Youth Olympic Games : यूथ ऑलिम्पिक 2026चा शानदार शुभारंभ; भारताचे 17 खेळाडू पदकांसाठी सज्ज!
आफ्रिका खंडात पहिल्यांदाच ऑलिम्पिक स्पर्धेचे आयोजन होत असून, सेनेगलमध्ये यूथ ऑलिम्पिक गेम्स 2026 (Youth Olympic Games) चा दिमाखदार शुभारंभ झाला आहे. सेनेगलचे राष्ट्राध्यक्ष बासिरू डियोमाये फाये यांनी स्पर्धेच्या उद्घाटनाची अधिकृत घोषणा केली. या ऐतिहासिक सोहळ्यामुळे आफ्रिकेच्या क्रीडा विश्वात नव्या पर्वाची सुरुवात झाली आहे. या स्पर्धेत भारताचे 17 खेळाडू सहभागी झाले असून, त्यांच्याकडून पदकांची अपेक्षा आहे.
डकार येथील स्टेड अब्दुलाय वेडमध्ये झालेल्या उद्घाटन सोहळ्यात विविध देशांतील शेकडो युवा खेळाडूंनी संचलनातून आपल्या देशाचे प्रतिनिधित्व केले. संपूर्ण सोहळ्यात आफ्रिकेचा समृद्ध भूतकाळ, वर्तमान आणि भविष्य यांचे दर्शन घडवण्यात आले. सेनेगलच्या ‘तेरंगा’ म्हणजेच पाहुणचाराच्या परंपरेचा विशेष गौरव करण्यात आला.
या सोहळ्यात अल्केबुलन, केब आणि सिटो या तीन प्रतीकात्मक पात्रांच्या माध्यमातून सांस्कृतिक वारसा एका पिढीकडून दुसऱ्या पिढीकडे हस्तांतरित होण्याचा प्रवास दाखवण्यात आला. तसेच आफ्रिका खंडाचे भविष्य घडवण्यात तरुणांची भूमिका किती महत्त्वाची आहे, यावरही प्रकाश टाकण्यात आला.
खेळाडूंनी मोठी स्वप्ने पाहावीत : क्रिस्टी कोव्हेंट्री
आंतरराष्ट्रीय ऑलिम्पिक समितीच्या (IOC) अध्यक्षा क्रिस्टी कोव्हेंट्री यांनी या ऐतिहासिक सोहळ्याचे कौतुक केले. आफ्रिका खंड पहिल्यांदाच ऑलिम्पिक चळवळीचे स्वागत करत असल्याचा अभिमान त्यांनी व्यक्त केला.
त्या म्हणाल्या, हा असा आफ्रिका आहे, ज्याचा मला खूप अभिमान आहे. जगाला आफ्रिकेची ओळख करून देण्यासाठी मी उत्सुक आहे. झिम्बाब्वेची नागरिक आणि आफ्रिकन महिला म्हणून या ऐतिहासिक क्षणाचा मला विशेष अभिमान वाटतो.
खेळामुळे आपल्या आयुष्यात अनेक संधी निर्माण झाल्या आणि स्वतःवर विश्वास ठेवण्याची प्रेरणा मिळाली, असेही त्यांनी सांगितले. या स्पर्धेत सहभागी होणाऱ्या प्रत्येक खेळाडूने स्वतःवर विश्वास ठेवावा, मोठी स्वप्ने पाहावीत आणि आपले सर्वोत्तम प्रदर्शन करावे, असे आवाहन त्यांनी केले.
यूथ ऑलिम्पिक गेम्स 2026 ही स्पर्धा 31 ऑक्टोबर ते 13 नोव्हेंबरदरम्यान डकार, साली आणि डायम्नियाडियो या तीन शहरांमध्ये रंगणार आहे. एकूण 25 क्रीडा प्रकारांमध्ये 205 देशांच्या प्रतिनिधी मंडळांतील 2,655 युवा खेळाडू सहभागी झाले आहेत.
भारताने या स्पर्धेसाठी 17 खेळाडूंचा संघ पाठवला आहे. यामध्ये 11 महिला आणि सहा पुरुष खेळाडूंचा समावेश आहे. भारतीय खेळाडू 11 क्रीडा प्रकारांमध्ये आपले कौशल्य पणाला लावणार आहेत.
Ishan Kishan : ईशान किशनने रचला टी-20 मध्ये इतिहास; असं करत त्याने अनेकांना मागे सारलं
भारताने यापूर्वी झालेल्या तीन यूथ ऑलिम्पिक स्पर्धांमध्ये एकूण 23 पदके जिंकली आहेत. यामध्ये 3 सुवर्ण, 16 रौप्य आणि चार कांस्यपदकांचा समावेश आहे. याशिवाय विविध देशांच्या खेळाडूंनी एकत्रित सहभाग घेतलेल्या मिक्स्ड-एनओसी प्रकारांमध्ये भारतीय खेळाडूंनी आणखी चार पदके मिळवली आहेत. मात्र, ही पदके भारताच्या अधिकृत पदकतालिकेत मोजली जात नाहीत.
भारताची यूथ ऑलिम्पिकमधील सर्वोत्कृष्ट कामगिरी 2018 मध्ये ब्यूनस आयर्स येथे झाली होती. त्या स्पर्धेत भारताने तीन सुवर्ण, नऊ रौप्य आणि एक कांस्य अशा एकूण 13 पदकांची कमाई केली होती. आता सेनेगलमध्ये होणाऱ्या स्पर्धेत भारतीय युवा खेळाडू ही कामगिरी मागे टाकणार का, याकडे क्रीडाप्रेमींचे लक्ष लागले आहे.
Cricket News: प्रियांश राठोडची फटकेबाजी, विहान बोकरियाचा विकेट्सचा चौकार; सीएनए अंतिम फेरीत
Ans: सेनेगलमध्ये डकार, साली आणि डायम्नियाडियो या तीन शहरांमध्ये या स्पर्धांचे आयोजन करण्यात आले आहे.
Ans: भारताचे एकूण 17 खेळाडू सहभागी झाले आहेत. यामध्ये 11 महिला आणि 6 पुरुष खेळाडू आहेत.
Ans: ही स्पर्धा 31 ऑक्टोबर ते 13 नोव्हेंबर 2026 या कालावधीत होणार आहे.
.png "Videos"){kind=small}
