फोटो सौजन्य - X सोशल मिडीया
Mohammad Amir in IPL 2026 : इंडियन प्रीमियर लीग २०२५ चा महासंग्राम सुरु व्हायला फक्त १४ दिवस शिल्लक आहेत. आयपीएल म्हणजेच भारतामध्ये साजरा केला जाणार क्रिकेटचा उत्सव. भारताच्या त्याचबरोबर विदेशी खेळाडूंवर आयपीएल २०२५ च्या मेगा ऑक्शनमध्ये पैशांचा पाऊस पडला. आयपीएलमध्ये आंतरराष्ट्रीय क्रिकेट खेळाडू असो किंवा डोमेस्टिक खेळाडू असो जो चांगला कामगिरी करेल त्याच्यावर फ्रँचायझी पैशांची उधळपट्टी करते. आता आयपीएल २०२५ चा नवा सिझन २२ मार्चपासून सुरू होणार आहे. सीझन-१८ चा पहिला सामना कोलकाता नाईट रायडर्स आणि रॉयल चॅलेंजर्स बंगळुरू यांच्यामध्ये खेळवला जाणार आहे.
Champions Trophy 2025 फायनलच्या सामन्यात बदल? वाचा IND vs NZ सामना दुबईमध्ये किती वाजता सुरू होणार
पाकिस्तान वगळता सर्व संघांचे खेळाडू आयपीएलमध्ये खेळताना दिसतात. काही वर्षांपूर्वी पाकिस्तान व्हिजा वर बंदी घालण्यात आली होती. आता, माजी पाकिस्तानी क्रिकेटपटू मोहम्मद आमिरने आयपीएल २०२६ मध्ये खेळण्याची इच्छा व्यक्त केली आहे. पाकिस्तानचा माजी वेगवान गोलंदाज मोहम्मद आमिरने आता आंतरराष्ट्रीय क्रिकेटमधून निवृत्ती घेतली आहे. तथापि, तो लीग क्रिकेटमध्ये खेळताना दिसतो. आता, आयपीएलमध्ये खेळण्याबद्दल, मोहम्मद आमिरने ‘हारना मन है’ या शोमध्ये म्हटले की, “पुढच्या वर्षी मला आयपीएलमध्ये खेळण्याची संधी मिळेल आणि जर मला संधी मिळाली तर का नाही?” मी आयपीएलमध्ये खेळेन.
🚨 MOHAMMAD AMIR IN IPL. 🚨 – Amir confirms he’ll be eligible to play in the IPL from 2026. pic.twitter.com/9B677YUvow — Mufaddal Vohra (@mufaddal_vohra) March 8, 2025
वृत्तानुसार, पाकिस्तानचा माजी वेगवान गोलंदाज मोहम्मद आमिर ब्रिटनमध्ये राहतो आणि त्याच्यामार्फत तो ब्रिटिश पासपोर्ट मिळविण्याचा प्रयत्न करत आहे. जर त्याला पासपोर्ट मिळाला तर तो ब्रिटिश नागरिक होईल. जर असे झाले तर तो आयपीएल खेळण्यास पात्र मानला जाईल, कारण आयपीएलमध्ये पाकिस्तानी क्रिकेटपटूंवर बंदी आहे. आमिर पुढे म्हणाला की जर तो आयपीएलमध्ये भाग घेतो तर त्याला आरसीबीकडून खेळायला आवडेल.
आयपीएलची सुरुवात २००८ मध्ये झाली. पहिल्या सत्रात ११ पाकिस्तानी खेळाडूंनी भाग घेतला होता. ज्यामध्ये ४ खेळाडू केकेआरकडून, ३ राजस्थानकडून, २ दिल्लीकडून आणि प्रत्येकी १ खेळाडू आरसीबी आणि डेक्कन चार्जर्सकडून खेळला. या खेळाडूंमध्ये सलमान बट, शोएब अख्तर, मोहम्मद हाफीज, उमर गुल, कामरान अकमल, युनूस खान, सोहेल तन्वीर, मोहम्मद आसिफ, शोएब मलिक, शाहिद आफ्रिदी आणि मिसबाह-उल-हक यांचा समावेश आहे.
सध्या आता चॅम्पियन ट्रॉफीचा शेवटचा सामना शिल्लक आहे हा सामना दुबईमध्ये खेळवला जाणार आहे. यंदा चॅम्पियन ट्रॉफीचे यजमानपद पाकिस्तानकडे होते पण भारताचा संघ सुरक्षेच्या कारणामुळे पाकिस्तानला गेला नाही. २०२३ च्या विश्वचषकामध्ये पाकिस्तानचा संघ भारतामध्ये आला होता.
