IND W vs SA W Final: विजेतेपदासाठी संघर्ष अटळ! दक्षिण आफ्रिकेच्या ‘हे’ चार खेळाडू भारतासाठी ठरु शकतात ‘खलनायक’

भारताने सेमीफायनलमध्ये ऑस्ट्रेलियाला तर दक्षिण आफ्रिकेने इंग्लंडला हरवून अंतिम फेरीत धडक मारली आहे. दोन्ही संघ उत्कृष्ट फॉर्ममध्ये असले तरी, विश्वविजेतेपदाचा खिताब जिंकणे भारतीय संघासाठी सोपे राहणार नाही.

दक्षिण आफ्रिकेच्या 'हे' चार खेळाडू भारतासाठी ठरु शकतात 'खलनायक' (Photo Credit - X)

Follow Us

Follow Us:

• महिला वर्ल्ड कप जिंकणे सोपे नाही!
• दक्षिण आफ्रिकेचे ‘हे’ ४ धोके तोडू शकतात टीम इंडियाचे स्वप्न
• जाणून घ्या कोण आहे ते….

दक्षिण आफ्रिकेचे चार प्रमुख धोके:

१. कर्णधार लॉरा वोल्वार्ड्ट (Laura Wolvaardt)

दक्षिण आफ्रिकेची कर्णधार लॉरा वोल्वार्ड्ट सध्या जबरदस्त फॉर्ममध्ये आहे. तिने आतापर्यंत खेळलेल्या आठ डावांमध्ये ६७.१४ च्या सरासरीने ४७० धावा केल्या आहेत. सेमीफायनलमध्ये तिने इंग्लंडविरुद्ध १६९ धावांची शानदार खेळी केली. याशिवाय, उपांत्य फेरीपूर्वी तिने श्रीलंकेविरुद्ध नाबाद ६० आणि पाकिस्तानविरुद्ध ९० धावा केल्या होत्या. भारतीय गोलंदाजांना लॉरा वोल्वार्ड्टला लवकरात लवकर बाद करणे आवश्यक आहे, अन्यथा ती एक महत्त्वाची अडचण ठरू शकते.

२. विश्वचषकातील सर्वात यशस्वी गोलंदाज मॅरिझन कॅप (Marizanne Kapp)

दक्षिण आफ्रिकेची वेगवान गोलंदाज मॅरिझन कॅप ही केवळ गोलंदाजीच नव्हे, तर अष्टपैलू म्हणूनही धोकादायक आहे. इंग्लंडविरुद्धच्या उपांत्य फेरीत तिने पाच बळी घेतले. तिने आतापर्यंत आठ सामन्यांमध्ये १२ बळी घेतले असून, ती या एकदिवसीय विश्वचषकातील सर्वाधिक बळी घेणारी गोलंदाज देखील आहे.