TEN x U welcomes Ayush Mhatre as Under-19 captain! He will lead the grassroots cricket initiative
मुंबई : टीईएन x यू (TEN x YOU) या क्रीडा आणि ॲथलीजर ब्रँडने, नुकतीच भारतीय १९ वर्षांखालील क्रिकेट संघाचा कर्णधार आयुष म्हात्रे याच्यासोबत भागीदारी जाहीर केली आहे. ही भागीदारी भारतातील तळागाळातील क्रिकेटमधून उदयास येत असलेल्या आशादायक खेळाडूंना ओळखण्यासाठी आणि त्यांना पाठिंबा देण्यासाठी असलेल्या ब्रँडच्या दीर्घकाळच्या वचनबद्धतेला अधिक बळकटी देणारी असल्याचे सांगण्यात येत आहे. मास्टर ब्लास्टर सचिन तेंडुलकर (मुख्य इनस्पिरेशन अधिकारी), कार्तिक गुरुमूर्ती (मुख्य कार्यकारी अधिकारी) आणि करण अरोरा (मुख्य परिचालन अधिकारी) यांच्या सह-संस्थापनाचा हा ब्रँड देशाच्या मजबूत अकादमी नेटवर्कमधून पुढे आलेल्या खेळाडूंकडून मिळालेल्या प्रामाणिक आणि खऱ्या माहितीच्या आधारावर आपली ओळख सातत्याने तयार करत आहे.
भारतीय क्रिकेटच्या मूलभूत स्तरांशी घट्ट जोडलेले राहण्याच्या आपल्या ध्येयानुसार, टीईएन x यू (TEN x YOU) ने एमआयजी क्रिकेट क्लब, एसआरआर टी-१० अकादमी, क्रिकेट अकादमी ऑफ पठाण्स आणि उत्तम मजुमदार क्रिकेट सेंटर यांसारख्या अग्रगण्य अकादमींसोबत मजबूत भागीदारी प्रस्थापित केली आहे. या संस्था उदयोन्मुख खेळाडूंना आकार देणारी महत्त्वाची प्रशिक्षण केंद्रे म्हणून काम करतात, तसेच ब्रँडच्या कार्यक्षमतेला प्रथम स्थान देणाऱ्या, उत्पादन विकास दृष्टिकोनासाठी उपयुक्त अशी अर्थपूर्ण माहिती देखील प्रदान करतात.
हेही वाचा : IND vs SA : गौतम गंभीर माझा नातेवाईक नाही… दुसऱ्या अपमानास्पद पराभवानंतर आर. अश्विनने का केले असे विधान?
टीईएन x यू (TEN x YOU) च्या ॲथलीट इकोसिस्टममध्ये (खेळाडूंच्या समूहांमध्ये) आयुषचे स्वागत करताना, टीईएन x यू चे मुख्य कार्यकारी अधिकारी आणि सह-संस्थापक कार्तिक गुरुमूर्ती म्हणाले, “आयुषचा विरार ते आयपीएलपर्यंतचा आणि आता १९ वर्षांखालील (U-19) पुरुष भारतीय क्रिकेट संघाच्या कर्णधारपदापर्यंतचा प्रवास हा त्याच्या प्रतिभा, लवचीकता आणि चिकाटीचा परिणाम आहे. आयुष अशा नवीन पिढीतील खेळाडूंचे प्रतिनिधित्व करतो, जो आपल्याला आठवण करून देतो की खेळ केवळ जिंकण्याबद्दल नसून, तो खेळाबद्दलची पॅशन आणि आनंदाबद्दल आहे. आम्ही तरुणांना खेळणे कधीही न थांबवण्याची, आयुषसारख्याच निर्धाराची, त्यांच्या स्वप्नांचा पाठलाग करण्याची प्रेरणा देऊ इच्छितो आणि प्रत्येकाला आठवण करून देऊ इच्छितो की, मैदानात असो वा मैदानाबाहेर, खेळाचे खरे सार त्यात मिळणाऱ्या आनंदात आहे.”
आपला उत्साह व्यक्त करताना, भारतीय १९ वर्षांखालील क्रिकेट संघाचा कर्णधार आयुष म्हात्रे म्हणाला, “विरारहून सरावासाठी लांब ट्रेन प्रवास करण्याच्या दिवसांपासून ते आता भारताच्या १९ वर्षांखालील संघाचे नेतृत्व करण्यापर्यंत, माझा प्रवास कधीही हार न मानणे आणि प्रत्येक खेळात नेहमी आनंद शोधणे याबद्दल राहिला आहे. प्रत्येक टप्प्याने मला आठवण करून दिली आहे की क्रिकेट केवळ विक्रमांबद्दल नसून, तो मनातील अनेक आशा, मिळणारे धडे आणि खेळातून मिळणाऱ्या आनंदाबद्दल आहे. टीईएन x यू ची तळागाळातील क्रिकेटप्रती असलेली बांधिलकी माझ्यासाठी वैयक्तिक आहे, कारण ती माझ्या स्वतःच्या प्रवासाला आरसा दाखवते. तरुण खेळाडूंना त्यांची स्वप्ने पूर्ण करण्यासाठी, खेळणे कधीही न थांबवण्यासाठी आणि त्यांना या खेळाबद्दल पहिल्यांदा प्रेम का वाटले, हे नेहमी आठवून देण्यासाठी प्रेरणा देणाऱ्या या भागीदारीचा भाग असल्याचा मला अभिमान आहे.”
आयुषचे व्यावसायिक प्रशिक्षक प्रशांत शेट्टी यांनी पुढे सांगितले, “आयुष आणि खुद्द सचिन तेंडुलकर यांनीही हे दाखवून दिले आहे की, योग्य मार्गदर्शन आणि अथक प्रयत्नांनी, कोणत्याही पार्श्वभूमीतील तरुण खेळाडू सर्वोच्च स्तरावर पोहोचू शकतात. अकादमी स्तरावर खेळाडूंचे संगोपन करण्यावर टीईएन x यू चे लक्ष केंद्रित असणे, हेच भारतीय क्रिकेटला जागतिक दर्जाचे खेळाडू सतत निर्माण करण्यासाठी आवश्यक आहे.”
ही भागीदारी केवळ टीईएन x यू चे तळागाळातील क्रिकेटशी असलेले नाते अधिक दृढ करत नाही, तर नवनवीन डिझाइनच्या निर्मितीत खेळाडूंचे अनुभव समाविष्ट करणे, अकादमींशी जवळून जोडले जाणे आणि खेळाडूंच्या पुढील पिढीला प्रेरणा देणे या ब्रँडच्या व्यापक दृष्टिकोनालाही बळकटी देते. तसेच, ही भागीदारी प्रशिक्षक आणि मार्गदर्शक केवळ कुशल खेळाडू म्हणून नव्हे, तर शिस्तबद्ध, जमिनीवर पाय असलेले आणि लवचीक प्रेरणास्थान म्हणून तरुण खेळाडूंना आकार देण्यात जी महत्त्वाची भूमिका बजावतात, त्यावरही जोर देते. त्यांचे सततचे मार्गदर्शन, भावनिक गुंतवणूक आणि तांत्रिक कौशल्ये प्रत्येक खेळाडूच्या प्रवासाचा मुख्य आधार तयार करतात, ज्यामुळे क्षमतेचे रूपांतर उत्कृष्टतेत होते. यशाच्या या सक्षम करणाऱ्या घटकांना ठळकपणे मांडून, ही भागीदारी टीईएन x यू च्या या विश्वासाची पुष्टी करते की, प्रत्येक विजेता एका मजबूत रचनेतून घडवला जातो, जी मैदानात आणि मैदानाबाहेर अशा दोन्ही ठिकाणी प्रतिभेचे संगोपन करते.
सचिन तेंडुलकर हा ब्रँडचा चेहरा म्हणून, आणि प्रशांत शेट्टी यांच्यासारखे मार्गदर्शक आयुष म्हात्रे आणि जेमिमा रॉड्रिग्स यांच्यासारख्या विजेत्यांना आकार देत असल्यामुळे, टीईएन x यू भारताच्या क्रिकेट भविष्याचे संगोपन करणारी विश्वसनीय, माहिती-आधारित कार्यक्षमता असलेली परिसंस्था तयार करणे सुरू ठेवत आहे.
.png "Videos"){kind=small}
