फोटो सौजन्य - Women's Premier League (WPL) सोशल मीडिया
रॉयल चॅलेंजर्स बंगळुरू विरुद्ध दिल्ली कॅपिटल्स : भारताची स्टार सलामीवीर फलंदाज स्मृती मानधना टीम इंडियासाठी कमालीची कामगिरी करताना दिसत आहे. आता सध्या महिला प्रीमियर लीग २०२५ चा नवा सिझन सुरु झाला आहे. यामध्ये कॅप्टन स्मृती मानधना रॉयल चॅलेंजर्स बंगळुरूसाठी कहर करताना दिसत आहे, त्याचबरोबर ती संघासाठी मजबूत कामगिरी करताना दिसत आहे. काल सीझनचा चौथा सामना दिल्ली कॅपिटल्स विरुद्ध रॉयल चॅलेंजर्स बंगळुरू यांच्यामध्ये झाला या सामन्यांमध्ये आरसीबीने दिल्ली कॅपिटल्सचा ८ विकेट्सने पराभव करून सीझनमध्ये सलग दुसरा विजय मिळवला.
महिला प्रीमियर लीग ( WPL) ची सध्याची विजेती रॉयल चॅलेंजर्स बंगळुरू, महिला प्रीमियर लीग २०२५ मध्ये एका चॅम्पियन संघाप्रमाणे खेळत आहे. वडोदरा येथील कोटाम्बी स्टेडियमवर खेळल्या जाणाऱ्या महिला प्रीमियर लीग २०२५ च्या सुरुवातीच्या सामन्यांमध्ये रॉयल चॅलेंजर्स बंगळुरू वर्चस्व गाजवत आहे . संघाने पहिले दोन्ही सामने जिंकले आहेत. यावेळीही रॉयल चॅलेंजर्स बंगळुरूची कर्णधार स्मृती मानधना तिचा वादळी दृष्टिकोन दाखवत आहे. त्याने दिल्ली कॅपिटल्सविरुद्ध स्फोटक फलंदाजी करून संघाला विजय मिळवून दिला . यादरम्यान, तिने एक स्टायलिश आणि हटके षटकारही मारला, या षटकाचा व्हिडीओ सध्या सोशल मीडियावर मोठ्या प्रमाणात व्हायरल होत आहे.
आरसीबीकडून स्मृती मानधनाने तुफानी अर्धशतक झळकावले आणि डॅनिएल वायट-हॉजसोबत पहिल्या विकेटसाठी शंभर धावांची भागीदारी केली. आरसीबीने नाणेफेक जिंकून डीसीला प्रथम फलंदाजीसाठी आमंत्रित केले. डीसीचा संघ १९.३ षटकांत १४१ धावांवर आटोपला आणि आरसीबीने १७ व्या षटकाच्या दुसऱ्या चेंडूवर २ गडी गमावून १४२ धावांचे लक्ष्य गाठले. त्याच सामन्यात, पाचव्या षटकात, स्मृती मानधनाने अरुंधती रेड्डीच्या गोलंदाजीवर एक जबरदस्त षटकार मारला. प्रत्येकजण या सिक्सबद्दल बोलत आहे कारण तो खरोखरच मिड-ऑफवर एक स्टायलिश शॉट आहे, जो खूप सुंदर आहे. स्मृती मानधनाने संघासाठी दोन्ही सामन्यांमध्ये कमालीची कामगिरी केली आहे.
Picture That! 😍📸 Captain Smriti Mandhana graces Vadodara with her elegance 🤌🔥 She notches a 5️⃣0️⃣-run partnership with Danni Wyatt as #RCB are 57/0 after 6 overs Updates ▶ https://t.co/CmnAWvkMnF#TATAWPL | #DCvRCB | @RCBTweets | @mandhana_smriti pic.twitter.com/XpkSDFGPlB — Women’s Premier League (WPL) (@wplt20) February 17, 2025
या सामन्यात डावखुरी सलामीवीर स्मृती मानधनाने ४७ चेंडूत ८१ धावांची तुफानी खेळी केली. या डावात त्याने १० चौकार आणि ३ षटकार मारले, पण सर्वात जास्त चर्चेत राहिले ते त्याच्या ५ व्या षटकात मारलेल्या षटकाराचे. त्याने मिड-ऑफवर हा षटकार मारला. त्याने डावा गुडघा वाकवून चेंडू मिड-ऑफच्या बाहेर उचलला. या सामन्यादरम्यान, स्मृती मानधनाने महिला प्रीमियर लीगमध्ये ५०० धावा पूर्ण केल्या. अशी कामगिरी करणारी ती एकूण सहावी फलंदाज ठरली आहे. भारतासाठी हा पराक्रम करणारी ती दुसरी क्रिकेटपटू आहे. तिच्या आधी, शफाली वर्मा आणि हरमनप्रीत कौर यांनी ,महिला प्रीमियर लीगमध्ये ५०० धावा केल्या आहेत.
.png "Videos"){kind=small}
