US Open 2026 मध्ये दिग्गजांना मोठा धक्का! सेरेना-अल्काराझचा पराभव; जोकोविच-सबालेन्काही पहिल्याच फेरीत गारद

Us Open 2026 Serena-Alcaraz Djokovic- Sabalenka out: नोव्हाक जोकोविच आणि आर्यना सबालेन्का यांची जोडी यूएस ओपनच्या पहिल्याच फेरीत बाहेर पडली. दरम्यान, सेरेना विल्यम्स आणि कार्लोस अल्काराझ यांच्या जोडीलाही उपांत्यपूर्व फेरीत पराभवाला सामोरे जावे लागले.

• US Open मध्ये मोठा उलटफेर
• सेरेना-अल्काराझ जोडीचा पराभव
• जोकोव्हिच-सबालेंकालाही धक्का

न्यूयॉर्कमध्ये वर्षातील शेवटची ग्रँड स्लॅम स्पर्धा, यूएस ओपन ( US Open 2026) सुरू झाली आहे. याची सुरुवात मिश्र दुहेरीच्या सामन्याने झाली. न्यूयॉर्कमधील आर्थर ॲश स्टेडियमवर झालेल्या यूएस ओपन मिश्र दुहेरी स्पर्धेच्या उपांत्यपूर्व फेरीत सेरेना विल्यम्स आणि कार्लोस अल्काराझ या स्टार जोडीला फ्लॅविओ कोबोली आणि बेलिंडा बेन्सिक यांच्याकडून ५-४(४), ४-१ असा पराभव पत्करावा लागला. या पराभवामुळे या अमेरिकन दिग्गज खेळाडूचे तीन वर्षांनंतर यूएस ओपनमधील पुनरागमन संपुष्टात आले.दरम्यान, नोव्हाक जोकोविच आणि आर्यना सबालेन्का यांना देखील पहिल्याच फेरीत पराभवाला सामोरे जावे लागले.

Cricket News: देशांतर्गत क्रिकेटमध्ये आणखी एका संघाची भर? अंदमान-निकोबारबाबत BCCI घेणार मोठा निर्णय

सेरेना आणि अल्काराझ उपांत्यपूर्व फेरीत पराभूत

सेरेना विल्यम्स आणि कार्लोस अल्काराझने, आपल्या सलामीच्या सामन्यात एरिन राउटलिफ आणि लॉईड ग्लासपूल यांचा ५-३, ४-१ असा पराभव करून उपांत्यपूर्व फेरीत प्रवेश केला. उपांत्यपूर्व फेरीत सेरेना आणि अल्काराझ यांचा सामना बेलिंडा बेन्सिक आणि फ्लाविओ कोबोली यांच्याशी झाला. बेन्सिक आणि कोबोली यांनी पहिला सेट टाय-ब्रेकरमध्ये जिंकला आणि त्यानंतर दुसरा सेट ४-१ ने जिंकून सामना आपल्या नावावर केला.

पहिला सेट जिंकल्यानंतर कोबोली आणि बेन्सिच यांनी कोणतीही चूक केली नाही आणि अत्यंत प्रभावी कामगिरी करत तो सेट ४-१ ने जिंकला. या विजयासह, कोबोली आणि बेन्सिच यांनी लोकप्रिय सेरेना आणि अल्काराझ जोडीच्या बहुप्रतिक्षित विजयाचा शेवट केला. आता उपांत्य फेरीत त्यांचा सामना पती-पत्नी जोडी एलिना स्वितोलिना आणि गेल मॉनफिल्स यांच्याशी होईल.

सेरेनाचे तीन वर्षांनंतर आर्थर ॲश स्टेडियमवर कमबॅक

४४ वर्षीय सेरेना विल्यम्सने २०२२ मध्ये टेनिसमधून निवृत्ती घेतल्यानंतर पहिल्यांदाच यूएस ओपनमध्ये पुनरागमन केले. तीन वर्षांनंतर, जेव्हा ती आर्थर ॲश स्टेडियमवर परतली, तेव्हा प्रेक्षकांनी टाळ्यांचा कडकडाट आणि घोषणांनी तिचे स्वागत केले. खचाखच भरलेल्या स्टेडियमने सेरेनाच्या पुनरागमनाचा एका चॅम्पियनप्रमाणे जल्लोष केला. सेरेना म्हणाली, ‘इथे उभे राहणे नेहमीच छान वाटते. मी या कोर्टवर परत येईन असे मला कधीच वाटले नव्हते.’ हा सामना अल्काराझसाठीही खास होता. दुखापतीमुळे तो एप्रिलपासून खेळला नव्हता.

जोकोविच आणि सबालेन्काही स्पर्धेतून बाहेर

केवळ सेरेना आणि अल्काराझच नव्हे, नोव्हाक जोकोविच आणि आर्यना सबालेन्का हे देखील स्पर्धेतून बाहेर पडले. नोव्हाक जोकोविच आणि आर्यना सबालेन्का त्यांच्या एकेरी क्रमवारीनुसार स्पर्धेतील अव्वल मानांकित खेळाडू होते. परंतु, पहिल्याच फेरीत कॅटेरिना सिनियाकोव्हा आणि हेन्री पॅटन यांनी त्यांना १-४, ४-२, १०-२ ने पराभूत केले. जोकोविच आणि सबालेन्का यांनी सामन्याची चांगली सुरुवात केली. त्यांनी पहिला सेट अवघ्या १२ मिनिटांत ४-१ ने जिंकला. दुसऱ्या सेटमध्येही त्यांनी सुरुवातीलाच आघाडी घेतली. मात्र, सिनियाकोव्हा आणि पॅटन यांनी पुनरागमन करत तो सेट ४-२ ने जिंकला. त्यानंतर सामना सुपर टाय-ब्रेकरमध्ये गेला. परंतु, सिनियाकोव्हा आणि पॅटन यांनी दुसऱ्या सेटमधील आपला वेग कायम ठेवत तो १०-२ ने जिंकला. पहिला सेट सहज जिंकूनही, जोकोविच-सबालेन्का जोडी पहिल्याच फेरीत बाहेर पडली. सबालेन्का ही दोन वेळा यूएस ओपन महिला विजेती आहे, तर जोकोविचने २४ ग्रँड स्लॅम विजेतेपदे पटकावली आहेत.

Hockey World Cup 2026: भारताचे वर्ल्ड कप स्वप्न भंगले! अर्जेंटिनाकडून दारुण पराभव; टीम इंडिया सेमीफायनलच्या शर्यतीतून बाहेर