंत निराशाजनक झाली. सलामीवीर तीर्थ सतीश डावाच्या चौथ्याच चेंडूवर एकही धाव न काढता बाद झाली. त्यानंतर लावण्या केनी केवळ तीन धावांवर बाद झाली, ज्यामुळे संघाच्या नऊ धावांत दोन विकेट गेले. त्यानंतर कर्णधार ईशा ओझा १८ धावांवर आणि हीना होच्चंदानी १० धावांवर बाद झाल्या. संघाने केवळ ५६ धावांत पाच विकेट्स गमावले.युएईचे सात खेळाडू दुहेरी आकडा गाठण्यात अपयशी ठरले आणि संपूर्ण संघ १९.५ षटकांत ७९ धावांवर सर्वबाद झाला. दरम्यान, श्रीलंकेकडून मिताली अयोध्याने शानदार गोलंदाजी करत ३.५ षटकांत केवळ १४ धावा देऊन ३ विकेट्स घेतले. चेतना विमुक्तीनेही ३ विकेट्स आणि सुगंधिका कुमारीने २ विकेट्स घेतले.

Sri Lanka Women kick off their Asia Cup campaign in style. 🇱🇰 🏏 A brilliant 9-wicket victory over UAE to make a winning start! 💪#WomensAsiaCup #SriLankaCricket #Lionesses #SLvUAE pic.twitter.com/BJWY0E27OL — Sri Lanka Cricket 🇱🇰 (@OfficialSLC) August 29, 2026

श्रीलंकेच्या कर्णधाराची वादळी खेळी

८० धावांचे सोपे लक्ष्य गाठताना, श्रीलंकेने इमेशा दुलानी आणि कर्णधार चमारी अटापट्टू यांच्या जोरावर शानदार सुरुवात केली. आक्रमक फलंदाजी करत या जोडीने अवघ्या ५.५ षटकांत पहिल्या विकेटसाठी ५७ धावा जोडल्या. दुलानीने १८ चेंडूंमध्ये ५ चौकारांसह २५ धावा केल्या. दरम्यान, कर्णधार अटापट्टूने आक्रमक खेळी करत अवघ्या २५ चेंडूंमध्ये ७ चौकार आणि २ षटकारांसह नाबाद ४८ धावा केल्या. संजना कविंदीनेही ४ चेंडूंमध्ये नाबाद ५ धावा केल्या. अशाप्रकारे, श्रीलंकेने अवघ्या ७.५ षटकांत एक विकेट गमावून ८० धावा पूर्ण केल्या. श्रीलंकेने ७३ चेंडू शिल्लक असताना सामना जिंकला त्यांनी यूएईचा ९ विकेट्सने धुव्वा उडवला. हा त्यांचा टी२० आंतरराष्ट्रीय सामन्यांच्या इतिहासातील सर्वात मोठा विजय ठरला.

Hardik-Bumrah च्या फिटनेसवर मोठी अपडेट! अफगाणिस्तान मालिकेत मैदानावर दिसणार? प्रिन्स यादव पूर्णपणे फिट