(फोटो सौजन्य-सोशल मीडिया)
हा महेंद्रसिंग धोनीचा शेवटचा आयपीएल हंगाम आहे का अशा बऱ्याच चर्चा सुरु आहेत. मात्र या चर्चांकडे फक्त एक तर्क म्हणूनच पाहिलं गेले पाहिजे. कारण धोनी हे नावच मुळात ‘आश्चर्यां’चं प्रतिक म्हटलं तरी अतिशयोक्ती ठरणार नाही. आजवरचे असे बरेच सामने आहेत जे त्याने आपल्या चातुर्याच्या बळावर आणि आपल्या खेळाचा बळावर संघाला जिंकून दिले आहेत. मग तो हेलीकॉप्टर शॉर्ट असोत किंवा स्टंम्पच्या मागे उभं राहून विकेट किपींग करणं असोत. माहीने आपली जादू सगळीकडे पसरवली आहे. त्यामुळे भविष्यात तो आणखी काही हंगामांसाठी खेळताना दिसला, तर त्यात नवल वाटण्यासारखे काहीही नसेल.
MaSter of the craft! ⚔️ #WhistlePodu #Yellove pic.twitter.com/7iGWGra2v1 — Chennai Super Kings (@ChennaiIPL) March 13, 2026
धोनीने खेळावं आणि मोठ्या प्रमाणात खेळतच रहावं अशीच त्याच्या चाहत्यांची इच्छा असेल. मा्त्र आता टीममधली समीकरणं बदलणार आहेत ? यासगळ्यानंत आता एक मोठा प्रश्न मात्र अनुत्तरित राहतो: आता जेव्हा संजू सॅमसन चेन्नईच्या संघात सामील झाला आहे. तो स्वतःही एक यष्टीरक्षक आहे. तेव्हा पुढे काय घडणार? हा मोठा प्रश्न आहे. शिवाय संघात यष्टीरक्षणाचा आणखी एक पर्याय म्हणून उर्वील पटेल उपलब्ध आहे. त्यामुळे ‘थाला’ फलंदाजीसाठी कोणत्या क्रमांकावर मैदानात उतरेल? हे पहावं लागेल.
चेन्नई संघाच्या प्रचंड जनसमर्थनामागील एक प्रमुख कारण म्हणजे खुद्द ‘ब्रँड धोनी’ हेच आहे. ज्या क्षणी तो मैदानात पाऊल ठेवतो, त्या क्षणी संपूर्ण स्टेडियममध्ये उत्साहाने उसळून उठतं. या क्षणाची तुलना दुसऱ्या कोणत्याही क्षणाशी न करण्यासारखी आहे. जरी गेल्या काही हंगामांमध्ये धोनीने फलंदाजीसाठी वरच्या फळीत (top order) स्थानी फलंदाजीसाठी उतरला नसला तरीही तो जेव्हा फलंदाजीसाठी क्रीजवर येतो. तेव्हा त्याने किती चेंडू खेळावे किंवा किती मोठे रन करावे संपूर्ण सामन्यात फक्त त्याच्या एन्ट्रीवेळी ‘लाईव्ह स्ट्रीमिंग’च्या प्रेक्षकसंख्येत लक्षणीय वाढ झालेली पाहायला मिळते.
२०२३ च्या हंगामादरम्यान, रवींद्र जडेजाने असे विधान केले की, जेव्हा जेव्हा तो CSK कडून फलंदाजीसाठी वरच्या फळीत येतो, तेव्हा चाहते तो लवकर बाद व्हावा अशी प्रार्थना करतात; जेणेकरून त्यांना ‘माही भाई’ (धोनी) ची फलंदाजी पाहता येईल. यावरून हे स्पष्टपणे दिसून येते की, चाहते धोनीने फलंदाजीसाठी वरच्या क्रमांकावर यावे आणि खेळावे, अशी इच्छा बाळगतात.
अनेक अनुभवी क्रिकेटपटूंनी चाहत्यांनी व्यक्त केलेल्या या भावनांना दुजोरा दिला आहे; अलीकडेच, एबी डिव्हिलियर्सने संघामधील धोनीच्या भूमिकेबाबत प्रश्न उपस्थित केले. डिव्हिलियर्सने स्पष्टपणे नमूद केले की, जर धोनी फलंदाजीच्या क्रमवारीत खालच्या क्रमांकावर येत असेल आणि आता तो संघाचे कर्णधारपदही भूषवत नसेल, तर तो चुकीच्या कारणांमुळे संघात आपले स्थान टिकवून आहे असं वाटतं आहे. त्यामुळे आता या सगळ्यात माही कोणत्या स्थानवर फलंदाजीसाठी येतोय आणि संघात नेमकी त्याची काय भूमिका असणार आहे हे पाहणं महत्त्वाचं ठरणार आहे.
.png "Videos"){kind=small}
