मंगळवार, 6 ऑक्टोबर 2026
Youth Test : दुसऱ्या डावात ऑस्ट्रेलिया बॅकफूटवर, भारताची सामन्यावर बळकट पकड, सौजन्य : आयएएनएस
ऑस्ट्रेलिया अंडर-19 संघाविरुद्ध नरेंद्र मोदी स्टेडियममध्ये सुरू असलेल्या अनौपचारिक कसोटी मालिकेच्या (Youth Test ) दुसऱ्या सामन्यात इंडिया अंडर-19 ने आपली पकड बळकट केली आहे. आपल्या पहिल्या डावात 315 धावा केल्यानंतर यजमानांनी ऑस्ट्रेलिया संघाच्या दुसऱ्या डावात 86 धावांवर 4 विकेट घेतल्या आहेत. दुसऱ्या दिवसाच्या समाप्तीनंतर ऑस्ट्रेलिया अंडर-19 संघाने 55 धावांची आघाडी आपल्याकडे घेतली आहे.
चार दिवसीय सामन्यातील नाणेफेक गमावत फलंदाजीसाठी उतरलेला ऑस्ट्रेलिया संघ पहिल्या डावात फक्त 174 धावांवर गारद झाला. या संघाने 65 धावांवर आपले 6 विकेट गमावले, ज्यानंतर जॅकब पीत्जने चार्ली हँडरसनसोबत सातव्या विकेटसाठी 70 धावा जोडत संघाची धावसंख्या शतक पार नेली.
या डावात चार्ली हँडरसनने सर्वाधिक 37 धावा केल्या, तर नील पटेलने 31 धावांची खेळी केली. त्याशिवाय जॅकब पीत्जने 26 धावा आणि पॅट्रिक सुलिवनने 20 धावांचे योगदान दिले. भारतासाठी तन्मय बलोदाने 32 धावांत 6 विकेट, तर अयान अक्रमने 2 विकेट घेतल्या.
याला प्रत्युत्तर देताना भारतीय संघाने आपल्या पहिल्या डावात 315 धावा केल्या. भारताने 28 धावांवर आपले 2 विकेट गमावले होते, ज्यानंतर कर्णधार यशवर्धन चौहान (52) आणि कुशाग्र ओझा (29) यांनी तिसऱ्या विकेटसाठी 63, तसेच मनल चौहान चौहान (34) आणि आर्यन यादवने पाचव्या विकेटसाठी 67 धावांची भागीदारी रचली.
ICC : शेफाली-चरणी आयसीसीच्या ‘या’ पुरस्कारासाठी नॉमिनेट, अभिषेक-गिल पुरुषांच्या श्रेणीत शॉर्टलिस्ट
त्यानंतर अभिप्राय बिस्वासने 13 चौकारांसह 73 धावा, तर प्रियांशु सिंहने नाबाद 30 धावांची खेळी करताना संघाला विशाल धावसंख्येपर्यंत पोहचवले. ऑस्ट्रेलियाचा फिरकीपटू स्पेंसर ग्रीनने 110 धावा देत 7 विकेट प्राप्त केल्या, तर थॉमस वासेओने 2 विकेट घेतल्या.
ऑस्ट्रेलियाला आपल्या दुसऱ्या डावाच्या सुरुवातीलाच धक्का बसला. फक्त 9 धावांवर हेडन बारबुलोविक (9) बाद झाला, त्यानंतर नील पटेल (3) आणि कर्णधार मॅथ्यू लॉफ (8) ही माघारी परतले. त्यानंतर एली ब्रेनने ब्लॅक कॅटलसोबत चौथ्या विकेटसाठी 39 धावा जोडल्या. ब्रेन 8 चौकारांसह 39 धावा करत बाद झाला. सध्या खेळपट्टीवर ब्लॅक कॅटल (11) आणि झेड हॉलिक (12) टिकून आहेत.
IPL 2027: सौरव गांगुली हेड कोच, दिल्ली कॅपिटल जिंकणार? कर्णधारही बदलणार असल्याचे संकेत
दुसऱ्या दिवसाचा खेळ संपेपर्यंत ऑस्ट्रेलिया अंडर- 19 ने 26 षटकांचा सामना करताना 4 बाद 86 धावा केल्या. या डावातील सर्व चार विकेट तन्मय (26/4) ने आपल्या नावे केले. तीन सामन्यांच्या वनडे मालिकेत 3-0 असे क्लीन स्वीप केल्यानंतर भारताने कसोटी मालिकेतील पहिला सामना एक डाव 48 धावांनी आपल्या खिशात घातला होता.
