Women’s World Cup: वर्ल्ड कप सेमीफायनलपूर्वी टीम इंडियात बदल! दुखापतग्रस्त प्रतिका रावलच्या जागी ‘या’ धडाकेबाज खेळाडूची एन्ट्री

प्रतिका रावल बांगलादेशविरुद्धच्या अखेरच्या लीग सामन्यात क्षेत्ररक्षण करताना जखमी झाली होती, ज्यामुळे ती स्पर्धेतून बाहेर झाली आहे. आता सेमीफायनल सामन्यापूर्वी प्रतिकाच्या जाग बदली खेळाडूची घोषणा करण्यात आली आहे.

• सेमीफायनलपूर्वी टीम इंडियात मोठे बदल!
• दुखापतग्रस्त प्रतिका रावल वर्ल्ड कपमधून बाहेर
• ‘या’ धडाकेबाज खेळाडूचा संघात समावेश

Women’s World Cup 2025: भारतीय महिला क्रिकेट संघाला आयसीसी वनडे वर्ल्ड कप २०२५ च्या दुसऱ्या सेमीफायनल सामन्यात (३० ऑक्टोबर) ऑस्ट्रेलियाचा सामना करायचा आहे. या मोठ्या लढतीपूर्वी टीम इंडियाला मोठा धक्का बसला आहे. सलामीची फलंदाज आणि उत्कृष्ट फॉर्ममध्ये असलेली प्रतिका रावल बांगलादेशविरुद्धच्या अखेरच्या लीग सामन्यात क्षेत्ररक्षण करताना जखमी झाली होती, ज्यामुळे ती स्पर्धेतून बाहेर झाली आहे. आता सेमीफायनल सामन्यापूर्वी प्रतिकाच्या जागी बदली खेळाडूच्या नावाची घोषणा करण्यात आली आहे. धडाकेबाज युवा फलंदाज शेफाली वर्मा (Shefali Verma) हिला भारतीय महिला संघाच्या वर्ल्ड कप स्क्वॉडमध्ये स्थान मिळाले आहे.See more

Shefali Verma has replaced Pratika Rawal in the Women’s World Cup. pic.twitter.com/7IOulZtCEf — Mufaddal Vohra (@mufaddal_vohra) October 27, 2025

बांगलादेशविरुद्धच्या सामन्यात प्रतिकाला दुखापत

भारतीय संघाने २६ ऑक्टोबर रोजी बांगलादेशविरुद्ध आपला शेवटचा लीग सामना खेळला, जो पावसामुळे रद्द झाला. या सामन्यात बांगलादेशच्या डावातील २१व्या षटकादरम्यान दीप्ती शर्माच्या चेंडूवर शर्मिन अख्तरने मिडविकेटच्या दिशेने शॉट मारला. हा चेंडू अडवण्यासाठी प्रतिका रावल वेगाने डावीकडे धावली, पण तिचा पाय अचानक घसरला आणि तिला दुखापत झाली.

Womens World Cup 2025 : शेवटच्या लीग सामन्यानंतर जाणून घ्या गुणतालिकेची स्थिती, वाचा सेमीफायनलचे वेळापत्रक

७ सामन्यांत ३०८ धावा ज्यात एक शतक

या दुखापतीनंतर ती प्रचंड वेदनेत दिसली आणि सपोर्ट स्टाफच्या मदतीने तिला मैदानाबाहेर घेऊन जावे लागले. आपल्या पहिल्याच वनडे वर्ल्ड कपमध्ये प्रतिका रावलने ७ सामन्यांत ३०८ धावा केल्या होत्या, ज्यात एक शतक आणि एका अर्धशतकाचा समावेश होता. तिचा हा शानदार फॉर्म पाहता, सेमीफायनलमधून बाहेर पडणे संघासाठी चिंतेची बाब आहे.

शेफाली वर्माकडे मोठी संधी

वनडे वर्ल्ड कप २०२५ साठी जेव्हा भारतीय महिला संघाची घोषणा झाली होती, तेव्हा शेफाली वर्माला ना मुख्य संघात, ना राखीव खेळाडूंच्या यादीत जागा मिळाली होती. आता प्रतिका रावलच्या जागी बदली खेळाडू म्हणून संघात सामील झालेल्या शेफालीकडे ऑस्ट्रेलियाविरुद्धच्या उपांत्य फेरीत स्वतःला सिद्ध करण्याची मोठी संधी आहे.

शेफालीचा अनुभव

शेफालीने आपला अखेरचा वनडे सामना ऑक्टोबर २०२४ मध्ये खेळला होता. तिच्या वनडे कारकिर्दीत तिने २९ सामन्यांमध्ये २३ च्या सरासरीने ६४४ धावा केल्या आहेत, ज्यात चार अर्धशतकांचा समावेश आहे. प्रतिका रावलच्या जागी सलामीला खेळण्याची संधी मिळाल्यास, शेफालीकडे टीम इंडियाला आक्रमक सुरुवात देऊन विश्वचषकाच्या फायनलमध्ये नेण्याची जबाबदारी असेल.

Sophie Devine Announced Retirement: न्यूझीलंडची कर्णधार सोफी डिव्हाईनचा वनडे क्रिकेटला अलविदा! वर्ल्ड कपमधून पत्ता कट होताच भावूक