Virat Kohli: विराटचा ‘क्लास’ रेकॉर्ड; T-20 मध्ये सर्वाधिक षटकार मारणारा ठरला एकमेव फलंदाज

आज आयपीएलमध्ये रॉयल चॅलेंजर्स बंगळुरू विरुद्ध चेन्नई सुपर किंग्ज यांच्यात सामना सुरू आहे. दरम्यान या सामन्यात चेस मास्टर विराट कोहलीने एक जबरदस्त रेकॉर्ड केला आहे.

CSK Vs RCB: आज आयपीएलमध्ये रॉयल चॅलेंजर्स बंगळुरू विरुद्ध चेन्नई सुपर किंग्ज यांच्यात सामना सुरू आहे. दरम्यान या सामन्यात चेस मास्टर विराट कोहलीने एक जबरदस्त रेकॉर्ड केला आहे. एकाच टीमसाठी टी-20 मध्ये सर्वाधिक षटकार मारणारा एकमेव फलंदाज ठरला आहे. विराट कोहलीने आतापर्यंत रॉयल चॅलेंजर्स बंगलोरसाठी तब्बल 300 षटकार मारले आहेत.

विराट कोहलीने हा रेकॉर्ड बंगळुरू स्टेडियमवर चेन्नई सुपर किंग्जविरुद्ध केला आहे. सामन्यातील तिसऱ्या ओव्हरमध्ये त्याने दोन षटकार मारून हा रेकॉर्ड केला आहे . विराट कोहलीने पहिलं षटकार मारल्यावर 300 सिक्स मारण्याचा रेकॉर्ड केला. त्यानंतर त्याने अजून एक सिक्स मारला. आता विराट कोहलीने रॉयल चॅलेंजर्स बंगलोरसाठी 301 सिक्स मारले आहेत.

आयपीएल 2025 च्या 18 व्या हंगमंत आतापर्यंत 51 सामने खेळवण्यात आले आहेत. गुणतालिकेत मोठे उलटफेर बघायला मिळत आहेत. गुरुवारी सवाई मानसिंग स्टेडियमवर झालेल्या मुंबई इंडियन्सकडून १०० धावांनी पराभव पत्करावा लागला. त्यामुळे, राजस्थान रॉयल्स आयपीएल २०२५ च्या प्लेऑफच्या शर्यतीतून बाहेर गेला आहे. हा पराभव आरआरचा ११ सामन्यांमधील  तब्बल ८ वा पराभव ठरला.

प्रथम फलंदाजी करताना एमआयने २ बाद २१७ धावा केल्या. प्रत्युत्तरादाखल, आरआर १७व्या षटकात ११७ धावांवर गारद झाला. सर्वांच्या नजरा वैभव सूर्यवंशीवर होत्या, जो दीपक चहरच्या गोलंदाजीवर शून्यावर बाद झाला. एमआयने सलग सहावा विजय नोंदवला. या पराभवासह, आरआर आयपीएल २०२५ मधून बाहेर पडणारा चेन्नई सुपर किंग्जनंतरचा दुसरा संघ बनला आहे. याशिवाय, इतर संघ अजून देखील प्लेऑफच्या स्पर्धेत टिकून आहेत.

• मुंबई इंडियन्स : गुणतालिकेत अव्वल स्थान काबिज करणाऱ्या संघाला उर्वरित तीन सामन्यांपैकी फक्त एका विजयाची आवश्यकता आहे. एमआयचा सर्वोत्तम नेट रन रेट (एनआरआर) +१.२७४ आहे. आता त्यांना त्यांच्या उर्वरित सामन्यांमध्ये गुजरात टायटन्स, पंजाब किंग्ज आणि दिल्ली कॅपिटल्सचा सामना करावा लागणार आहे.

हेही वाचा : कोहली-धोनीच्या शेवटच्या आयपीएल लढतीत पाऊस खलनायक ठरेल का? RCB vs CSK सामना वाया गेला तर…

• रॉयल चॅलेंजर्स बंगळुरू: आरसीबी शेवटच्या चार लीग स्टेज सामन्यांमध्ये एक विजय मिळवून प्लेऑफसाठी पात्र ठरू शकते. आरसीबीचा एनआरआर +०.५१२ आहे. आरसीबी आता उर्वरित सामन्यांमध्ये सीएसके, एलएसजी, एसआरएच आणि केकेआरशी सामना करेल.
• पंजाब किंग्ज : प्लेऑफमध्ये प्रवेश करण्यासाठी पंजाबला उर्वरित चारपैकी दोन सामने जिंकावे लागतील. पीबीकेएसचे आतापर्यंत १३ गुण आहेत आणि त्यांचा एनआरआर ०.१९९ आहे. लीग स्टेजच्या आगामी सामन्यांमध्ये ते लखनौ, दिल्ली, मुंबई आणि राजस्थानशी सामना करतील.
• गुजरात टायटन्स : शुभमन गिलच्या नेतृत्वाखालील संघाने आतापर्यंत ९ सामन्यांत +०.७४८ च्या एनआरआर सह १२ गुण मिळवले आहेत. लीग टप्प्यातील उर्वरित ६ सामन्यांमध्ये त्यांना दोन विजयांची आवश्यकता आहे. उर्वरित सामन्यांमध्ये त्यांना हैदराबाद, मुंबई, दिल्ली, लखनौ आणि चेन्नईचा सामना करावा लागणार आहे.
• दिल्ली कॅपिटल्स : १० सामन्यांत १२ गुणांसह, अलिकडच्या पराभवांनंतरही डीसी आरामदायी स्थितीत आहे. अक्षर पटेलच्या नेतृत्वाखालील संघाचा एनआरआर+०.३६२ आहे आणि त्यांना लीग टप्प्यातील शेवटच्या चार सामन्यांपैकी दोन विजयांची आवश्यकता आहे.