WPL 2025 : पाच वेळा विश्वविजेत्या कर्णधाराला रडताना पाहून चाहते भावुक! तीन वेळा फायनल खेळूनही ट्रॉफी दूर, Video Viral

दिल्ली कॅपिटल्स संघ पुन्हा एकदा जेतेपदाच्या जवळ पोहोचला होता पण जिंकू शकला नाही तिसऱ्यांदा दिल्लीचे जेतेपद हुकले आहे. शनिवारी महिला प्रीमियर लीग (WPL) २०२५ च्या अंतिम सामन्यात मुंबई इंडियन्सविरुद्ध संघाला ८ धावांनी पराभव पत्करावा लागला, ज्यामुळे विजेतेपदाची त्यांची प्रतीक्षा वाढली. सलग तिसऱ्यांदा अंतिम सामना गमावल्यानंतर, दिल्ली कॅपिटल्सची कर्णधार मेग लॅनिंगचा एक व्हिडिओ व्हायरल होत आहे ज्यामध्ये ती रडताना दिसत आहे. त्याच्या या व्हिडिओने त्याच्या चाहत्यांनाही खूप भावनिक केले आहे. सोशल मीडियावर व्हायरल झालेल्या या व्हिडिओमध्ये, लॅनिंग प्रथम तिचे अश्रू पुसताना दिसते. त्यानंतर दिल्ली कॅपिटल्सच्या कर्णधाराने तिच्या सहकाऱ्याने सांत्वन दिले तेव्हा तिने हलकेसे स्मितहास्य केले.

सामन्यानंतर बोलताना लॅनिंग म्हणाली की, ‘आमचा आणखी एक चांगला हंगाम गेला, पण दुर्दैवाने आम्ही जिंकू शकलो नाही. पण आम्ही संपूर्ण सीझनमध्ये चमकदार कामगिरी केली आहे त्याचबरोबर मुंबई संघाचे अभिनंदन देखील केले. १५० धावांचा पाठलाग करणे हे आमच्यासाठी चांगले लक्ष्य होते. आम्ही आणखी चांगला खेळ दाखवू शकलो असतो, पण मला संघाचा अभिमान आहे.

लॅनिंगने तिच्या कर्णधारपदाखाली एकही महिला प्रीमियर लीगचे विजेतेपद जिंकले नसले तरी तिने तिच्या देश ऑस्ट्रेलियाला एक-दोन नव्हे तर पाच ट्रॉफी जिंकण्यास मदत केली आहे. लॅनिंग पाच आयसीसी महिला टी-२० विश्वचषक आणि दोन आयसीसी महिला एकदिवसीय विश्वचषक जिंकणाऱ्या संघांचा भाग आहे. विशेष म्हणजे त्याने कर्णधार म्हणून यापैकी सहा जेतेपदे जिंकली आहेत. या दिग्गज खेळाडूने नोव्हेंबर २०२३ मध्ये वयाच्या ३१ व्या वर्षी आंतरराष्ट्रीय क्रिकेटमधून निवृत्तीचा निर्णय घेऊन सर्वांना आश्चर्यचकित केले.

संबंधित बातम्या