‘मी कधीही हार मानत नाही’, टीम इंडियामध्ये परतण्याची अजूनही आशा! 36 वर्षीय अजिंक्य रहाणेचा निवडकर्त्यांना स्पष्ट मेसेज

अजिंक्य रहाणेने या सीझनमध्ये चांगली कामगिरी केली आहे पण त्याला संघाची साथ मिळाली नाही. ३६ वर्षीय खेळाडूने २०२३ मध्ये शेवटचा कसोटी सामना खेळला होता परंतु त्याने राष्ट्रीय संघात पुनरागमन करण्याचा प्रयत्न सोडलेला नाही.

अजिंक्य रहाणे : आयपीएलचे आतापर्यत ५० सामने झाले आहेत यामध्ये मुंबई इंडियन्स, रॉयल चॅलेंजर्स बंगळुरू त्याचबरोबर गुजरात टायटन्स हे संघ सध्या या सीझनमध्ये कमालीची कामगिरी करताना दिसत आहेत. मागील वर्षाचा चॅम्पियन संघ या सीझनमध्ये विशेष छाप सोडली नाही. संघ या सीझनमध्ये सातत्याने पराभवाचा सामना करावा लागला आहे. या वर्षी कोलकाता नाईट राइडर्सचे कर्णधारपद अजिंक्य रहाणेच्या हातामध्ये सोपवण्यात आले आहे. अजिंक्य रहाणेने या सीझनमध्ये चांगली कामगिरी केली आहे पण त्याला संघाची साथ मिळाली नाही. ३६ वर्षीय खेळाडूने २०२३ मध्ये शेवटचा कसोटी सामना खेळला होता आणि जवळजवळ एक दशकापासून मर्यादित षटकांच्या संघाबाहेर आहे, परंतु त्याने राष्ट्रीय संघात पुनरागमन करण्याचा प्रयत्न सोडलेला नाही.

एका अर्थाने त्याने निवडकर्त्यांना तो उपलब्ध असल्याचा संदेश दिला आहे. त्याच्या नावाचा विचार करायला हवा. कोलकाता नाईट रायडर्सचा कर्णधार अजिंक्य रहाणे शुक्रवारी म्हणाला की, गेल्या दोन वर्षांपासून राष्ट्रीय संघाबाहेर असूनही, भारतासाठी खेळण्याची त्याची इच्छा आणि भूक पूर्वीसारखीच आहे.

रहाणेने स्टार स्पोर्ट्स प्रेस रूममध्ये सांगितले की, ‘मला पुन्हा भारतीय संघात स्थान मिळवायचे आहे. माझी इच्छा, भूक, आवड पूर्वीसारखीच आहे. मी अजूनही पूर्वीसारखाच तंदुरुस्त आहे. मला एका वेळी फक्त एकाच सामन्यावर लक्ष केंद्रित करायचे आहे आणि सध्या माझे लक्ष फक्त आयपीएलवर आहे. यानंतर भविष्यात काय होते ते पाहूया. पुढे तो म्हणाला, ‘मी असा माणूस आहे जो कधीही हार मानत नाही. मी नेहमीच मैदानावर माझे सर्वोत्तम देण्याचा प्रयत्न करतो. मी मैदानावर १०० टक्क्यांहून अधिक देतो. ते माझ्या नियंत्रणात असलेल्या गोष्टींशी संबंधित आहे. मी देशांतर्गत क्रिकेट देखील खेळत आहे आणि सध्या मी माझ्या क्रिकेटचा खरोखर आनंद घेत आहे.

“आदर मिळवला जातो”, राजस्थान रॉयल्सच्या स्टारने रोहित शर्माला केले नमन; Video Viral

रहाणेचा सर्वात मोठा गौरवाचा क्षण कदाचित २०२०-२१ चा ऑस्ट्रेलिया दौरा होता, ज्यामध्ये त्याने दुखापतग्रस्त संघाचे नेतृत्व करत भारताला २-१ ने कसोटी मालिका जिंकून दिली. तथापि, त्यानंतर तो बराच काळ भारतीय संघाचा भाग नव्हता. तो म्हणाला, ‘रोज सकाळी जेव्हा मी उठतो तेव्हा मला कोणती ध्येये साध्य करायची आहेत याचा विचार करत राहतो. माझ्यासाठी, माझ्या देशाचे प्रतिनिधित्व करण्यापेक्षा काहीही महत्त्वाचे नाही. मला पुन्हा एकदा भारतीय जर्सी घालायची आहे . जेव्हा कोणतीही स्पर्धा सुरू नसते तेव्हा मी दिवसातून दोन ते तीन सत्रांचा सराव करतो. मला वाटतं की सध्या स्वतःला तंदुरुस्त ठेवणे माझ्यासाठी खरोखर महत्वाचे आहे.

रहाणे म्हणाला, ‘मी माझ्या आहाराकडेही लक्ष देत आहे. भारतासाठी चांगली कामगिरी करण्याची प्रेरणा पूर्वीसारखीच आहे. सर्वात महत्त्वाचे म्हणजे मी पूर्वीइतकाच खेळाचा आनंद घेत आहे. मला खेळाची आवड आहे. मला अजूनही खेळ आवडतो.