बुधवार, 7 ऑक्टोबर 2026
Virat Kohli Team Respond to Meeting Premanand maharaj
गेल्या काही दिवसांपासून विराट कोहलीवर आरोप ५ कोटी घेऊन प्रेमानंद महाराजांना भेट दिल्याचे आरोप केले जात आहेत. आता, यावर पहिली प्रतिक्रिया देताना, विराट कोहलीच्या टीमने सोशल मीडियावर पोस्ट करून म्हटले आहे की, ‘आम्ही हे स्पष्टपणे सांगू इच्छितो की, फलाहरी महाराज दिनेश शर्मा यांनी श्री. विराट कोहली यांच्याबाबत केलेले दावे पूर्णपणे खोटे, निराधार आणि वस्तुस्थितीच्या विरुद्ध आहेत. विराट कोहली हे केवळ त्यांच्या श्रद्धा आणि भक्तीच्या भावनेतून प्रेमानंद महाराजजींना भेटतात.’
फलाहारी बाबांच्या आरोपांनंतर, एकच खळबळ उडाली. काही क्षणांतच प्रसारमाध्यमांमध्ये बातम्या पसरू लागल्या. त्यामुळे हे प्रकरण अधिकच चिघळले. तेव्हापासून विराट कोहलीच्या मौनावर प्रश्नचिन्ह उपस्थित केले जात आहे. प्रसारमाध्यमांना केलेल्या एका मोठ्या आवाहनात, विराटच्या टीमने म्हटले आहे, ‘ आम्ही हे दावे पूर्णपणे फेटाळून लावतो आणि प्रसारमाध्यमांना आवाहन करतो की, अशी विधाने प्रकाशित करण्यापूर्वी किंवा प्रसारित करण्यापूर्वी त्यांनी तथ्यांची योग्य चौकशी व पडताळणी करावी आणि जबाबदारीने रिपोर्टिंग करावे.’
भारताचा माजी कर्णधार विराट कोहली आणि बॉलिवूड अभिनेत्री अनुष्का शर्मा यांनी २०२३ मध्ये पहिल्यांदा प्रेमानंद महाराजांना भेट दिली होती. तेव्हापासून, किंग कोहली जेव्हा जेव्हा वेळ मिळेल तेव्हा वृंदावनला भेट देत असतो. या काळात कोहलीने आपली मुलगी वामिका आणि मुलगा अकाय कोहली यांनाही सोबत नेले होते. विराटने बाबा नीम करोली यांच्या आश्रमालाही भेट दिली आहे.
विराट कोहली नुकतेच झालेल्या वेस्ट इंडिजविरुद्धच्या तीन एकदिवसीय सामन्यांच्या मालिकेनंतर सध्या आपल्या कुटुंबासोबत वेळ घालवत आहे. तो आता न्यूझीलंडविरुद्ध भारतीय संघाकडून खेळताना दिसणार आहे. भारतीय संघ ४ नोव्हेंबरपासून पाच एकदिवसीय सामन्यांची मालिका खेळणार आहे. या मालिकेत विराट कोहलीकडून पुन्हा एकदा दमदार कामगिरीची अपेक्षा असेल. कोहलीने मागील मालिकेतही एक शानदार शतक झळकावले होते.
