SA Vs AUS: केवढी भयानक उलथापालथ! ‘कांगारूं’वर आफ्रिकेचा विजय; WTC मध्ये भारताच्या स्थानामध्ये….

SA Vs AUS: साऊथ आफ्रिकेने ऑस्ट्रेलियावर 1 इनिंग आणि 31 रन्सने पराभव केला आहे. त्यामुळे पॉईंट्स टेबलमध्ये मोठी उलथापालथ झाली आहे. या पराभवानंतरही ऑस्ट्रेलियन संघ पॉईंट्स टेबलमध्ये आघाडीवर आहे.

• वर्ल्ड टेस्ट चॅम्पियनशिपमध्ये मोठा बदल
  
• दुसऱ्या कसोटीत आफ्रिकेचा ऑस्ट्रेलियावर विजय 
• भारतीय संघ पाचव्या स्थानावर 

SA Vs AUS/WTC: सध्या साऊथ आफ्रिका आणि ऑस्ट्रेलिया यांच्यात (SA Vs AUS) टेस्ट सिरीज सुरू आहे. पहिली टेस्ट ऑस्ट्रेलियाने जिंकली आहे. त्यानंतर आता दुसऱ्या सामन्यात साऊथ आफ्रिकेने वापसी केली आहे. साऊथ आफ्रिकेने दुसऱ्या सामन्यात ऑस्ट्रेलियावर विजय मिळवला आहे. दुसऱ्या सामन्यात साऊथ आफ्रिकेने ऑस्ट्रेलियाचा एका डाव आणि ३१ धावांनी पराभव करत तीन सामन्यांची सिरीज १-१ अशी बरोबरीत आणली आहे. त्यामुळे वर्ल्ड टेस्ट चॅम्पियनशिपच्या पॉईंट्स टेबलमध्ये बदल झाले आहेत.

साऊथ आफ्रिकेने ऑस्ट्रेलियावर 1 इनिंग आणि 31 रन्सने पराभव केला आहे. त्यामुळे पॉईंट्स टेबलमध्ये मोठी उलथापालथ झाली आहे. या पराभवानंतरही ऑस्ट्रेलियन संघ पॉईंट्स टेबलमध्ये आघाडीवर आहे. मात्र त्यांच्या गुणांच्या टक्केवारीत (PCT) मोठी घसरण झाली आहे. दक्षिण आफ्रिकेच्या या विजयामुळे WTC चा अंतिम सामना गाठण्याच्या शर्यतीत रंगत वाढली असून, प्रत्येक संघासाठी आगामी सामने अतिशय महत्त्वाचे असणार आहेत.

AUS Vs SA: आमच्या नादाला लागाल तर खांडोळी निश्चित; Australia संघ WTC मध्ये प्रथम, तर भारत…

सध्या गुणतालिकेत ५व्यास्थानावर संघर्ष करत असलेल्या भारतीय संघासाठी WTC फायनलमध्ये पोहोचण्याच्या आशा अद्याप कायम आहेत. भारताला अंतिम फेरीत आपले स्थान पक्के करण्यासाठी आगामी सिरीजमध्ये जास्तीत जास्त सामने जिंकावे लागतील. आफ्रिकेने मिळवलेल्या या विजयामुळे मालिकेचा तिसरा आणि अंतिम सामना अत्यंत चुरशीचा असणार आहे. ही सिरीज कोण जिंकणार याकडे सर्वांचे लक्ष लागले आहे.

आफ्रिका आणि ऑस्ट्रेलिया यांच्यात सुरू असलेल्या रोमांचक टेस्ट सिरीजमध्ये रंगत वाढली आहे. पहिला कसोटी सामना जिंकून ऑस्ट्रेलियाने आपले स्थान पक्के केले होते. मात्र दुसऱ्या सामन्यात आफ्रिकेचा विजय झाल्याने हे समीकरण थोडेसे बदलले गेले आहे. ऑस्ट्रेलियन संघाचे PCT घसरून थेट ७५% वर आले आहे.ऑस्ट्रेलियन संघ अजूनही पहिल्या स्थानावर आहे.

या पराभवानंतर सिरीजमधील तिसरा आणि अंतिम सामना अत्यंत महत्त्वपूर्ण असणार आहे. जर दक्षिण आफ्रिकेच्या संघाने हा शेवटचा सामना जिंकण्यात यश मिळवले, तर ते केवळ मालिकाच जिंकणार नाहीत, तर ऑस्ट्रेलियन संघाला नंबर-१ च्या खुर्चीवरून खाली देखील खेचू शकतात. त्यामुळे आगामी सामन्यात कांगारूंना आपले वर्चस्व टिकवण्यासाठी मोठी कसरत करावी लागणार आहे.

SA vs AUS: स्टीव्ह स्मिथने डरकाळी फोडली; ऑस्ट्रेलियाच्या कसोटी इतिहासात घातला ‘हा’ धुमाकूळ

WTC  पॉईंट्स टेबलमध्ये टॉप 6 संघांची स्थिती

1. ऑस्ट्रेलिया
2. न्यूझीलंड
3. साऊथ आफ्रिका
4. बांग्लादेश
5. भारत
6. इंग्लंड