Sunil Gavaskar Birthday : ‘लिटिल मास्टर’ झाले 76 वर्षांचे, जाणून घ्या आजपर्यंत कोणीही मोडू न शकलेले रेकाॅर्ड

'लिटिल मास्टर' म्हणून ओळखल्या जाणाऱ्या गावस्कर यांनी भारतीय क्रिकेटला अशी उंची दिली की आज जगाला विराट कोहली, रोहित शर्मा आणि शुभमन गिलसारखे खेळाडू मिळाले आहेत.

 सुनील गावस्कर यांंनी त्याच्या करिअरमध्ये केलेले रेकाॅर्ड्स : भारताच्या क्रिकेटमध्ये त्याचबरोबर जागतिक स्तरावर 80 आणि 90 चा काळ गाजवणारे लिटिल मास्टर सुनील गावस्कर हे आज त्याचा 76 वा वाढदिवस साजरा करत आहेत. त्यांनी त्याच्या करिअरमध्ये अनेक रेकाॅर्ड नावावर केले आहेत. ‘लिटिल मास्टर’ म्हणून ओळखल्या जाणाऱ्या गावस्कर यांनी भारतीय क्रिकेटला अशी उंची दिली की आज जगाला विराट कोहली, रोहित शर्मा आणि शुभमन गिलसारखे खेळाडू मिळाले आहेत.

परदेशात भारताला संघर्ष करावा लागत असताना, गावस्कर यांनी एकट्याने जगातील सर्वोत्तम गोलंदाजी स्वीकारली आणि प्रभावी विक्रम रचले. सध्या भारतासाठी बऱ्याचदा काॅमेट्री देखील करताना दिसतात. कसोटीत १०,००० धावा आणि ३४ शतके ठोकणारा तो जगातील पहिला फलंदाज होता. ५ फूट ५ इंच उंचीच्या गावस्कर यांनी त्यांच्या क्रिकेट कारकिर्दीत अनेक संस्मरणीय खेळी खेळल्या आहेत, पण आज त्यांच्या वाढदिवशी, अशा ३ विक्रमांबद्दल जाणून घेऊया जे आजपर्यंत कोणीही मोडू शकलेले नाही.

सुनील गावस्कर यांचे रेकाॅर्ड

• सुनील गावस्कर हा संघासाठी सर्वाधिक कसोटी सामने खेळणारा एकमेव फलंदाज आहे. गावस्कर यांनी भारतासाठी सलग १०६ सामने खेळले. कसोटीत संघासाठी सर्वाधिक सलग सामने खेळणारा तो जगातील चौथा फलंदाज आहे. त्याचबरोबर, भारताचा कोणताही खेळाडू आतापर्यंत इतके सलग सामने खेळू शकलेला नाही.
• गावस्कर (सुनील गावस्कर) यांनी १९७१ मध्ये वेस्ट इंडिजविरुद्धच्या पदार्पणाच्या मालिकेत ७७४ धावा केल्या. त्या मालिकेत त्यांनी १ द्विशतक, चार शतके आणि ३ अर्धशतके केली. पदार्पणाच्या मालिकेत कोणत्याही खेळाडूने केलेल्या सर्वाधिक धावांचा हा आकडा अजूनही विक्रम आहे.
• गावस्कर अशा काळात फलंदाजी करत होते जेव्हा वेगवान गोलंदाज धोकादायक बाउन्सर टाकत असत आणि हेल्मेटचा वापर केला जात नव्हता. तरीही त्यांनी १०,००० पेक्षा जास्त धावा केल्या. भारतीय कर्णधार म्हणून कसोटी मालिकेत सर्वाधिक धावा करण्याचा विक्रमही त्याच्या नावावर आहे. १९७८-७९ मध्ये वेस्ट इंडिजविरुद्ध त्याने ७३२ धावा केल्या.