Asia cup 2025 : ४१ वर्षांत प्रथमच IND VS PAK अंतिम सामन्याचा थरार! जाणून घ्या आशिया कपचा इतिहास 

आशिया कप स्पर्धेत अंतिम सामन्यात भारत आणि पाकिस्तान आमनेसामने येणार आहे. आशिया कप स्पर्धेतील ४१ वर्षाच्या इतिहासात प्रथमच आमनेसामने येणार आहेत. त्यामुळे या सामन्याची रंगत वाढली आहे.

• आशिया कप स्पर्धेत पहिल्यांदाच भारत आणि पाकिस्तान अंतिम सामन्यात आमनेसामने 
• ४१ वर्षांच्या इतिहासात प्रथमच दोन पारंपारिक प्रतिस्पर्धी अंतिम सामन्यात
• अंतिम सामना २८ सप्टेंबर रोजी खेळवण्यात येणार 

Asia cup 2025 : आशिया कप स्पर्धा अंतिम टप्प्यात आली आहे.  आज शेवटचा सुपर ४ सामना भारत आणि  श्रीलंका यांच्यात खेळला जाणार आहे. भारत आणि पाकिस्तान हे दोन संघ अंतिम फेरीत पोहचले आहेत. अंतिम सामना २८ सप्टेंबर रोजी दुबई आंतरराष्ट्रीय क्रिकेट स्टेडियमवर खेळवण्यात येणार आहे. जिथे भारत आणि पाकिस्तान आमनेसामने असणार आहेत. हा प्रसंग खूप खास असणार आहे. कारण आशिया कपच्या ४१ वर्षांच्या इतिहासात प्रथमच दोन पारंपारिक प्रतिस्पर्धी अंतिम सामन्यात लढत देणार आहेत.

आशिया कपची सुरुवात १९८४ मध्ये झाली आणि सध्याचा आशिया कपचा हा  १७ वा हंगाम आहे. ही स्पर्धा तिसऱ्यांदा टी२० स्वरूपात खेळवली जात आहे. यापूर्वी, २०१६ आणि २०२२ मध्ये ही स्पर्धा टी २० स्वरूपात खेळवली गेली होती. आता क्रिकेट प्रेमींना भारत आणि पाकिस्तान यांच्यातील थरार अनुभवायला मिळणार आहे.

हेही वाचा : रोहित शर्माने फोडली डरकाळी! तब्बल १० किलो वजन कमी करून दाखवला दमल; पहा हिटमॅनचे फोटो

आशिया कपचा इतिहास जाणून घेऊया..

• १९८४ मध्ये युएईमध्ये खेळलेला पहिला आशिया कप श्रीलंकेला पराभूत करत भारताने जिंकला.
• १९८६ मध्ये श्रीलंकेने पाकिस्तानला धूळ चारत विजेतेपद पटकावले होते.
• १९८८ मध्ये बांगलादेशमध्ये झालेल्या तिसऱ्या आशिया कपमध्ये भारताने पुन्हा श्रीलंकेला हरवून या स्पर्धेचे जेतेपद  जिंकले होते.
• १९९० मधील चौथ्या आशिया कप स्पर्धेत भारताने पुन्हा श्रीलंकेला हरवून विजेतेपद पटकावले.
• १९९५ मध्ये युएईमध्ये झालेल्या पाचव्या आवृत्तीत भारताने श्रीलंकेलाही हरवले.
• १९९७ मध्ये श्रीलंकेने पुनरागमन करत भारताला हरवून त्यांचा सहावा आशिया कप जिंकला होता.
• २००० मध्ये बांगलादेशमध्ये झालेल्या सातव्या आशिया कपमध्ये, पाकिस्तानने श्रीलंकेला पराभूत करून पहिले विजेतेपद जिंकले.
• २००४ मध्ये श्रीलंकेने भारताला हरवून विजेतेपद जिंकले.
• २००८ मध्ये पाकिस्तानमध्ये खेळण्यात आलेल्या स्पर्धेत, श्रीलंकेने भारताला हरवून विजय मिळवला होता.
• २०१० मध्ये भारता श्रीलंकेला हरवून विजेतेपद जिंकले.
• २०१२ मध्ये बांगलादेशमध्ये खेळल्या गेलेल्या आशिया कपमध्ये पाकिस्तानने बांगलादेशला हरवून विजेतेपद पटकावले.
• २०१४ मध्ये श्रीलंकेने पाकिस्तानला पराभूत करून आशिया कप जिंकला होता.
• २०१६ मध्ये ही स्पर्धा पहिल्यांदाच टी२० स्वरूपात खेळली गेली, या वेळी भारताने बांगलादेशला हरवून विजेतेपद पटकावले.
• २०१८ मध्ये युएईमध्ये झालेल्या आशिया स्पर्धेत भारताने बांगलादेशला हरवून विजेतेपद जिंकले होते.
• २०२२ मध्ये, आशिया कप दुसऱ्यांदा टी२० स्वरूपात खेळला गेला. ज्यामध्ये श्रीलंकेने पाकिस्तानला पराभूत केले होते.
• २०२३ मध्ये आशिया कप स्पर्धा पाकिस्तान आणि श्रीलंकेने संयुक्तपणे आयोजित केला होता. ज्यामध्ये  भारताने श्रीलंकेला हरवून विजेतेपद जिंकले होते.

भारत-पाकिस्तान अंतिम सामन्याचा थरार

भारत आशिया कप स्पर्धेत अव्वल राहीला आहे. आशिया कप स्पर्धेत भारत आणि  पाकिस्तान अनेक वेळा एकमेकांसमोर आले असले तरी, या दोन संघात आजवर आशिया कप इतिहासात कधीच  अंतिम सामना खेळला गेला नाही. म्हणूनच २०२५ चा अंतिम सामना ऐतिहासिक सामना असणार आहे कारण भारत आणि पाकिस्तान ४१ वर्षात पहिल्यांदा अंतिम सामन्यात आमनेसामने आले आहेत.

हेही वाचा : तस्किन अहमदने रचला इतिहास! बांगलादेशसाठी टी२० क्रिकेटमध्ये केला ‘हा’ भीम पराक्रम