Women’s ODI World Cup : विश्वविजेता भारतीय संघ पंतप्रधान मोदींच्या निवासस्थानी दाखल! इतिहास रचणाऱ्या लेकींचे दिल्लीत स्वागत

दिल्लीत भारतीय महिला संघाचे भव्य स्वागत

भारतीय महिला संघाचे दिल्लीत आगमन होताच भव्य स्वागत करण्यात आले आहे. हॉटेलमध्ये खेळाडू आणि प्रशिक्षक अमोल मुझुमदार यांचे ढोल, फुले आणि जयजयकाराने स्वागत केले गेले. भारतीय संघानकडून केक कापून हा आपला ऐतिहासिक विजय साजरा करण्यात आला आहे.

पंतप्रधान मोदींकडून विश्वविजेत्या संघाचे अभिनंदन

पंतप्रधान मोदीं यांच्याकडून देखील सोशल मीडियावर संघाच्या विजयाबद्दल आनंद व्यक्त करण्यात आला आहे. त्यांनी हा विजय देशाच्या कन्यांच्या शक्ती आणि स्वप्नांचा विजय असल्याचे वर्णन केले आहे. मोदी म्हणाले की, हा विजय प्रत्येक भारतीयासाठी अभिमानाचा एक क्षण आहे. पंतप्रधान मोदींनी सोशल मीडियावर लिहिले की, “महिला क्रिकेट विश्वचषक २०२५ च्या अंतिम फेरीत भारतीय संघाचा मोठा विजय. अंतिम फेरीतील त्यांची कामगिरी आश्चर्यकारक कौशल्य आणि आत्मविश्वासाने भरलेली होती. संपूर्ण स्पर्धेत संघाने असाधारण टीमवर्क आणि चिकाटी दाखवून दिली आहे. आमच्या खेळाडूंचे अभिनंदन. हा ऐतिहासिक विजय भविष्यातील चॅम्पियन खेळाडूंना खेळात सहभागी होण्यासाठी प्रेरणा देत राहील.”

हेही वाचा : चाहते होणार इतिहासाचे साक्षीदार! स्टार फुटबॉलपटू क्रिस्टियानो रोनाल्डो ‘या’ भारतीय संघाविरुद्ध उतरणार मैदानात

भारताने पहिल्यांदाच जिंकली विश्वचषक ट्रॉफी

महिला एकदिवसीय विश्वचषकाच्या ५२ वर्षांच्या इतिहासात भारताने प्रथमच विजेतेपदावर नाव कोरले आहे. यापूर्वी, भारतीय संघ २००५ आणि २०१७ मध्ये अंतिम फेरीत पोहोचला होता, परंतु तो त्यावेळी जेतेपदाने  हुलकावणी दिली होती.

संबंधित बातम्या