पहलगाम येथे झालेल्या हल्ल्यानंतर पाकिस्तान आणि भारत यांच्यामध्ये तणावाचे वातावरण वाढत चालले आहे. त्यानंतर अनेक दिवस भारतामध्ये पाकिस्तानी युट्युब वर त्याच बरोबर सोशल मीडिया स्टारला देखील बॅन करण्यात आले होते. वर्ल्ड चॅम्पियनशिप ऑफ लिजेंड्स लीगमधील भारत पाकिस्तान सामना देखील रद्द करण्यात आला. पाकिस्तान संघ भारतात येण्यास घाबरत आहे. शेजारी देशाने आशिया कपमध्ये आपला हॉकी संघ पाठवण्यास नकार दिला आहे.
पाकिस्तान हॉकी फेडरेशनने आंतरराष्ट्रीय हॉकी फेडरेशनला एक पत्र लिहिले आहे, ज्यामध्ये त्यांनी म्हटले आहे की ते त्यांचा संघ भारतात पाठवणार नाहीत. पाकिस्तानचे म्हणणे आहे की त्यांच्या खेळाडूंना भारतात धोका आहे आणि ते खेळाडूंच्या सुरक्षेबाबत कोणताही धोका पत्करू इच्छित नाहीत. पहलगाममध्ये भारतीय पर्यटकांवर झालेल्या हल्ल्यानंतर दोन्ही देशांमधील संबंध खूपच कटु झाले आहेत हे लक्षात घेण्यासारखे आहे.
भारत सरकारने सुरू केलेल्या ‘ऑपरेशन सिंदूर’ नंतर शेजारील देश प्रचंड नाराज झाला. यानंतर भारत आणि पाकिस्तानने क्रीडा क्षेत्रातही एकमेकांवर बहिष्कार टाकण्याची घोषणा केली होती. अलिकडेच इंग्लंडच्या भूमीवर खेळल्या जाणाऱ्या वर्ल्ड चॅम्पियनशिप ऑफ लीजेंड्स २०२५ मध्ये भारतीय खेळाडूंनी पाकिस्तानविरुद्ध सामना खेळण्यास नकार दिला, ज्यामुळे सामना रद्द करावा लागला.
पाकिस्तान हॉकी फेडरेशनने आंतरराष्ट्रीय हॉकी महासंघ तसेच आशियाई हॉकी फेडरेशनला पत्र लिहून म्हटले आहे की ते आपला संघ भारतात पाठवणार नाही असे स्पष्ट सांगितले. पाकिस्तानने म्हटले आहे की जर त्यांचे खेळाडू भारतात गेले तर त्यांना धोका आहे आणि सुरक्षेच्या कारणास्तव ते आपला संघ शेजारच्या देशात पाठवू शकणार नाहीत. पाकिस्तान हॉकी फेडरेशनचे प्रमुख तारिक बुगती यांनी सांगितले आहे की त्यांनी दोन्ही देशांमधील बिघडलेल्या परिस्थिती लक्षात घेता एफआयएच आणि एएचएफला पत्र लिहिले आहे.
त्यांनी फेडरेशनला कळवले आहे की त्यांचा हॉकी संघ २०२५ च्या आशिया कपमध्ये सहभागी होण्यासाठी भारतात जाऊ इच्छित नाही. यावेळी 2025 मध्ये भारत हॉकी आशिया कपचे आयोजन करणार आहे. ही स्पर्धा २७ ऑगस्टपासून सुरू होणार आहे आणि अंतिम सामना ७ सप्टेंबर रोजी खेळवला जाणार आहे.
“I believe that going to India at this time is not without danger,”
said Pakistan hockey team captain @AmmadButt96 about the Asia Cup Hockey Tournament in India. #AsiaCupHockey pic.twitter.com/LmRgqhE2CF— Sohail Imran (@sohailimrangeo) July 19, 2025
इंग्लंडच्या भूमीवर वर्ल्ड चॅम्पियनशिप ऑफ लीजेंड्स स्पर्धा आयोजित केली जात आहे. आंतरराष्ट्रीय क्रिकेटमधून निवृत्त झालेले खेळाडू या लीगमध्ये सहभागी होत आहेत. स्पर्धेच्या वेळापत्रकानुसार, भारत आणि पाकिस्तान २० जुलै रोजी सामना होणार होता, ज्याची सर्वांनाच आतुरतेने वाट पाहावी लागली होती. तथापि, सामन्याच्या फक्त एक दिवस आधी अनेक भारतीय खेळाडूंनी पाकिस्तानविरुद्ध खेळण्यास नकार दिला, त्यानंतर सामना रद्द करावा लागला.
.png "Videos"){kind=small}
